হুকহুকাই কান্দিছে পিতৃ-মাতৃয়ে,  ৮৮ শতাংশ নম্বৰ লাভ কৰি সুখ্যাতীৰে উত্তীৰ্ণ হৈছে পুত্ৰ, কিন্তু…

হুকহুকাই কান্দিছে পিতৃ-মাতৃয়ে,  ৮৮ শতাংশ নম্বৰ লাভ কৰি সুখ্যাতীৰে উত্তীৰ্ণ হৈছে পুত্ৰ, কিন্তু…

Facebook
Twitter
LinkedIn
Facebook
Twitter
LinkedIn

হুকহুকাই কান্দিছে পিতৃ-মাতৃয়ে,  ৮৮ শতাংশ নম্বৰ লাভ কৰি সুখ্যাতীৰে উত্তীৰ্ণ হৈছে পুত্ৰ, কিন্তু…

আজি ৯ মে’ বৃহস্পতিবাৰে পুৱা ঘোষণা কৰা হয় উচ্চতৰ মাধ্যমিকৰ পৰীক্ষাৰ ফলাফল। ফলাফল ঘোষণাৰ লগে লগে পৰীক্ষাৰ্থী থকা প্ৰায় সকলো ঘৰতে সুখৰ ঢল নামে। ঘৰে ঘৰে জিলাই জিলাই ফুৰ্তি কৰা দেখা যায়।

পাছে তাৰে মাজতে এখন ঘৰত আজি কান্দোনৰ ৰোল। কান্দোনত একেবাৰে ভাঙি পৰিছে পিতৃমাতৃ। পুত্ৰই সুখ্যাতিৰে উত্তীৰ্ণ হৈছে উচ্চতৰ মাধ্যমিকত। ৫ টা বিষয়ত লেটাৰ মাৰ্ক লৈ ৮৮ শতাংশৰে ডিষ্টিংচন নম্বৰ লাভ কৰি ভাল ফলাফল কৰি দেখুৱাই পুত্ৰই।

নগাঁৱৰ কঠিয়াতলীৰ সেই ঘৰখনত কিন্তু আজি এই সুন্দৰ ফলাফল লবলৈ নাই পুত্ৰ ৰমেন বিশ্বাস। যাৰ বাবে পৰীক্ষাৰ ফলাফল ঘোষণাৰ পাছতে হুকহুকাই কান্দিছে ৰমেন বিশ্বাসৰ পিতৃ-মাতৃয়ে।

ৰিজাল্ট লোৱাৰ মাথো ৪ দিন পূৰ্বেই এই পৃথিৱীৰ পৰা বিদায় মাগে ৰমেনে। চাৰিদিন পূৰ্বে এক শোকাৱহ পথ দুৰ্ঘটনাত চিৰদিনৰ বাবে পিতৃ-মাতৃৰ বুকু খালি কৰি বিদায় লৈ গুচি যায় ৰমেন বিশ্বাস। সেয়েহে আজি পুত্ৰৰ ফলাফল ঘোষণাৰ পাছতে কান্দোনত ভাঙি পৰিছে পিতৃ-মাতৃ।

বিজ্ঞান শাখাত ৰমেনে ইংৰাজীত ৮৭, অল্টাৰনেটিভ ইংৰাজী- ৯১, পদাৰ্থ বিজ্ঞান ৯২, জীৱ বিজ্ঞান ৮৬, ৰসায়ন বিজ্ঞানত ৮৪ নম্বৰ লাভেৰে সুখ্যাতীৰে উত্তীৰ্ণ হৈছিল।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *