ধৰ্মেন্দ্ৰৰ এডমিট কাৰ্ডত কেনেকৈ আহিল ছানী লিয়’নীৰ ফটো? পোহৰলৈ আহিল ঘটনা

ধৰ্মেন্দ্ৰৰ এডমিট কাৰ্ডত কেনেকৈ আহিল ছানী লিয়’নীৰ ফটো? পোহৰলৈ আহিল ঘটনা

ছানী লিয়'নী
ছানী লিয়'নী
Facebook
Twitter
LinkedIn
Facebook
Twitter
LinkedIn

বিগত কেইবাদিন ধৰি এখন এডমিট কাৰ্ডে তোলপাৰ লগাই আছে সামাজিক মাধ্যম। মুহূৰ্ততে ভাইৰেল হৈ পৰা এডমিট কাৰ্ডখনক লৈ চৰ্চাৰ অন্ত নাই। আৰক্ষীত ভৰ্তিৰ বাবে অনুষ্ঠিত পৰীক্ষাৰ এডমিট কাৰ্ডত অভিনেত্ৰী ছানী লিয়’নীৰ ফটো। লগে লগে ছ’চিয়েল মিডিয়াত চৰ্চা। ছানী লিয়’নীয়ে আৰক্ষীৰ পৰীক্ষাত অৱতীৰ্ণ হ’ব নেকি? ছানী লিয়’নীৰ ফটো সম্বলিত এডমিট কাৰ্ড কেনেকৈ আহিল? কাৰ ভুলৰ বাবে সংঘটিত হ’ল এনে ঘটনা? প্ৰৱঞ্চনাৰ বলি হ’ল নেকি ধৰ্মেন্দ্ৰ কুমাৰ?

উত্তৰ প্ৰদেশ আৰক্ষীৰ কনিষ্টবল পদৰ বাবে অনুষ্ঠিত হৈছিল বাচনী পৰীক্ষা। স্নাতক উত্তীৰ্ণ ধৰ্মেন্দ্ৰ কুমাৰ নামৰ এজন যুৱকে কনিষ্টবল পদৰ বাবে প্ৰস্তুতি চলাইছিল। পৰীক্ষাৰ বাবে আবেদন কৰা ধৰ্মেন্দ্ৰই এডমিট সংগ্ৰহ কৰি হতবাক হৈ পৰে। এডমিট কাৰ্ডত ধৰ্মেন্দ্ৰৰ পৰিৱৰ্তে বলীউডৰ মোহময়ী অভিনেত্ৰী ছানী লিয়’নীৰ ফটো সম্বলিত আছিল। যাৰ বাবে পৰীক্ষাত অৱতীৰ্ণ হ’ব নোৱাৰিলে ধৰ্মেন্দ্ৰই। ছ’চিয়েল মিডিয়াত এডমিটখন ভাইৰেল হোৱাৰ লগে লগে আৰক্ষীয়ে ঘটনা সন্দৰ্ভত তদন্ত আৰম্ভ কৰে।

প্ৰাথমিক তদন্তত ধৰ্মেন্দ্ৰই ঘটনাত তেওঁৰ কোনো হাত নাই বুলি বাৰে বাৰে দোহাৰিছিল। কিন্তু পৰৱৰ্তী তদন্তত সমগ্ৰ ঘটনা পোহৰলৈ আহে। তথ্য অনুসৰি ধৰ্মেন্দ্ৰই মহোবাৰ এখন চাইবাৰ কেফেৰ পৰা আৰক্ষী পৰীক্ষাৰ বাবে আবেদন কৰিছিল। সকলো সঠিকভাবে কৰা বুলি ধৰ্মেন্দ্ৰই দাবী কৰাৰ পাছতো এডমিটত ছানী লিয়’নীৰ ফটো অহা ঘটনাই আচম্বিত কৰিছে সকলোকে। ইয়াৰ পাছত ধৰ্মেন্দ্ৰক পুনৰ থানালৈ মাতি সোধা-পোছা কৰাতহে ওলাই ওৰহী গছৰ ওৰ। ধৰ্মেন্দ্ৰৰ ভাষ্য অনুসৰি তেওঁ আবেদন পূৰণৰ পাছত লগইন আৰু পাছৱৰ্ড অসাৱধানবশত ভাগ-বতৰা কৰিছিল।

আবেদনকাৰীসকলক লগইন পাছৱৰ্ড ভাগ-বতৰা নকৰিবলৈ বাৰে বাৰে সতৰ্ক কৰি দিয়া হৈছিল। ইয়াৰ পাছতো কিন্তু বহু লোকে এই সতৰ্কবাণী অমান্য কৰে। ধৰ্মেন্দ্ৰও এনে ঘটনাৰেই চিকাৰ হয়। কোনো অজ্ঞাত লোকে ধৰ্মেন্দ্ৰৰ প্ৰ-পত্ৰ পুনৰ লগইন কৰি ইয়াক সম্পাদনা কৰে যাৰ ফলত ধৰ্মেন্দ্ৰৰ এডমিট কাৰ্ডত ছানী লিয়’নীৰ ফটো সংলগ্ন হয়। অপৰাধীক কৰায়ত্ব কৰিবলৈ অভিযান অব্যাহত ৰাখিছে আৰক্ষীয়ে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *