জানেনে কিয় জোন দেখাৰ পাছতহে ঈদ উদযাপন কৰা হয়

জানেনে কিয় জোন দেখাৰ পাছতহে ঈদ উদযাপন কৰা হয়

Facebook
Twitter
LinkedIn
Facebook
Twitter
LinkedIn

জানেনে কিয় জোন দেখাৰ পাছতহে ঈদ উদযাপন কৰা হয়

আজি পবিত্ৰ ঈদ। সমগ্ৰ দেশৰ লগতে আজি অসমৰো ভিন্ন প্ৰান্তত উদযাপন কৰা হৈছে মুছলমান ধৰ্মাৱলম্বী লোক সকলৰ অন্যতম উৎসৱ ঈদ। কালি ঈদৰ জোন দেখাৰ পাছতে আজি ঈদ পালন কৰা হয়।

অন্যহাতে মধ্যপ্ৰাচ্যৰ দেশ চৌডি আৰৱ, কুৱাটাৰ আদিত কালি ১০ এপ্ৰিল তাৰিখেই ঈদ উদযাপন কৰা হয়। এই কেইখন দেশত ৯ এপ্ৰিলৰ সন্ধিয়াই ঈদৰ জোন দেখা পোৱা গৈছিল।

আজিৰ এই ঈদ দুটা নামেৰে জনা যায়। ঈদ উল ফিটৰ আৰু মিঠি ঈদ। অমাৱশ্যাৰ পাছত প্ৰথম কাঁচি জোন দেখাৰ পিছৰ দিনাই ঈদ উদযাপন কৰা হয়।

ঈদ-উল-ফিতৰ নাইবা এই মিঠি ঈদ প্ৰথমবাৰৰ বাবে ৬২৪ খ্ৰীষ্টাব্দত পালন কৰা হৈছিল। কোৱা হয় যে আজিৰ দিনটোতে হজৰত মহম্মদে বদৰৰ যুদ্ধত জয়লাভ কৰিছিল।

এই যুঁজ আছিল মুছলমান ধৰ্মৰ লোকৰ প্ৰথমখন যুঁজ। সেই যুঁজত নবীৰ বিজয়ক লৈ সুখ প্ৰকাশ কৰি বহু মানুহৰ মাজত মিঠাই বিতৰণ কৰিছিল। বহু ধৰণৰ ব্যঞ্জন প্ৰস্তুত কৰি উদযাপন কৰা হৈছিল। তেতিয়াৰ পৰাই প্ৰতি বছৰে এই ঈদ-উল-ফিটৰ পালন কৰিবলৈ ধৰে।

কোৰানৰ মতে এই মিঠি ঈদ তথা ঈদ উল ফিটৰ আল্লাহৰ পৰা পোৱা পুৰস্কাৰৰ দিন বুলি গণ্য কৰা হয়। ইছলামিক কেলেণ্ডাৰৰ নৱমটো মাহত ৰোজা পালন কৰা হয়। এই পবিত্ৰ ৰমজান মাহৰ ৰোজা পালন কৰা শেষ কৰি পাছত ঈদ উদযাপন কৰে।

Tags:

Tags:

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *