কেজৰিৱাল সন্দৰ্ভত আজি উচ্চতম ন্যায়ালয়ত শুনানি গ্ৰহণ, পাবনে জামিন !

কেজৰিৱাল সন্দৰ্ভত আজি উচ্চতম ন্যায়ালয়ত শুনানি গ্ৰহণ, পাবনে জামিন !

Facebook
Twitter
LinkedIn
Facebook
Twitter
LinkedIn

কেজৰিৱাল সন্দৰ্ভত আজি উচ্চতম ন্যায়ালয়ত শুনানি গ্ৰহণ, পাবনে জামিন !

দিল্লীৰ সুৰা কেলেংকাৰীৰ গোচৰত কাৰাবন্দী হৈ থকা দিল্লীৰ মুখ্যমন্ত্ৰী অৰবিন্দ কেজৰিৱালৰ আবেদনৰ শুনানি আজি উচ্চতম ন্যায়ালয়ত হ’ব। কেজৰিৱালে তেওঁৰ গ্ৰেপ্তাৰ কৰা ঘটনাত প্ৰত্যাহ্বান জনাই দিল্লী উচ্চ ন্যায়ালয়ৰ কাষ চাপিছিল যদিও উচ্চ ন্যায়ালয়ে তেখেতৰ আবেদন নাকচ কৰাত, পিছত উচ্চতম ন্যায়ালয়ত আবেদন দাখিল কৰিছিল।

সেই আবেদনৰেই আজি শুনানি আছে। আজিৰ শুনানিৰ পিছতহে জনা যাব কেজৰিৱালে জামিল লাভ কৰিব নে নকৰে। লোকসভা নিৰ্বাচনৰ পূৰ্বে কেজৰিৱালক আটক কৰি আম আদমী পাৰ্টীৰ ওপৰত আঘাত সানিছিল ইডিয়ে।

সুৰা নীতিৰ কেলেংকাৰীৰ দোষ জাপি দিছিল কেজৰিৱালৰ বিৰুদ্ধে। যাৰ বাবে জামিন বিচাৰি দিল্লীৰ উচ্চ ন্যায়লয়ৰ কাষ চাপিছিল কেজৰিৱাল। পাছে উচ্চ ন্যায়ালয়ে ইডিৰ কেজৰিৱালক আটক কৰা কাম উচিত বুলি কেজৰিৱালৰ বিৰুদ্ধে প্ৰমাণ আছে বুলি জামিন আবেদন নাকচ কৰিছিল। ৷

দিল্লীৰ মুখ্যমন্ত্ৰীৰ আবেদন খাৰিজ কৰাৰ সময়তে উচ্চ ন্যায়ালয়ে অপৰাধৰ পৰা পোৱা ধন লুকুৱাই ৰখা আৰু ব্যৱহাৰ কৰাত কেজৰিৱাল সক্ৰিয়ভাৱে জড়িত বুলি সঞ্চালকালয়ৰ দাবীৰ উদ্ধৃতিও দিছিল। ধন সৰবৰাহৰ গোচৰত গ্ৰেপ্তাৰক প্ৰত্যাহ্বান জনাই কেজৰিৱালৰ আবেদন খাৰিজ কৰি ইয়াৰ সময়ক লৈ প্ৰশ্ন উত্থাপন কৰি দিল্লী উচ্চ ন্যায়ালয়ে কৈছিল যে ‘সাধাৰণ আৰু বিশেষ ব্যক্তি’ৰ বিৰুদ্ধে তদন্ত পৃথক হ’ব নোৱাৰে।

উল্লেখ্য যে, বিগত ২১ মাৰ্চ তাৰিখে বাসগৃগৰ পৰা আটক কৰিছিল দিল্লীৰ মুখ্যমন্ত্ৰী কেজৰিৱালক। তেতিয়াৰে আজি ১৫ এপ্ৰিললৈকে ন্যায়িক জিম্মাত তিহাৰ কাৰাগাৰতে আছে অৰবিন্দ কেজৰিৱাল।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *