দেশ কঁপাই যোৱা ঘটনা, উত্তৰপ্ৰদেশৰ বদায়ুত এটা নিশাতে শেষ এখন ঘৰৰ সকলো

দেশ কঁপাই যোৱা ঘটনা, উত্তৰপ্ৰদেশৰ বদায়ুত এটা নিশাতে শেষ এখন ঘৰৰ সকলো

Facebook
Twitter
LinkedIn
Facebook
Twitter
LinkedIn

দেশ কঁপাই যোৱা ঘটনা, উত্তৰপ্ৰদেশৰ বদায়ুত এটা নিশাতে শেষ এখন ঘৰৰ সকলো

মাথো এটা নিশাতে শেষ হৈ যায় সকলো। কোনো ব্যক্তিগত মনোমালিন্যৰ বাবে প্ৰাণ হেৰুৱালে এখন ঘৰৰে দুই কনমানি শিশুৱে, তৃতীয় শিশুটিও আক্ৰমণৰ বলি, কোনোমতে প্ৰাণ লৈ পলায়ন ঘটনাস্থলীৰ পৰা। শেষত আৰক্ষীৰ এনকাউন্টাৰত হত্যাকাৰীয়ো নিহত।

১৯ মাৰ্চ মঙলবাৰে উত্তৰ প্ৰদেশৰ বদায়ুত সংঘটিত হৈছে এই লোমহৰ্ষক ঘটনা। যি ঘটনাৰ চাক্ষুষ প্ৰমাণ এটি ৬ বছৰীয়া কনমানি। যি হত্যাকাৰীৰ আক্ৰমণত হেৰুৱাই নিজৰ বুঢ়া আঙুলি।

সেই কনমানিৰ সমুখতে হত্যাকাৰীয়ে ১৩ বছৰীয়া আৰু ৭ বছৰীয়া ককায়েকক কাটি দুচেও কৰে। ৬ বছৰীয়া সৰু ভায়েককো প্ৰাণে মাৰিবৰ বাবে খেদি যাওতে দাৰ ঘাপ কেৱল হাতৰ বুঢ়া আঙুলিত পৰে।

ঘটনা সন্দৰ্ভত জানিব পৰা অনুসৰি, ওচৰা ওচৰিকৈ একেলগে বাস কৰে দুয়োঘৰ । পাছে কোনো কাৰণত সামান্য মনোমালিন্য থাকে, তথাপি মাতবোল অব্যাহত দুয়োখন ঘৰৰ মাজত।

কালি সন্ধ্যাৰ সময়তে এখন ঘৰৰ ছাডিদ নামৰ যুৱকজনে ইখন ঘৰলৈ আহি বৌ বুলি সম্বোধন কৰা ৩ সন্তানৰ মাতৃগৰাকীক ৫ হাজাৰ টকাৰ সহায় বিচাৰে পত্নীৰ প্ৰসৱৰ সময় আহি পোৱা বুলি।

মহিলাগৰাকীয়ে এফালে অন্য এটা কোঠাৰ ভিতৰলৈ টকা আনিবলৈ যাওতেই সিফালে ছাজিতে ঘৰৰ ছাদলৈ নি এজন এজনকৈ কাটি হত্যা কৰে ঘৰখনৰ দুই পুত্ৰক। সৰু পুত্ৰ পলাই যোৱাত তাক হত্যা কৰাত বিফল হয়।

তাৰ পাছত ঘৰৰ তললৈ আহি মহিলাগৰাকীৰ আগত দুই পুত্ৰক হত্যা কৰাৰ কথা কৈ তাৰ পৰা বীৰদৰ্পে ওলাই লগৰ এজনৰ লগত বাইকত উঠি পলাই যায়। লগে লগে চাৰিওফালে হাহাকাৰ লাগি যায়।

সন্তানকেইটিৰ পিতৃক খবৰ দিয়াৰ লগতে আৰক্ষীকো খবৰ কৰে। আৰক্ষীয়ে ঘটনাস্থলীত উপস্থিত হৈ তেজেৰে লুতুৰি পুতুৰি হৈ থকা মৃতদেহ কেইটি উদ্ধাৰ কৰাৰ লগতে হত্যাকাৰীৰো সন্ধানত নামি পৰে।

পাছত নিশাৰ ভাগত ছাজিদে পলায়ন কৰিবলৈ ধৰাৰ সময়তে আৰক্ষীৰ সৈতে সংঘৰ্ষত লিপ্ত হয়। সেই সংঘৰ্ষতে এগৰাকী আৰক্ষী বেয়াকৈ আহত হোৱাৰ লগতে আৰক্ষীয়েও শেষত এনকাউণ্টাৰ কৰে ছাজিদৰ।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *