এটা টিয়াৰ অভিশাপতেই অযোধ্যালৈ উভতি আহিয়েই আকৌ বনবাসলৈ যাব লগা হৈছিল সীতা। সীতাৰ এই কাহিনী জানেনে?

এটা টিয়াৰ অভিশাপতেই অযোধ্যালৈ উভতি আহিয়েই আকৌ বনবাসলৈ যাব লগা হৈছিল সীতা। সীতাৰ এই কাহিনী জানেনে?

Facebook
Twitter
LinkedIn
Facebook
Twitter
LinkedIn

NB NEWS- ৰামায়ণৰ কাহিনী আমি প্ৰত্যেকেই জানো। আমি যিখিনি জানো সেইখিনিক লৈ চৰ্চা হয় যদিও এনে বহু কথা আছে যিসমূহ আজিও বহুতে নাজানে। ৰামায়ণত সীতাৰ অপহৰণৰ পাছতেই ৰাম আৰু সীতাই ১৪ বছৰ পৃথকে থাকিব লগা হৈছিল। ১৪ বছৰৰ পাছত অযোধ্যালৈ উভতি আহি দুয়ো বেছিদিন একেলগে থাকিব নোৱাৰিলে। বিশেষ কাৰণত ৰামে সীতাক অকলেই বনবাসলৈ পঠিয়াই দিয়ে। কিন্তু কিয় ৰাম আৰু সীতাৰ এই বিচ্ছেদ হৈছিল জানেনে?

লোককথা অনুসৰি এটা টিয়া চৰাইৰ অভিশাপৰ কাৰণে ৰাম আৰু সীতাই লংকাৰ পৰা উভতি আহি অকলে থাকিব লগা হৈছিল। কিন্তু টিয়া চৰাইৰ অভিশাপ প্ৰকৃততে কোনে পাইছিল? ৰাম নে সীতা? লোকপ্ৰবাদ অনুসৰি সৰুতে সীতাই লগৰীয়াৰ সৈতে খেলি থাকোতে হঠাতে সীতাৰ চকু এহাল টিয়া চৰাইৰ ওপৰত পৰে। মতা টিয়া চৰাইটোৱে মাইকী টিয়া চৰাইৰ সৈতে কথা পাতি আছিল। সীতাই লুকাই লুকাই চৰাইকেইটাৰ কথা শুনি আছিল। টিয়া দুটাই কথা পাতি আছিল, ‘ভৱিষ্যতে ৰাম নামৰ এজন প্ৰভাৱশালী ৰজা হ’ব। সেই ৰজাই সীতা নামৰ এগৰাকী সুন্দৰী যুৱতীক বিয়া কৰাই আনিব।’ সীতাই এই কথা শুনি আৰু ৰ’ব নোৱাৰিলে।

চৰাই দুটিৰ সন্মুখত দেখা দিয়েই টিয়া হালক সীতাই প্ৰশ্ন কৰে, ‘তোমালোকে এইবোৰ কথা কেনেকৈ জানিলা?’ তেতিয়া টিয়াহালে কয় যে, দুয়োৱে মহৰ্ষি বাল্মিকীৰ পৰা এই কথা গম পাইছে। টিয়াহালক তেতিয়া সীতাই কয় যে, তেৱেই সীতা। এই কথা শুনা মাত্ৰকে টিয়াহালে ভয় খাই উৰি যায়। তেতিয়া সীতাই চৰাই হালক বাট ভেঁটি ধৰে। সীতাই কয় যে তেওঁ টিয়াহালক নিজৰ লগত ৰাখিব। তেতিয়াই টিয়াহালে কয়, ‘আমি স্বাধীন। আমাক বলপূৰ্বক বান্ধি ৰাখিব কোনেও নোৱাৰে।’ তেতিয়া সীতাই কয়, ‘মই তোমালোকৰ পৰা আৰু কাহিনী শুনিব বিচাৰো।’ টিয়াহালে কিন্তু যথেষ্ট কাকুতি মিনতি কৰি আমাক এৰি দিয়ক বুলি সীতাক কয়। সীতাই তেতিয়া কেৱল পুৰুষ টিয়াটোকহে মুক্ত কৰি দিবলৈ ৰাজী হয়। সীতাই কয় যে স্ত্ৰী টিয়াটোক তেওঁ কোনোকাৰণতে এৰি দিব নোৱাৰে।

তেতিয়াই পুৰুষ টিয়াটোৱে কয় যে তেওঁৰ পত্নী টিয়া গৰ্ভৱতী। সেয়ে সীতাই বান্ধি নাৰাখি দুজনক একেলগে থাকিবলৈ দিয়ক বুলি কাকুতি মিনতি কৰে। সীতাই কিন্তু তেওঁলোকৰ কোনো কথাতেই কাণ নিদিলে। পুৰুষ টিয়াক এৰি মহিলা টিয়াক বন্দি কৰি ৰাখে। স্ত্ৰীৰ বিৰহ সহ্য কৰিব নোৱাৰিলেই পুৰুষ টিয়াই সীতাক অভিশাপ দিয়ে। ‘মই যেনেকৈ জীৱনসংগীৰ বিৰহ বেদনা সহ্য কৰিছো তেনেকৈ সীতাইয়ো এদিন স্বামীৰ বিৰহ সহ্য কৰিব লাগিব।’ এই অভিশাপ দি কিছুদিন পাছতেই পুৰুষ টিয়াটোৱে দেহত্যাগ কৰে।

টিয়াৰ সেই অভিশাপৰ কাৰণেই লংকালৈ উভতি আহিও সীতাই মহৰ্ষি বাল্মিকীৰ আশ্ৰমতে থাকিব লগা হয়। উল্লেখ্য যে ১৪ বছৰীয়া বনবাস সমাপ্ত কৰি ৰাৱনবধৰ পাছত সীতাক লংকাৰ পৰা উদ্ধাৰ কৰি অযোধ্যালৈ উভতি আহিছিল ৰাম। ইয়াৰ পাছতেই আকৌ সীতাৰ পবিত্ৰতাক লৈ প্ৰশ্ন উঠে। প্ৰজাৰ কথাক গুৰুত্ব দি সীতাক ৰাজপ্ৰসাদৰ পৰা বাহিৰ হ’বলৈ আদেশ দিয়ে ৰামে। এই সময়ত সীতা গৰ্ভবতী আছিল। মহৰ্ষি বাল্মিকীৰ আশ্ৰমতেই লৱ কুশৰ জন্ম দিয়ে সীতাই।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *