১৭ লাখ মুছলমান ছাত্ৰক সকাহ উচ্চতম ন্যায়ালয়ৰ, দিলে ঐতিহাসিক ৰায়

১৭ লাখ মুছলমান ছাত্ৰক সকাহ উচ্চতম ন্যায়ালয়ৰ, দিলে ঐতিহাসিক ৰায়

Facebook
Twitter
LinkedIn
Facebook
Twitter
LinkedIn

১৭ লাখ মুছলমান ছাত্ৰক সকাহ উচ্চতম ন্যায়ালয়ৰ, দিলে ঐতিহাসিক ৰায়

আজি দেশৰ সৰ্বোচ্চ ন্যায়াৱয় উচ্চতম ন্যায়ালয়ৰ এক উল্লেখনীয় ৰায় প্ৰদান। ২৫ হাজাৰ মাদ্ৰাছাৰ ১৭ লাখ মুছলমান ছাত্ৰক সকাহ উচ্চতম ন্যায়ালয়ৰ। ‘উত্তৰ প্ৰদেশ ব’ৰ্ড অৱ মাদ্ৰাছা শিক্ষা আইন ২০০৪’ক অসাংবিধানিক বুলি ঘোষণা কৰা এলাহাবাদ উচ্চ ন্যায়ালয়ৰ ২২ মাৰ্চৰ সিদ্ধান্তক স্থগিত ৰাখিছে উচ্চতম ন্যায়ালয়ে।

স্থগিত ৰাখি আদালতে কয় যে মাদ্ৰাছা ব’ৰ্ড স্থাপন কৰাটো ধৰ্মনিৰপেক্ষতাৰ নীতি উলংঘা বুলি এলাহাবাদ উচ্চ ন্যায়ালয়ে দিয়া সিদ্ধান্ত সঠিক হ’ব নোৱাৰে। ইয়াৰ পূৰ্বে এলাহাবাদ উচ্চ ন্যায়ালয়ে এখন আবেদনৰ শুনানি গ্ৰহণ কৰি ইউ পি ব’ৰ্ড অৱ মাদ্ৰাছা শিক্ষা আইন ২০০৪ক অসাংবিধানিক বুলি ঘোষণা কৰিছিল।

উচ্চতম ন্যায়ালয়ে ২২ মাৰ্চৰ নিৰ্দেশক প্ৰত্যাহ্বান জনাই এই আবেদন সন্দৰ্ভত জাননী জাৰি কৰিছিল। লগতে উচ্চতম ন্যায়ালয়ে কয় যে উচ্চ ন্যায়ালয়ৰ এই সিদ্ধান্তই ১৭ লাখ ছাত্ৰ-ছাত্ৰীক প্ৰভাৱিত কৰিব। আদালতে কয় যে, ছাত্ৰ-ছাত্ৰীসকলক আন এখন বিদ্যালয়লৈ বদলি কৰিবলৈ নিৰ্দেশ দিয়াটো উপযুক্ত নহয়।

উল্লেখ্য যে, ২২ মাৰ্চত এলাহাবাদ উচ্চ ন্যায়ালয়ৰ লক্ষ্ণৌ বিচাৰপীঠে অংশুমান সিং ৰাথোৰৰ আবেদনৰ শুনানি গ্ৰহণ কৰি থাকোঁতে ইউ পি ব’ৰ্ড অৱ মাদ্ৰাছা শিক্ষা আইন ২০০৪ক অসাংবিধানিক বুলি ঘোষণা কৰিছিল। লগতে আদালতে কৈছিল যে এই কাৰ্য্য ধৰ্মনিৰপেক্ষতাৰ নীতিৰ বিৰুদ্ধে।

সেই নিৰ্দেশনাকে আজি সৰ্বোচ্চ ন্যায়ালয়ে স্থগিতাদেশ জাৰি কৰি মাদ্ৰাছা খোলা থাকিব আৰু ছাত্ৰ-ছাত্ৰী সকলে বৰ্তমানে শিক্ষগ্ৰহণ কৰি থাকিব বুলি সদৰি কৰে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *