নামক লৈ বিতৰ্ক! শিৱশক্তি কিয় দিয়া হ’ল বিক্ৰম লেণ্ডাৰে চন্দ্ৰপৃষ্ঠত নমা সেই পয়েণ্টৰ নাম?

নামক লৈ বিতৰ্ক! শিৱশক্তি কিয় দিয়া হ’ল বিক্ৰম লেণ্ডাৰে চন্দ্ৰপৃষ্ঠত নমা সেই পয়েণ্টৰ নাম?

Facebook
Twitter
LinkedIn
Facebook
Twitter
LinkedIn

NB NEWS- চন্দ্ৰৰ মাটিত চন্দ্ৰযান-৩ নমাৰ পাছতেই গৰ্বিত হৈ পৰিছে দেশবাসী। সমগ্ৰ বিশ্ব আজি ভাৰতৰ প্ৰশংসাত পঞ্চমুখ। চন্দ্ৰৰ দক্ষিণ মেৰু জয় কৰি পৃথিৱীৰ সকলো দেশতকৈ এঢাপ আগুৱাই গৈছে ভাৰত। কিন্তু শনিবাৰে এইসমূহৰ মাজত প্ৰধানমন্ত্ৰী মোদী ইছৰোৰ মুখ্য কাৰ্যালয়ত উপস্থিত হোৱাৰ পাছতেই আৰম্ভ হৈছে আন এক চৰ্চা। প্রধানমন্ত্ৰী মোদীয়ে এই সফল অভিযানৰ বাবে বিজ্ঞানীক অভিনন্দন জনাবলৈ বাংগালুৰুত থকা ইছৰোৰ মুখ্য কাৰ্যালয়লৈ গৈছিল। তাতেই প্রধানমন্ত্ৰীয়ে ইছৰোৰ চন্দ্ৰযান-৩ ৰ দায়িত্বত থকা মুখ্য বিজ্ঞানী সোমনাথসহ চন্দ্ৰযান-৩ মিছনৰ আটাইকেইজন বিজ্ঞানীকেই লগ কৰে। তাৰ পৰাই তেওএঁ বিক্ৰম লেণ্ডিং কৰা পইণ্টৰ নাম দিছে শিৱশক্তি। শিৱশক্তি নামক লৈ এতিয়া আৰম্ভ হৈছে ৰাজনৈতিক বিতৰ্ক।

এই শিৱশক্তি নামক লৈ কংগ্ৰেছ নেতা ৰছিদ আলভিয়ে কৰিছে বিশেষ মন্তব্য। কংগ্ৰেছ নেতাগৰাকীয়ে কয়, ‘সমগ্ৰ পৃথিৱীয়ে আমাক প্ৰশংসা কৰিছিল। কিন্তু এই নামৰ পিছত হাঁহিবলৈ ধৰিছে। আমি চন্দ্ৰপৃষ্ঠ স্পৰ্শ কৰিছো সেয়া অত্যন্ত সুখৰ খবৰ। আমি সকলোৱেই গৰ্ববোধ কৰিছো। কিন্তু আমি চন্দ্ৰৰ মালিক কেনেকৈ হম?’ ইয়াৰোপৰি চন্দ্ৰযান-১ যেতিয়া ভাঙি পৰিছিল তেতিয়া সেই ঠাইৰ নাম জৱাহৰ পইণ্ট ৰখাৰ কথাও জনাই নেতাগৰাকীয়ে।

কংগ্ৰেছ নেতাৰ মন্তব্যক লৈ বিজেপি নেতা শেহজাদ পুনুৱালাই কয়, ‘শিৱশক্তি আৰু ত্ৰিৰংগা এই দুই নামৰেই যোগসূত্ৰ আছে। কংগ্ৰেছ পৰিয়ালতন্ত্ৰত বিশ্বাসী। আৰু বিজেপিয়ে দেশক লৈ আগবাঢ়িব খুজিছে। বিক্ৰম লেণ্ডাৰৰ নামকৰণ কৰা হৈছে বিক্ৰম ছাৰাভাইৰ নামেৰে। তাৰপিছতেই কংগ্ৰেছ নেতাগৰাকীয়ে প্ৰত্তুত্ত্যৰত কয়, ”জৱাহৰলাল নেহৰুৰ সৈতে প্ৰধানমন্ত্ৰী মোদীৰ তুলনাই নহয়। জৱাহৰলাল নেহৰুৱে ইছৰো প্ৰতিষ্ঠা কৰি গৈছে। মোদীয়ে কেৱল সকলোতে ৰাজনীতিৰ ৰং লগোৱাত ব্যস্ত হৈ পৰিছে।’ উল্লেখ্য যে, নাম যিয়েই নহওক কিয় সকলোৱে কিন্তু নামতকৈ বিজ্ঞানীৰ সফলতাকহে প্ৰশংসা কৰিছে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *