বিক্ৰম আৰু লেণ্ডাৰৰ কলকব্জা ঠিকে আছেনে? চন্দ্ৰত আজি সুৰ্যোদয়, কি আশাৰ বতৰা দিলে ইছৰোৰ বিজ্ঞানীয়ে?

বিক্ৰম আৰু লেণ্ডাৰৰ কলকব্জা ঠিকে আছেনে? চন্দ্ৰত আজি সুৰ্যোদয়, কি আশাৰ বতৰা দিলে ইছৰোৰ বিজ্ঞানীয়ে?

Facebook
Twitter
LinkedIn
Facebook
Twitter
LinkedIn

NB NEWS- ২৩ আগষ্ঠ ২০২৩ৰ দিনটো ভাৰতে পাহৰিব নোৱাৰে। বিশ্ববাসীয়েও এই দিনটো মনত ৰাখিব। কাৰণ সেই দিনটোতেই ভাৰতৰ মহাকাশ সংস্থা ইছৰোৱে চন্দ্ৰৰ দক্ষিণে মেৰুত চন্দ্ৰযান-৩ৰ সফল অৱতৰণ কৰাইছিল। ভাৰতৰ মহাকাশ গৱেষণা ইতিহাসত এই নতুন ইতিহাস ৰচিলে ইছৰোৱে। আজি চন্দ্ৰত সুৰ্যোদয় হৈছে। সূৰ্যৰ পোহৰ পৰাৰ লগে লগেই ব্যস্ত হৈ পৰিছে ইছৰোৰ দল।

চন্দ্ৰযান-৩ৰ বিক্ৰম আৰু প্ৰজ্ঞানক জগাবলৈ আজিৰে পৰা চেষ্টা চলাব ইছৰোৰ দলে। ইছৰোৰ তৰফৰ পৰা জনোৱা অনুসৰি চন্দ্ৰৰ দক্ষিণ মেৰুত সূৰ্যোদয় হৈছে। ১৪ দিনলৈ সূৰ্যৰ পোহৰে আলোকিত কৰি ৰাখিব চন্দ্ৰপৃষ্ঠক। সূৰ্যৰ পোহৰত যদি চন্দ্ৰযান-৩ ৰ যন্ত্ৰপাতি সমূহ চাৰ্জ হয় তেন্তে বিক্ৰম আৰু প্ৰজ্ঞানক জগাবলৈ চেষ্টা কৰা হ’ব। লেণ্ডাৰ বিক্ৰম আৰু ৰোভাৰ প্ৰজ্ঞানৰ সৈতে সম্পৰ্ক স্থাপনৰ চেষ্টা চলাইছে ইছৰোৰ দলে।

বিক্ৰম আৰু প্ৰজ্ঞানক জগাই তুলিব পৰা যাবনে?

ইছৰোৰ প্ৰাক্তন চেয়াৰমেন জি মাধবন নায়াৰে জনোৱা অনুসৰি, ‘প্ৰায় দুসপ্তাহ ধৰি কৰ্মবিহীন হৈ আছে বিক্ৰম আৰু প্ৰজ্ঞান। বহু সময় ধৰি ফ্ৰীজত ৰখা সামগ্ৰীৰ দৰে বিক্ৰম আৰু প্ৰজ্ঞান এতিয়া জঠৰ হৈ আছে। চন্দ্ৰপৃষ্ঠত তাপমাত্ৰা প্ৰায় মাইনাছ ১৫০ ডিগ্ৰী চেলছিয়াছৰ তললৈকে নামি যায়। ইমান কম তাপমাত্ৰাৰ বেটেৰী, যন্ত্ৰপাতিসমূহ কৰ্মক্ষম হৈ থাকিব নে নাই সেই বিষয়ত কিন্তু সন্দেহ আছে। তীব্ৰ ঠাণ্ডা সহ্য কৰি যন্ত্ৰপাতিসমূহ কেনে অৱস্থাত আছে সেই বিষয়ে বিজ্ঞানীসকলে আৰম্ভ কৰিছে পৰীক্ষা-নিৰীক্ষা। আমি আশা কৰিছো যে চন্দ্ৰযান-৩ ৰ যন্ত্ৰপাতি কৰ্মক্ষম হৈ উঠিব। সূৰ্যৰ তাপত যন্ত্ৰপাতি আৰু বেটেৰীসমূহ চাৰ্জ হ’ব। যদি সঠিক কৈ চাৰ্জ লয় তেন্তে বিক্ৰম আৰু প্ৰজ্ঞান জাগি উঠাৰ সম্ভাৱনা আছে।

যদি জীৱিত হৈ উঠে তেন্তে চন্দ্ৰযান-৩য়ে ১৪ দিনত আকৌ পৰীক্ষা নিৰীক্ষা আৰম্ভ কৰিব। চন্দ্ৰৰ দক্ষিণ মেৰুৰ অজানা তথ্য উদঘাটন কৰিবলৈ যত্ন কৰিব বিক্ৰম আৰু প্ৰজ্ঞানে। এই পৰীক্ষা নিৰীক্ষাৰ মাধ্যমেৰে নতুন তথ্য উদঘাটন কৰিবলৈ যত্ন কৰিব প্ৰজ্ঞানে। যদি এই ঠাণ্ডাত বাচি থাকে তেন্তে বিক্ৰম আৰু প্ৰজ্ঞান চিৰকালৰ বাবে ভাৰতৰ চন্দ্ৰদূত হৈ চন্দ্ৰৰ বুকুতেই থাকি যাব।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *