উচ্চ ন্যায়ালয়ৰ মজিয়াত মন্তব্য – ভাৰতত বন্ধ হ’ব হোৱাটছএপ

উচ্চ ন্যায়ালয়ৰ মজিয়াত মন্তব্য – ভাৰতত বন্ধ হ’ব হোৱাটছএপ

Facebook
Twitter
LinkedIn
Facebook
Twitter
LinkedIn

উচ্চ ন্যায়ালয়ৰ মজিয়াত মন্তব্য – ভাৰতত বন্ধ হ’ব হোৱাটছএপ

অতিকে জনপ্ৰিয় সামাজিক মাধ্যম হোৱাটছএপে এৰিব ভাৰত। উচ্চ ন্যায়ালয়ৰ মজিয়াত এই মম্তব্য কৰে হোৱাটছ এপ কোম্পানীয়ে। ছ’চিয়েল মিডিয়া প্লেটফৰ্ম হোৱাটছএপে স্পষ্টকৈ কৈছে যে যদি এনক্ৰিপচন আঁতৰাবলৈ কোৱা হয় তেন্তে এই কোম্পানীয়ে ভাৰত এৰিব। ভাৰতত বন্ধ হ’ব হোৱাটছএপ।

দিল্লী উচ্চ ন্যায়ালয়ত হোৱাটছএপে বাৰ্তা এনক্ৰিপচন ডিলিট কৰিবলৈ বাধ্য হ’লে ভাৰতত কাৰ্যকৰীভাৱে বন্ধ কৰি দিয়া হ’ব বুলি জনাইছে। মেটাৰ মালিকানাধীন কোম্পানী হোৱাটছএপে কয় যে এণ্ড টু এণ্ড এনক্ৰিপচনে ব্যৱহাৰকাৰীৰ গোপনীয়তা সুৰক্ষিত কৰি ৰাখে যাতে কেৱল প্ৰেৰক আৰু গ্ৰহণকাৰীয়েহে বাৰ্তাৰ বিষয়বস্তু জানিব পাৰে। আচলতে হোৱাটছএপে তথ্য প্ৰযুক্তি নিয়ম ২০২১ক প্ৰত্যাহ্বান জনাই এই কথা কৈছিল।

ৰাষ্ট্ৰীয় সংবাদ মাধ্যমৰ এক প্ৰতিবেদন অনুসৰি হোৱাটছএপৰ হৈ আদালতত হাজিৰ হোৱা অধিবক্তা তেজস কাৰিয়াই বিভাগীয় বিচাৰপীঠত কয়, ‘এটা প্লেটফৰ্ম হিচাপে আমি কৈছো যে যদি আমাক এনক্ৰিপচন নোহোৱা কৰিবলৈ কোৱা হয় তেন্তে হোৱাটছএপ ভাৰত এৰি গুচি যাব ৷

কাৰিয়াই কয় যে কোম্পানীয়ে প্ৰদান কৰা প্ৰাইভেচি ফিচাৰৰ বাবেহে হোৱাটছএপ ব্যৱহাৰ কৰে। ভাৰতত হোৱাটছএপৰ ৪০ কোটিতকৈ অধিক ব্যৱহাৰকাৰী আছে, যি হৈছে এই প্লেটফৰ্মৰ বিশ্বৰ ভিতৰতে সৰ্ববৃহৎ বজাৰ।

মেছেজিং প্লেটফৰ্ম হোৱাটছএপে যুক্তি দিছে যে এই নিয়মসমূহে এনক্ৰিপচনৰ লগতে ব্যৱহাৰকাৰীৰ গোপনীয়তাও দুৰ্বল কৰি তোলে। ভাৰতৰ সংবিধানৰ ১৪, ১৯ আৰু ২১ অনুচ্ছেদৰ অধীনত নিশ্চিত ব্যৱহাৰকাৰীৰ মৌলিক অধিকাৰো ই উলংঘা কৰে। হোৱাটছএপৰ অধিবক্তা কাৰিয়াই কয়, ‘পৃথিৱীৰ আন ক’তো এনে নিয়ম নাই। ব্ৰাজিলতো নহয়। আমি গোটেই শৃংখলটো ৰাখিব লাগিব আৰু আমি নাজানো কোনবোৰ বাৰ্তা আমাক ডিক্ৰিপ্ট কৰিবলৈ কোৱা হ’ব। অৰ্থাৎ বহু বছৰলৈ লাখ লাখ বাৰ্তা সংৰক্ষণ কৰিব লাগিব।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *