৪ বছৰৰ অক্লান্ত পৰিশ্ৰম, চন্দ্ৰযান-৩ৰ নেপথ্যৰ আঁৰৰ বিজ্ঞানীকেইজনক জানেনে?

৪ বছৰৰ অক্লান্ত পৰিশ্ৰম, চন্দ্ৰযান-৩ৰ নেপথ্যৰ আঁৰৰ বিজ্ঞানীকেইজনক জানেনে?

Facebook
Twitter
LinkedIn
Facebook
Twitter
LinkedIn

বিগত চাৰি বছৰৰ অক্লান্ত পৰিশ্ৰমে সফলতাৰ মুখ দেখিলে। ইণ্ডিয়ান স্পেছ ৰিচাৰ্ছ অৰ্গেনাইজেশ্ব্যন(ইছৰো) ৰ বিজ্ঞানীক এতিয়া শুভেচ্ছাৰে উপচায় পেলাইছে সকলোৱে। প্ৰায় ১ হাজাৰ অভিযন্তা আৰু গৱেষকে দিনে নিশাই চন্দ্ৰযান-৩ মিছনৰ বাবে কাম কৰিছিল। ভাৰতে চন্দ্ৰ চোৱাৰ আঁৰত আছে একাধিক বিজ্ঞানীৰ কঠোৰ পৰিশ্ৰম। যিসকল বিশেষজ্ঞই এই চন্দ্ৰ মিছনত মুখ্য ভূমিকা লৈছে তাৰ ভিতৰত প্ৰধান হৈছে এছ সোমনাথ। তেওঁৰ নেতৃত্বই এই মিছন সফল হৈছে। চন্দ্ৰযান-৩ উৎক্ষেপনৰ আগৰ সকলোবোৰ কাম কাজ নিজেই তদাৰক কৰিছিল সোমনাথে।

এছ সোমনাথ, ISRO প্রধান
চন্দ্ৰযান ৩ বহন কৰি মহাকাশলৈ যাত্ৰা কৰিছিল এল ভিএম ৰকেটে। যাক বাহুবলী ৰকেট বুলিও কোৱা হয়। এই ৰকেটৰ ডিজাইন কৰিছিল এছ সোমনাথে। তেওঁৰ নেতৃত্বতেই এই মিছন সফল হৈছে। চন্দ্ৰযান-৩ উৎক্ষেপণৰ আগৰ যিসমূহ যাৱতীয় কাম সকলোবোৰ তেওঁ নিজেই তদাৰক কৰিছিল। বাংগালুৰুৰ বাসিন্দা এছ সোমনাথ কেৱল এগৰাকী দক্ষ বিজ্ঞানীয়েই নহয় তেওঁ এগৰাকী দক্ষ অভিনেতাও। তেওঁ এখন সংস্কৃত ছবি ‘ইয়ানাম’তো অভিনয় কৰিছে। তেওঁৰ সংস্কৃত ভাষাত বিশেষ দখলো আছে।

বিক্ৰম ছাৰাভাই স্পেছ চেণ্টাৰৰ ডিৰেক্টৰ উন্নিকৃষ্ণণ নাইয়াৰ
এই মিছনত প্ৰধান ভূমিকাত আছে বিক্ৰম ছাৰাভাই স্পেছ চেণ্টাৰৰ ডাইৰেক্টৰ উন্নিকৃষ্ণণ নাইয়াৰ। তেওঁ ৰকেট সংক্ৰান্তীয় গৱেষণাৰ মাষ্টাৰমাইণ্ড। দক্ষ এৰোস্পেছ ইঞ্জিনীয়াৰ উন্নিকৃষ্ণণ। বাংগালুৰু ইণ্ডিয়ান ইনষ্টিটিউট অৱ ছায়েন্সৰ পৰা এৰোস্পেছ বিষয়ত ডিগ্ৰীধাৰী উন্নিকৃষ্ণণ।

ভিৰামুথুভেল পি, চন্দ্ৰযান-৩ৰ প্ৰজেক্ট ডাইৰেক্টৰ
বিগত চাৰি বছৰ ধৰি এই প্ৰকল্পত নিজৰ সৰ্বস্ব ত্যাগ কৰিছে ভিৰামুথুভেল পি। চেন্নাইৰ পৰা তেওঁ টেকনলজিত মাষ্টাৰ ডিগ্ৰী অৰ্জন কৰিছিল। ২০১৯ চনতো লেণ্ডাৰ বিক্ৰমৰ বহু কাম তেওঁ তদাৰক কৰিছিল। সেই ক্ষেত্ৰত তেওঁৰ জ্ঞান চন্দ্ৰযান-৩ৰ সাফল্যৰ বাবে কাৰ্যকৰী হৈছে।

কল্পনা কে, চন্দ্ৰযান-৩ৰ ডেপুটি প্ৰজেক্ট ডাইৰেক্টৰ
কৰ’না পৰিস্থিতিত যেতিয়া সমগ্ৰ দেশ ঘৰৰ ভিতৰত সোমাই আছিল তেতিয়াও তেওঁ কাম কৰি আছিল। তেওঁ ভাৰতৰ মহাকাশ গৱেষণাত নিজৰ জীৱন সমৰ্পণ কৰিছে। চন্দ্ৰযান-৩ মিছনৰ সৈতেও যুক্ত হৈ আছে কল্পনা।

এম ভনিথা, ইউআৰ ৰাও চেটেলাইট চেণ্টাৰৰ ডেপুটি ডাইৰেক্টৰ
চন্দ্ৰযান-২ মিশনৰ প্ৰজেক্টৰ ডাইৰেক্টৰ আছিল এম ভনিথা। তেওঁ দেশৰ প্ৰথম মহিলা গৱেষক যিয়ে চন্দ্ৰমিছনৰ নেতৃত্ব দিছে। তেওঁ চন্দ্ৰযান-২ মিছন আৰু চন্দ্ৰযান-৩ মিছন দুয়োটাতেই কাম কৰিছে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *