গোহৰ জান, দেশৰ প্ৰথমগৰাকী কোঁঠত থকা মহিলা, যাৰ গাণ ৰেকৰ্ড হৈ ইতিহাস ৰচিছিল, সেই দিনতে লৈছিল ৩০০০ টকা

গোহৰ জান, দেশৰ প্ৰথমগৰাকী কোঁঠত থকা মহিলা, যাৰ গাণ ৰেকৰ্ড হৈ ইতিহাস ৰচিছিল, সেই দিনতে লৈছিল ৩০০০ টকা

Facebook
Twitter
LinkedIn
Facebook
Twitter
LinkedIn

গোহৰ জান, দেশৰ প্ৰথমগৰাকী কোঁঠত থকা মহিলা, যাৰ গাণ ৰেকৰ্ড হৈ ইতিহাস ৰচিছিল, সেই দিনতে লৈছিল ৩০০০ টকা

আমাৰ দেশত এফালে নাৰীক দেৱী হিচাপে পূজা কৰা হয়, আনহাতে আমাৰ মাজৰ কিছুমানে এনেকুৱা জঘন্য অপৰাধ কৰে যে ঈশ্বৰেও তেওঁলোকক ক্ষমা কৰিব নোৱাৰে। শিশু কন্যাকো নেৰে কিছুমান পাষণ্ডই নিজৰ কামনাৰ বলি সজাবলৈ। তেনেই এগৰাকী কনমানি যিয়ে মাত্ৰ ১৩ বছৰ বসয়তে ধৰ্ষণৰ সন্মুখিন হৈছিল। এয়া ১৮ শতিকাৰ কথা।

কিন্তু এনে বৰ্বৰতা ভোগ কৰাৰ পাছতো সেই কনমানিয়ে জীৱন শেষ হোৱা বুলি ধৰি নলৈ নকৈ সজাই লৈছিল জীৱন। পাছলৈ নিজকে এগৰাকী কিংবদন্তি মহিলা শাস্ত্ৰীয় সংগীতজ্ঞ হিচাপে পৰিগণিত কৰিছিল। কোঁঠত জীৱন নিৰ্বাহ কৰিয়ো গাণ ৰেকৰ্ড কৰা দেশৰ প্ৰথম মহিলা হিচাপে নিজৰ নাম ইতিহাসৰ পাতত সন্নিবিষ্ট কৰিছিল।

সেই নাৰী গৰাকীৰ নামেই হৈছে গোহৰ জান। ১৮৭৩ চনত এক খ্ৰীষ্টান পৰিয়ালত জন্মগ্ৰহণ কৰা গোহৰৰ প্ৰকৃত নাম এঞ্জেলীনা য়েবাৰ্ড। অতি কম বয়সতে পিতৃ-মাতৃৰ বিবাহ বিচ্ছেদ দেখি বহু সমস্যাৰ সন্মুখিন হৈছিল। বিচ্ছেদৰ পাছত মাতৃৰ সৈতে মুছলমান ধৰ্ম গ্ৰহণ কৰি লৈছিল গোহৰ নাম। পাছলৈ কোঁঠত থাকি এগৰাকী গায়িকা হিচাপে প্ৰসিদ্ধ হৈ পৰে আৰপ গোহৰৰ পৰা গোহৰ জান হয়।

কিন্তু গোহৰ জানক যিটোৱে বেলেগ কৰি তুলে সেয়া আছিল আড়ম্বৰপূৰ্ণ জীৱনশৈলী। যেতিয়া তেওঁৰ মেকুৰীটোৱে এটা মেকুৰী পোৱালী জন্ম দিছিল, তেতিয়া তেওঁ সেই তেতিয়াৰ দিনতে ২০ হাজাৰ টকা খৰচ কৰি গ্ৰেণ্ড পাৰ্টি কৰিছিল। ব্ৰিটিছ চৰকাৰৰ নিয়ম উলংঘা কৰি, দৈনিক ১০০০ টকা জৰিমনা দি চাৰিটা ঘোঁৰাৰে টনা নিজৰ দামী বাগীত কলিকতাৰ মূল পথবোৰত ঘূৰি ফুৰিছিল।

তেওঁৰ ফটো ছবি, পোষ্ট কাৰ্ড আদিৰ লগতে অষ্ট্ৰিয়াত নিৰ্মিত মেচৰ বাকচতো দেখা গৈছিল। দেশৰ লগতে বিশ্বৰ ৬ টা কৈ ভাষাতো দখল আছিল গোহৰ জানৰ। যাৰ বাবে বহু নামি-দামী লোকৰ লগত অনায়াসে কথা বতৰা হৈছিল।

জীৱনত ধন-সম্পত্তি, খ্যাতি আৰু প্ৰতিপত্তি অৰ্জন কৰা গোহৰ জান মাত্ৰ এটা বস্তুৰ পৰা বঞ্চিত হৈছিল আৰু সেয়া আছিল প্ৰেম। সৰুৰে পৰা গোহৰ খানৰ জীৱনত প্ৰেমৰ অভাৱ আছিল। বয়স বাঢ়ি অহাৰ লগে লগে উদ্যোগটোত গোহৰ জানৰ প্ৰভাৱ কমিবলৈ ধৰে। জীৱনৰ শেষ কালছোৱাত নিসংগতা অৱস্থাত ১৯৩০ চনৰ ১৭ জানুৱাৰীত ৫৬ বছৰ বয়সত এই ধৰাৰ পৰা বিদায় লয় গোহৰ জানে। ।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *