কূটনৈতিক জটিল অংকৰ বাবেই ইজৰাইল-হামাছৰ যুদ্ধ! হামাছৰ পক্ষত কোনো কোন দেশ আৰু ইজৰাইলৰ পক্ষত কোন আছে?

কূটনৈতিক জটিল অংকৰ বাবেই ইজৰাইল-হামাছৰ যুদ্ধ! হামাছৰ পক্ষত কোনো কোন দেশ আৰু ইজৰাইলৰ পক্ষত কোন আছে?

Facebook
Twitter
LinkedIn
Facebook
Twitter
LinkedIn

NB NEWS- ইজৰাইল-হামাছৰ চলিত সংঘাতক কেন্দ্ৰ কৰি দুভাগত বিভক্ত হৈছে সমগ্ৰ বিশ্ব৷ কূটনৈতিক ধাৰাবাহিকতা ৰক্ষা কৰি ইজৰাইলৰ কাষত ঠিয় হৈছে আমেৰিকাসহ পশ্চিমৰ একাধিক দেশ৷ অন্যহাতে পশ্চিম এছিয়াতো বাদেই বিশ্বৰ প্ৰতিটো প্ৰান্তত সিঁচৰিত হৈ থকা একাধিক দেশে পেলেস্থানীয় সশস্ত্ৰ সংগঠন হামাছৰ পক্ষত থিয় হৈছে৷ দেশসমূহৰ ভাগ বটোৱাৰা হোৱাৰ আঁৰত আছে ভূৰাজনীতিৰ জটিল অংক৷ ভিন্ন ভিন্ন কূটনৈতিক স্বাৰ্থৰ পৰাই এই সংঘাতত অৱস্থান লৈছে বিশ্বৰ একাধিক দেশ৷ আমেৰিকাৰ ওপৰিও ফ্ৰান্স, জাৰ্মানী, ইটালী, ব্ৰিটেইন থিয় হৈছে ইজৰাইলৰ পক্ষত৷ এইকেইখন দেশে পোনপটীয়াকৈ হামাছক সন্ত্ৰাসবাদী আখ্যাও দিছে৷ আমেৰিকাই পোনপটীয়াকৈ অস্ত্ৰ দি সহায় কৰিছে ইজৰাইলক৷ ব্ৰিটেইন, জাৰ্মানীয়েই কূটনৈতিক সহায়তা আগবঢ়াইছে৷ ফৰাছী প্ৰশাসনে ফ্ৰান্সৰ কোনো লোকেই পেলেস্থাইনপন্থী অৱস্থান, মিছিল কিংবা বিক্ষোভ কৰিব নোৱাৰিব বুলি ঘোষণা কৰিছে৷

জাৰ্মান ৰাষ্ট্ৰপ্ৰধানে হামাছৰ এই আক্ৰমণাত্মক কাৰ্যকলাপৰ বাবে ইৰাণেই দায়ী বুলি দাবী কৰিছে৷ ইৰাণৰ সহায় অবিহনে হামাছে ইজৰাইলৰ ওপৰত আক্ৰমণ কৰিবলৈ এনেদৰে সাহস নকৰে৷ ইউৰোপীয় দেশসমূহে ইউৰোপীয়ান ইউনিয়নক প্ৰাথমিকভাৱে হুমকি দিছে যে হামাছ অধিকৃত গাজালৈ তেওঁলোকে আৰু কোনো সাহাৰ্য্য নপঠিয়াই৷ কিন্তু আন্তৰ্জাতিক চাপৰ বাবে এই সিদ্ধান্ত তেওঁলোকে বৰ্তমানলৈকে স্থগিত ৰাখিছে৷ আমেৰিকা আৰু ইউৰোপৰ দেশসমূহত হামাছৰ আক্ৰমণক লৈ সমালোচনা চলিছে৷ কিন্তু ইজৰাইল আৰু হামাছক লৈ বিশ্বৰ দেশসমূহ বিভাজন হোৱাৰ আঁৰত আছে বহুকেইটা বিষয়৷ল

ইৰাণে হামাছৰ কাষত থিয় দিছে৷ সশস্ত্ৰ গোষ্ঠীক সহায় কৰাৰ অভিযোগ উত্থাপিত হৈছে এওঁলোকৰ বিৰুদ্ধে৷ ইৰাণৰ নেতা আয়াতোল্লা আলি খামেনেই ইজৰাইলক সমালোচনা কৰি কয়, ‘পেলেষ্টাইন ৰাষ্ট্ৰৰ বাবে আমাৰ পূৰ্ণ সমৰ্থন আছে৷’ হামাছৰ কাষত আছে য়েমেন, কাটাৰ আৰু লেবাননো৷ এইসমূহৰ মাজত বিদ্ৰোহী গোট হেজবুল্লাহেও হামাছৰ পক্ষত থিয় দিছে৷ ছিৰিয়াও আছে হামাছৰ পক্ষত৷ উল্লেখ্য যে ইজৰাইলে এতিয়া হামাছ, হেজবুল্লাহ আৰু ছিৰিয়া তিনিওৰে সৈতেই যুঁজ দিব লাগিব৷

কাটাৰে এই যুঁজৰ বাবে ইজৰাইলকেই দোষী বুলি দাবী কৰিছে৷ গৃহযুদ্ধত ইৰাকৰ সশস্ত্ৰ বাহিনী পিএমএফ আৰু আমেৰিকাক ধমকি দিছে কাটাৰে৷ যদি বাছিংটনে ইজৰাইলৰ পক্ষত থিয় হয় তেন্তে তেওঁলোকেও পোনপটীয়াকৈ যুঁজত নামিব৷ আৰৱৰ দেশসমূহে এইধৰণে হামাছক সমৰ্থন কৰাটো কোনো নতুন কথাও নহয়৷ ইজৰাইলী আগ্ৰাসনৰ বিৰুদ্ধে তেওঁলোকে কেইবাবছৰ ধৰি মাত মাতি আহিছে৷

পশ্চিম এছিয়াৰ বহু দেশেই পৰবৰ্তী সময়ত ইজৰাইলৰ সৈতে সম্পৰ্ক ৰক্ষাত মনোনিৱেশ কৰিছে৷ আমেৰিকাৰ মধ্যস্থতাত ২০২০ চনত আব্ৰাহাম চুক্তি স্বাক্ষৰিত হৈছিল৷ তাতেই ছহী কৰিছিল বাহৰিন, ছৌদী আৰৱ, ছুডান, মৰক্কোৰ লগতে আৰৱৰ দেশসমূহে৷ এই দেশসমূহে এতিয়া নিৰপেক্ষ ভূমিকা গ্ৰহণ কৰি আছে৷ ইজৰাইলৰ প্ৰতিও তেওঁলোকে কোনো চৰম বাৰ্তা প্ৰেৰণ কৰা নাই৷ আমেৰিকাৰ মধ্যস্থতাত ছৌদী আৰৱৰ সৈতে এক আলোচনাতো বহিছে ইজৰাইলে৷ বহুতৰে ধাৰণা যে, এই আলোচনাক কেন্দ্ৰ কৰিয়েই ইজৰাইলৰ ওপৰত আক্ৰমণ কৰিছে হামাছে৷ কাৰণ তেওঁলোকে ইজৰাইলৰ তেওঁলোকৰ ওপৰত আধিপত্য কোনো কাৰণতে মানি ল’ব নোখোজে৷ হামাছৰ প্রধান লক্ষ্যই হৈছে ইহুদীপ্ৰধান ৰাষ্ট্ৰ ইজৰাইলক ধ্বংস কৰা৷

ছৌদি আৰৱেও এতিয়া ইজৰাইলকেই সমালোচনা কৰিছে৷ ছৌদি আৰৱৰ মতে পেলেষ্টাইনবাসীৰ বৈধ অধিকাৰ আৰু জোৰকৈ দখল কৰাৰ নীতিৰ বাবেই বৰ্তমান এই পৰিস্থিতিৰ সৃষ্টি হৈছে৷ ৰাছিয়াই আকৌ দুইপক্ষৰ মাজৰ মধ্যস্থতা কৰিব বিচাৰিছে৷ পশ্চিম এছিয়াৰ ৰাজনীতিত চীনে কিন্তু এতিয়ালৈকে নিৰৱ ভূমিকা গ্ৰহণ কৰি আছে৷ কুটনীতিৰ জটিল অংকত পশ্চিম এছিয়া ধ্বংস হৈ যাব নেকি সেই আশংকাও কৰিছে বহুসংখ্যক লোকে৷

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *