অতিকে শোকাৱহ, ফটকা কাৰখানাত ভয়ংকৰ বিস্ফোৰণ হৈ ৮ শ্ৰমিক নিহত, ৩ গুৰুতৰভাৱে আহত

অতিকে শোকাৱহ, ফটকা কাৰখানাত ভয়ংকৰ বিস্ফোৰণ হৈ ৮ শ্ৰমিক নিহত, ৩ গুৰুতৰভাৱে আহত

Facebook
Twitter
LinkedIn
Facebook
Twitter
LinkedIn

অতিকে শোকাৱহ, ফটকা কাৰখানাত ভয়ংকৰ বিস্ফোৰণ হৈ ৮ শ্ৰমিক নিহত, ৩ গুৰুতৰভাৱে আহত

তামিলনাডুৰ শিৱকাশীত ৯ মে’ বৃহস্পতিবাৰে ফটকা কাৰখানাত সংঘটিত হোৱা এক ভয়ংকৰ বিস্ফোৰণত ৫গৰাকী মহিলাসহ ৮ জন শ্ৰমিক থিতাতে নিহত হোৱাৰ বিপৰীতে তিনিগৰাকী শ্ৰমিক গুৰুতৰভাৱে আহত হয়। ভাৰতৰ ফটকা কেন্দ্ৰ হিচাপে বিখ্যাত শিৱকাশীত এই ঘটনা সংঘটিত হয়।

ৰাজ্যখনৰ বিৰুধুনগড় জিলাৰ শিৱকাশীৰ সমীপৰ চেংগামালাপট্টিত অৱস্থিত ব্যক্তিগত ফটকা কাৰখানাত এই অগ্নিকাণ্ড। উদ্ধাৰ অভিযান আৰম্ভ কৰিবলৈ আৰক্ষী আৰু অগ্নিনিৰ্বাপক বাহিনীৰ লোক উপস্থিত হৈ আহতসকলক উদ্ধাৰ কৰি চৰকাৰী চিকিৎসালয়লৈ প্ৰেৰণ কৰে। আৰক্ষীয়ে সদৰি কৰা অনুসৰি, আহতসকলৰ অৱস্থা সংকটজন। আনহাতে অগ্নিকাণ্ডৰ কাৰণ এতিয়াও জানিব পৰা হোৱা নাই।

সংবাদ মাধ্যমৰ বাতৰি অনুসৰি বিস্ফোৰণৰ সময়ত ফটকা কাৰখানাটোত প্ৰায় ১০ জন কৰ্মচাৰী উপস্থিত আছিল। উল্লেখযোগ্য যে ফেব্ৰুৱাৰী মাহত বিৰুধনগৰ জিলাৰ এটা ফটকা কাৰখানাত সংঘটিত বিস্ফোৰণত চাৰিগৰাকী মহিলাসহ ১০জন লোকৰ মৃত্যু হৈছিল।

তামিলনাডুৰ মুখ্যমন্ত্ৰী এম কে ষ্টেলিনে এই ঘটনাক লৈ শোক প্ৰকাশ কৰি জিলা কৰ্তৃপক্ষক উপযুক্ত চিকিৎসা সেৱা আগবঢ়ালৈ নিৰ্দেশ দিয়ে। আৰক্ষীয়ে জনোৱা মতে, এই অগ্নিকাণ্ডৰ ফলত ফটকা ৰখা ৭টা কোঠা সম্পূৰ্ণৰূপে জ্বলি গৈছে।

এই ফটকা কাৰখানাৰ অনুজ্ঞাপত্ৰ আছে। বিস্ফোৰণত পাঁচগৰাকী মহিলা আৰু তিনিজন পুৰুষৰ মৃত্যুত শোক প্ৰকাশ কৰি মুখ্যমন্ত্ৰী ষ্টেলিনে কয় যে দুৰ্ঘটনাৰ তথ্য পোৱাৰ লগে লগে তেওঁ জিলা উপায়ুক্তক তৎকালীনভাৱে উদ্ধাৰ অভিযান আৰম্ভ কৰিবলৈ নিৰ্দেশ দিয়ে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *