EVMক উচ্চতম ন্যায়ালয়ৰ ক্লীন চিট, পুনৰ উভতি নাহে বেলট পেপাৰ

EVMক উচ্চতম ন্যায়ালয়ৰ ক্লীন চিট, পুনৰ উভতি নাহে বেলট পেপাৰ

Facebook
Twitter
LinkedIn
Facebook
Twitter
LinkedIn

EVMক উচ্চতম ন্যায়ালয়ৰ ক্লীন চিট, পুনৰ উভতি নাহে বেলট পেপাৰ

লোকসভা নিৰ্বাচনৰ ভোটদানৰ আজি দ্বিতীয়টো দিনটো দেশৰ উচ্চতম ন্যায়ালয়ৰ ফালৰ পৰা আহিছে গুৰুত্বপূৰ্ণ খবৰ। ভেলট পেপাৰৰ পুনৰ অনাৰ যি দাবী উত্থাপন হৈছিল সেই দাবীকেই নাকচ কৰি ইভিএমক ক্লিন চিট দিয়ে ন্যায়ালয়ে।

ইলেক্ট্ৰনিক ভোটিং মেচিন (ইভিএম)ৰ ভোটাৰ ভেৰিফাইবল পেপাৰ অডিট ট্ৰেইল (ভিভিপিএটি) স্লিপৰ জৰিয়তে ১০০ শতাংশ পৰীক্ষণ বিচৰা সকলো আবেদন নাকচ কৰিছে উচ্চতম ন্যায়ালয়ে। ইয়াৰ সমান্তৰালকৈ আদালতে বেলট পেপাৰৰ জৰিয়তে ভোটদানৰ বাবে কৰা আৱেদনসমূহো নাকচ কৰিছে।

উচ্চতম ন্যায়ালয়ে দুটা নিৰ্দেশনা দিছে – প্ৰথমটো হ’ল চিম্বল লোডিং প্ৰক্ৰিয়া সম্পূৰ্ণ হোৱাৰ পিছত চিম্বল লোডিং ইউনিট (এছ এল ইউ) ছীল কৰি তাৰ বাবে মজুত কৰিব লাগে কমেও ৪৫ দিন। ইয়াৰ উপৰিও দ্বিতীয়টো নিৰ্দেশনা হ’ল যে ফলাফল ঘোষণাৰ পিছত ইভিএমসমূহৰ মাইক্ৰ’কণ্ট্ৰ’লাৰ প্ৰগ্ৰেমটো অভিযন্তাৰ এটা দলে পৰীক্ষা কৰাৰ বিকল্প থাকিব। ইয়াৰ বাবে ফলাফল ঘোষণাৰ সাত দিনৰ ভিতৰত প্ৰাৰ্থীয়ে আৱেদন কৰিব লাগিব। ইয়াৰ খৰচ প্ৰাৰ্থীয়ে নিজেই বহন কৰিব লাগিব।

ইয়াৰ পূৰ্বে দুদিন ধৰি একেৰাহে শুনানিৰ অন্তত ১৮ এপ্ৰিলত আবেদনসমূহৰ সন্দৰ্ভত বিচাৰপীঠে নিজৰ সিদ্ধান্ত সংৰক্ষণ কৰি ৰাখিছিল। অৱশ্যে বুধবাৰে শীৰ্ষ আদালতে পুনৰ বিষয়টো তালিকাভুক্ত কৰিছিল। তাৰ পিছত উচ্চতম ন্যায়ালয়ে কিছু কথা সন্দৰ্ভত নিৰ্বাচন আয়োগৰ পৰা স্পষ্টীকৰণ বিচাৰিছিল।

ৰায় সংৰক্ষিত কৰি থকাৰ সময়তে শীৰ্ষ আদালতে মন্তব্য কৰিছিল যে তেওঁলোকে নিৰ্বাচন নিয়ন্ত্ৰণ কৰিব নোৱাৰে, সাংবিধানিক সংস্থাৰ বাবে নিয়ন্ত্ৰণ কৰ্তৃপক্ষ হিচাপেও কাম কৰিব নোৱাৰে। অন্যায়কাৰীয়ে পৰিণতিৰ সন্মুখীন হ’ব পৰাকৈ আইনৰ অধীনত বিধান আছে। কেৱল সন্দেহৰ ভিত্তিত আদালতে মেণ্ডামছ প্ৰদান কৰিব নোৱাৰে।

ভোটিং মেচিনৰ সুবিধাৰ ওপৰত সন্দেহ কৰা আৰু বেলটলৈ ঘূৰি অহাৰ পোষকতা কৰাসকলৰ চিন্তা প্ৰক্ৰিয়া সলনি কৰিব নোৱাৰে বুলিও কয় আদালতে। ইয়াৰ উপৰিও বুধবাৰে এই সিদ্ধান্ত সংৰক্ষণ কৰি থকাৰ সময়তে বিচাৰপীঠে আদালতত উপ-নিৰ্বাচন আয়ুক্ত নীতিশ ব্যাসক ফোন কৰি পাঁচটা বিষয়ত স্পষ্টীকৰণ বিচাৰিছিল।

এই ক্ষেত্ৰত আদালতে কয় যে, আমি ইভিএমৰ বিষয়ে সঘনাই সোধা প্ৰশ্ন দেখিছো। আমি তিনি-চাৰিটা কথাৰ ওপৰত স্পষ্টীকৰণ বিচাৰো। আমি বাস্তৱিকতে ভুল হ’ব নিবিচাৰো , সেয়ে আমাৰ সিদ্ধান্তৰ ওপৰত দুগুণ নিশ্চিত হ’বৰ বাবে এই স্পষ্টীকৰণ বিচাৰিছো। বিচাৰপীঠে যিবোৰ পাঁচটা প্ৰশ্নৰ উত্তৰ বিচাৰিছিল, সেইবোৰৰ ভিতৰত আছিল ইভিএমত স্থাপন কৰা মাইক্ৰ’কণ্ট্ৰ’লাৰসমূহ পুনৰ প্ৰগ্ৰেমযোগ্য নেকি?

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *