নিজৰ ঘৰতেই সৰ্বানন্দ সোণোৱালক একাষৰীয়া কৰি উভতি গ’ল জে পি নড্ডা…

নিজৰ ঘৰতেই সৰ্বানন্দ সোণোৱালক একাষৰীয়া কৰি উভতি গ’ল জে পি নড্ডা…

Facebook
Twitter
LinkedIn
Facebook
Twitter
LinkedIn

ডিজিটেল ডেস্কঃ ৰাষ্ট্ৰীয় ৰাজনীতিত অতিকৈ ব্যস্ত হৈ পৰা, দেশৰ লগতে বিদেশতো বিভিন্ন কামেৰে কেন্দ্ৰীয় মন্ত্ৰীত্বৰ দায়িত্ব পালন কৰি মোদীৰ আস্থা জয় কৰা সৰ্বানন্দ সোণোৱাল নিজৰ গৃহভূমিতেই এলাগী হৈছে নেকি! শেহতীয়া কিছু পৰিৱেশ-পৰিস্থিতিলৈ চাই সচেতন ব্যক্তিৰ মনত এনে বহু প্ৰশ্ন উত্থাপন হৈছে। আগন্তুক লোকসভা নিৰ্বাচনৰ ৰণডংকা বজাই অসমত দুদিন থাকি উভতি গল বিজেপিৰ ৰাষ্ট্ৰীয় সভাপতি জে পি নড্ডা। কিন্তু লক্ষ্যণীয়ভাৱে সোণোৱালৰ অবিহনেই আৰু সংবাদ মাধ্যমৰ আগত সোণোৱালৰ নাম নোলোৱাকৈয়ে অসমত লোকসভা নিৰ্বাচনৰ ৰণডংকা বজাই গল বিজেপিৰ ৰাষ্ট্ৰীয় সভাপতিগৰাকীয়ে।

বিজেপিৰ ৰাষ্ট্ৰীয় সভাপতিগৰাকীৰ অসম ভ্ৰমণৰ সময়চোৱাত অসমত উপস্থিত নাছিল কেন্দ্ৰীয় মন্ত্ৰী সৰ্বানন্দ সোণোৱাল। সমান্তৰালভাৱে নড্ডাৰ ভাষণতো এবাৰো উচ্চাৰিত নহল সোণাৱালৰ নাম। সোণোৱালৰ নাম নোলোৱাকৈয়ে অসমত দুদিন থাকি বহুকেইখন গুৰুত্বপূৰ্ণ বৈঠকৰ লগতে বহু গুৰুত্বপূৰ্ণ সাংগাঠনিক ঘোষণাও কৰি গল নড্ডাই।

এই পৰিস্থিতিৰ পাছতে এতিয়া সামাজিক মাধ্যমত উক্ত বিষয়টোক লৈ চৰ্চা আৰম্ভ হৈছে। বহুতে এতিয়া অসমৰ ৰাজনীতিত সৰ্বানন্দ সোণোৱাল অপ্ৰাসংগিক নেকি বুলিও প্ৰশ্নৰ অৱতাৰণা কৰিছে। ইফালে ৰাজনৈতিক মহলত চলা চৰ্চা অনুসৰি, এইবাৰৰ লোকসভা নিৰ্বাচনত উজনিৰ পৰিৱৰ্তে সৰ্বানন্দ সোণোৱালক গুৱাহাটী লোকসভা সমষ্টিৰ পৰা নিৰ্বাচনত নমোৱাৰ সম্ভাৱনা আছে। এতিয়া সময়েহে সঠিক উত্তৰ দিব সোণোৱাল কোন সমষ্টিৰ প্ৰাৰ্থী হয়।

Tags:

Tags:

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *