প্ৰথমত সম্পূৰ্ণ বিফল, দ্বিতীয়ত ২৩৬ ৰেংক, তৃতিয়ত দেশৰ ভিতৰতে প্ৰথম 

প্ৰথমত সম্পূৰ্ণ বিফল, দ্বিতীয়ত ২৩৬ ৰেংক, তৃতিয়ত দেশৰ ভিতৰতে প্ৰথম 

Facebook
Twitter
LinkedIn
Facebook
Twitter
LinkedIn

প্ৰথমবাৰ সম্পূৰ্ণ বিফল, দ্বিতীয়ত ২৩৬ ৰেংক, সন্তুস্তি লাভৰ বাবে তৃতিয়বাৰ পুনৰ অৱতীৰ্ণ হয় সৰ্বভাৰতীয় প্ৰশাসনিক সেৱাৰ পৰীক্ষাত, যি পৰীক্ষাত সফলতাই নিজে আজি চুম্বন কৰি যায় আদিত্য শ্ৰীবাস্তৱৰ। দেশৰ ভিতৰতে প্ৰথম স্থান লাভ কৰে।

উত্তৰ প্ৰদেশৰ লক্ষ্নৌ নিবাসী আদিত্য আই আই টি কানপুৰৰ পৰা ইলেক্ট্ৰিকেল ইঞ্জিনিয়াৰিঙত ডিগ্ৰীধাৰী। আজি ঘোষিত হোৱা কেন্দ্ৰীয় লোকসেৱা আয়োগৰ এই ফলাফলে আদিত্যৰ লগতে পৰিয়ালৰ সকলোকে নথৈ আনন্দিত কৰি তোলে।

পিতৃৰ সপোন আছিল এগৰাকী আই এ এছ বিষয়া হোৱাৰ। নিজে হ’ব নোৱাৰাত সেই সপোন প্ৰদান কৰে পুত্ৰক। পুত্ৰই আই আই টি পাছ কৰাৰ পাছতে লাভ কৰিছিল ৪০ লাখ টকীয়া চাকৰীৰ অফাৰ।

সেই চাকৰি কৰি থাকোতেই প্ৰথমবাৰৰ বাবে অৱতীৰ্ণ হয় কেন্দ্ৰীয় লোকসেৱাৰ পৰীক্ষাত। পাছে সেইবাৰ প্ৰিলিমছেই ক্লিয়াৰ কৰিব নোৱাৰে আদিত্যই।

যাৰ বাবে পাছত চাকৰি এৰি সম্পূৰ্ণৰূপে মনোনিৱেশ কৰে পৰীক্ষা প্ৰস্তুতিত। ২০২২ত দ্বিতীয়বাৰৰ বাবে অৱতীৰ্ণ হৈ লাভ কৰে ২৩৬ ৰেংক। আই এ এছৰ সলনি লাভ কৰে আই পি এছৰ চাকৰি।

বৰ্তমানে হায়দৰাবাদত আই পি এছৰ ট্ৰেইনিঙত ব্যস্ত আছিল আদিত্য। কিন্তু তথাপি মন আই এ এছ বিষয়া হোৱাৰ বাবেহে। সেয়ে কৰ্মক্ষেত্ৰতো প্ৰস্তুতি চলাই থাতে আদিত্যই। যি কষ্ট আৰু সাধনাৰ ফলতে আজি লাভ কৰে দেশৰ ভিতৰতে ১ নম্বৰ স্থান।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *