সম্বন্ধীয় দুই ককায়েকৰ নিকৃষ্ট কাণ্ডৰ বলি ৩ বছৰীয়া, পাছত তিনি বৰদেউতাকে মিলি লুকুৱাই থলে ঘটনা

সম্বন্ধীয় দুই ককায়েকৰ নিকৃষ্ট কাণ্ডৰ বলি ৩ বছৰীয়া, পাছত তিনি বৰদেউতাকে মিলি লুকুৱাই থলে ঘটনা

Facebook
Twitter
LinkedIn
Facebook
Twitter
LinkedIn

সম্বন্ধীয় দুই ককায়েকৰ নিকৃষ্ট কাণ্ডৰ বলি ৩ বছৰীয়া, পাছত তিনি বৰদেউতাকে মিলি লুকুৱাই থলে ঘটনা

এইখন দেশতে সংঘটিত হোৱা মানৱ জাতিক লজ্জানত কৰা এক অতিকে নিকৃষ্ট ঘটনা। ঘটনা পোহৰলৈ অহাৰ পাছতে চাৰিওফালে চাঞ্চল্যৰ সৃষ্টি হৈছে। ঘৰৰে দুই সম্বন্ধীয় ককায়েকৰ কামনাৰ বলি এটি ৩ বছৰীয়া কনমানি। কেৱল সিমানেই নহয়, পাছত এই ঘটনা গাপ দিয়াৰ চেষ্টা কৰে তিনি বৰদেউতাকে।

ৰাজস্থানৰ ঢোলপুৰৰ পৰা পোহৰলৈ আহিছে এই হৃদয়বিদাৰক ঘটনা। জিলাখনৰ ৰাজখেদা থানা এলেকাত বৰদেইতাকৰ দুই পুত্ৰই তিনি বছৰীয়া নিৰীহ ভগ্নীক দলবদ্ধ ধৰ্ষণ কৰে। অভিযুক্তৰ বৰ্বৰতা ইয়াতেই শেষ নহ’ল। ধৰ্ষণ কৰি উঠি ইটাৰে মূৰ থেতেলিয়াই হত্যা কৰি মৃতদেহ জংঘলত পেলাই দিলে।

পাছত এই নিষ্ঠুৰতাক লুকুৱাবলৈ নিৰীহ শিশুটিৰ বৰদেউতাকে শিশুটিৰ মৃতদেহ খাৱৈৰ পৰা উঠাই চম্বল নদীত পেলাই দিয়ে। শিশুটিৰ মাতৃগৰাকীৰ অভিযোগৰ ভিত্তিত আৰক্ষীয়ে নিৰীহ শিশুটিৰ মৃতদেহ ১০ ফুট পানীৰ গভীৰতাৰ পৰা উদ্ধাৰ কৰে। মৰণোত্তৰ পৰীক্ষাত শিশুটিক ধৰ্ষণৰ ঘটনা নিশ্চিত কৰা হয়।

মাতৃয়ে দাখিল কৰা অজাহাৰৰ ভিত্তিত জানিব পৰা অনুসৰি, ২০ মে’ৰ সন্ধিয়া প্ৰায় ৫ মান বজাত গাঁৱৰ এজন বয়োজ্যেষ্ঠক ঘেঁহু দিবলৈ গৈছিল কনমানি। উভতি আহোতে বৰদেউতাকৰ দুই পুত্ৰই ছাগলী চৰোৱাৰ অজুহাতত তিনি বছৰীয়া ভনীয়েকক লগত লৈ যায়। আনহাতে বহু দেৰিলৈকে যেতিয়া ছোৱালী ঘৰলৈ উভতি নাহে, তেতিয়া পৰিয়ালৰ লোকে শিশুটি বিচাৰিবলৈ আৰম্ভ কৰে। নিশা প্ৰায় ৮ মান বজাত এখন বিদ্যালয়ৰ সমীপত জংঘলৰ মাজত শিশুটিৰ মৃতদেহ উদ্ধাৰ কৰে। কিন্তু অপৰাধ লুকুৱাবলৈ তিনিজন বৰদেউতাকে মিলি চম্বল নদীত মৃতদেহটো উটুৱাই দিয়ে।

২১ মে’ৰ পুৱাই শিশুটিৰ মাতৃগৰাকীয়ে মনে মনে ঘৰৰ পৰা ওলাই আহি আৰক্ষীৰ কাষ চাপে আৰু ২০ মে’ সোমবাৰে নিশা পৰিয়ালৰ লোকেই কন্যাক হত্যা কৰি মৃতদেহ চম্বল নদীত পেলাই দিয়াৰ কথা সদৰি কৰে।

তথ্য লাভ কৰি আৰক্ষীয়ে ঘটনাস্থলীত উপস্থিত হৈ প্ৰায় এঘণ্টাৰ ভিতৰতে নদীৰ পৰা উদ্ধাৰ কৰে মৃতদেহটো। মৰণোত্তৰ পৰীক্ষাৰ অন্তত মৃতদেহটো পিতৃ-মাতৃক গতাই দিয়ে। আৰক্ষীয়ে তদন্ত অব্যাহত ৰাখি ২২ মে’ত লাভ কৰা মৰণোত্তৰ পৰীক্ষাৰ ৰিপ’ৰ্টত নিৰীহ শিশুটিক ধৰ্ষণ কৰাটো নিশ্চিত কৰে।

ধোলপুৰৰ আৰক্ষী অধীক্ষক সুমিত মেহৰাই জনোৱা মতে, মাতৃৰ অভিযোগৰ পিছতে দুটা আৰক্ষীৰ দল গঠন কৰি তদন্ত আৰম্ভ কৰে। ২৪ ঘণ্টাৰ ভিতৰতে দুই ধৰ্ষণকাৰী ভাতৃৰ লগতে বৰদেউতাক হতকো সীমান্তৰ খাদৰ পৰা আটক কৰিবলৈ সক্ষম হয়।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *