যৌ* নিৰ্যাতনৰ গুৰুতৰ অভিযোগ ৰাজ্যপালৰ বিৰুদ্ধে, তোলপাৰ ৰাজ্য

যৌ* নিৰ্যাতনৰ গুৰুতৰ অভিযোগ ৰাজ্যপালৰ বিৰুদ্ধে, তোলপাৰ ৰাজ্য

Facebook
Twitter
LinkedIn
Facebook
Twitter
LinkedIn

যৌ* নিৰ্যাতনৰ গুৰুতৰ অভিযোগ ৰাজ্যপালৰ বিৰুদ্ধে, তোলপাৰ ৰাজ্য

অসমৰ চুবুৰীয়া ৰাজ্য পশ্চিমবংগৰ ৰাজ্যপালৰ বিৰুদ্ধে উত্থাপন হৈছে এক গুৰুতৰ অভিযোগ। ৰাজভৱনৰ এগৰাকী মহিলা কৰ্মচাৰীয়ে পশ্চিম বংগৰ গৱৰ্ণৰ চি ভি আনন্দ বসুৰ বিৰুদ্ধে যৌন নিৰ্যাতনৰ অভিযোগ উত্থাপন কৰিছে। এই সন্দৰ্ভত মহিলাগৰাকীয়ে ইতিমধ্যে আৰক্ষীক অভিযোগ দিছে।

মহিলাগৰাকীয়ে ৰাজভৱনত ঠিকাভিত্তিক কাম কৰে। মহিলাগৰাকীয়ে কলকাতাৰ হৰে ষ্ট্ৰীট আৰক্ষী থানাত এই সন্দৰ্ভত এজাহাৰ দাখিল কৰিছে। বিষয়টো পোহৰলৈ অহাৰ পিছতে ৰাজ্যপালৰ বিৰুদ্ধে ছচিয়েল মিডিয়াত ধাৰাবাহিকভাৱে পোষ্ট কৰে তৃণমূল কংগ্ৰেছৰ নেতাসকলে।

ৰাজভৱনৰ ফালৰ পৰা জাৰি কৰা বিবৃতিত কোৱা হৈছে যে নিৰ্বাচনী সুবিধাৰ বাবে ‘ৰাজনৈতিক দলৰ এজেণ্টে তেওঁৰ বিৰুদ্ধে এনে ঘৃণনীয় অভিযোগ উত্থাপন কৰিছে, সত্য লুকাই ৰাকিব নোৱাৰি, সত্য ওলাই পৰিব’।

আনহাতে টিএমচিৰ নেতা-মন্ত্ৰীসকলৰ ছ’চিয়েল মিডিয়া পোষ্ট আৰু বক্তব্যত ক্ষুব্ধ হৈ ৰাজ্যপালগৰাকীয়ে পশ্চিমবংগ চৰকাৰৰ মন্ত্ৰীসকলক বৰ্জন কৰিছে। তেওঁ মন্ত্ৰীসকলক ৰাজভৱনত প্ৰৱেশত নিষেধাজ্ঞা আৰোপ কৰিছে।

কেৱল কলকাতাতে নহয় দাৰ্জিলিং আৰু বাৰাকপুৰতো মন্ত্ৰীক ৰাজভৱনত প্ৰৱেশ নিষিদ্ধ কৰিছে। মন্ত্ৰীসকলে যি কাৰ্যসূচীত অংশ ল’ব, সেইবোৰ কাৰ্যসূচীত ৰাজ্যপাল উপস্থিত নাথাকিব বুলিও তেওঁ কয়।

ৰাজভৱনে বিবৃতিটোত উল্লেখ কৰিছে যে যদি আৰক্ষীয়ে এই বিষয়টোৰ তদন্ত কৰিবলৈ আহে, তেন্তে তেওঁলোকৰ ওপৰতো বাধা আৰোপ কৰা হব। সংবিধানৰ ৩৬১ ধাৰা অনুসৰি ৰাজ্যপালৰ বিৰুদ্ধে এফআইআৰ দাখিল কৰিব নোৱাৰিব।

উল্লেখ্য যে, চৰকাৰ আৰু ৰাজ্যপালৰ মাজত থকা মতানৈক্য বহু পুৰণি। পশ্চিমবংগ চৰকাৰ আৰু ৰাজ্যপালৰ মাজত বহুদিন ধৰি উত্তেজনা চলি আহিছে। মমতা বেনাৰ্জী চৰকাৰে ৰাজ্যপালৰ বিৰুদ্ধে কামত বাধাৰ সৃষ্টি কৰাৰ অভিযোগ উত্থাপন কৰিছিল।

বিপৰীতে যোৱা বছৰ ৰাজ্যপাল চি ভি আনন্দ বসুৱে ৰাজ্য চৰকাৰৰ বিৰুদ্ধে তেওঁৰ ওপৰত চোৰাংচোৱাগিৰি কৰাৰ গুৰুতৰ অভিযোগ উত্থাপন কৰিছিল। কলকাতাৰ গৱৰ্ণৰ হাউছত চোৰাংচোৱাগিৰি সন্দৰ্ভত তেওঁৰ হাতত নিৰ্ভৰযোগ্য তথ্য আছে বুলিও দাবী কৰিছিল ৰাজ্যপালগৰাকীয়ে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *