ভাৰতত নহ’ব! অৱশ্যে এই ১০খন মুছলমান দেশে দিছে সমলিংগৰ বিবাহক স্বীকৃতি

ভাৰতত নহ’ব! অৱশ্যে এই ১০খন মুছলমান দেশে দিছে সমলিংগৰ বিবাহক স্বীকৃতি

Facebook
Twitter
LinkedIn
Facebook
Twitter
LinkedIn

NB NEWS- ভাৰতত সমলিংগৰ বিবাহক স্বীকৃতি প্ৰদান নকৰিলে উচ্চতম ন্যায়ালয়ে। এই বিষয়ত সিদ্ধান্ত লোৱাৰ অধিকাৰ সংসদৰ বুলি জনাইছে শীৰ্ষ আদালতে। বৰ্তমান বিশ্বৰ ৩৫ খন দেশত সমলিংগ বিবাহত বৈধতা আছে। আমেৰিকা, ব্ৰিটেইন, কানাডাৰ ওপৰিও তালিকাত আছে ১০খন মুছলমান দেশ। কোনকেইখন মুছলমান দেশে সমলিংগৰ বিবাহক স্বীকৃতি দিছে?

সমলিংগৰ বিবাহত স্বীকৃতি প্ৰদান কৰা মুছলমান দেশসমূহৰ মাজত পোনতেই হৈছে ইন্দোনেছিয়া। বিশ্বৰ সৰ্বাধিক ইছলামিক জনসংখ্যাৰ দেশ হৈছে ইন্দোনেছিয়া। ইয়াৰোপৰি ইউৰোপৰ তুৰ্কি, উত্তৰ ছাইপ্ৰাচৰ আইনত সমলিংগ বিবাহক স্বীকৃতি দিয়া হৈছে। এছিয়াৰ মাজত আজাৰবাইজান, আলবেনিয়া আৰু কাজাখাস্তানেও সমপ্ৰেমী বিবাহক বৈধতা প্ৰদান কৰিছে। পশ্চিম এছিয়াৰ ওপৰিও আৰবৰ কেইবাখনো দেশে সমলিংগৰ বিবাহক মৰ্যদা প্ৰদান কৰিছে। আফ্ৰিকাৰ মালি আৰু নাইজাৰতো বিবাহৰ অনুমতি দিয়া হৈছে সমপ্ৰেমীসকলক।

সমলিংগৰ বিবাহক স্বীকৃতি
বিগত বৰ্ষত সমলিংগৰ বিবাহক স্বীকৃতি প্ৰদান কৰিছে এষ্টেনিয়াই। ইয়াৰোপৰি এই বিবাহক বৈধ বুলি বিশেষ আইন আনিছে মেক্সিকো, অষ্ট্ৰেলিয়া, ব্ৰাজিল, আৰ্জেণ্টিনা আৰু জাৰ্মানীত। ইয়াৰোপৰি দক্ষিণ আফ্ৰিকাতো আইনী পথেৰে বিবাহ কৰাব পাৰে সমলিংগৰ লোকে।

সমলিংগৰ বিবাহক কোন দেশে অপৰাধ গণ্য কৰে?
পৃথিৱীৰ ৫৬ খন দেশত সমলিংগৰ বিবাহক লৈ কাঢ়া শাস্তিৰ আইন আছে। সমলিংগৰ বিবাহক লৈ কাঢ়া আইন আছে পাকিস্তান আৰু বাংলাদেশত। ইয়াৰোপৰি মিছৰ, মৰক্কো আৰু আফগানিস্তানত সমলিংগৰ বিবাহত নিষেধাজ্ঞা আছে। এইক্ষেত্ৰত সমপ্ৰেমীসকলে বিবাহ কৰালে জে’ল পৰ্যন্ত হ’ব পাৰে।

সমলিংগৰ বিবাহত মৃত্যুদণ্ড
ইৰাণ আৰু ছৌদি আৰৱৰ দৰে কট্টৰ মুছলমান দেশত সমলিংগ বিবাহত মৃত্যুদণ্ডৰ বিধান। মুঠ ৭খন দেশত এই নিয়ম আছে। ইয়াৰোপৰি নাইজেৰিয়াতো এই আইন আছে।

ভাৰতত কি ব্যৱস্থা?
সমলিংগৰ বিবাহত স্বীকৃতি নিদিলেও সমপ্ৰেমীসকলৰ সম্পৰ্কক কিন্তু স্বীকৃতি দিছে উচ্চতম ন্যায়ালয়ে। ভাৰতৰ দৰে ৰাছিয়া, চীন, জাপান, উত্তৰ কোৰিয়া, দক্ষিণ কোৰিয়া, স্কণ্ডনেভিয়ানত সমলিংগৰ সম্পৰ্কক স্বীকৃতি দিয়া হৈছে।

উল্লেখ্য যে, মঙলবাৰে সমলিংগৰ বিবাহ সংক্ৰান্তিয় বিষয়ক লৈয়ে গুৰুত্বপূৰ্ণ ৰায় দিছে আদালতে। এইক্ষেত্ৰত অৱশ্যে দ্বিধাবিভক্ত হৈছিল ৫জনীয়া বিচাৰপতিৰ বিশেষ বেঞ্চ। শেষ পৰ্যন্ত ৩ঃ২ অনুপাতত সমপ্ৰেমীসকলৰ বিৰুদ্ধে দিয়া হয় ৰায়। তিনিগৰাকী বিচাৰপতিয়ে বিবাহৰ বিপক্ষে কোৱাৰ বিপৰীতে দুজন বিচাৰপতিয়ে সপক্ষে ৰায় কয়। শেষলৈ মুখ্য ন্যায়াধীশ ডি ৱাই চন্দ্ৰচূড় আৰু ন্যায়াধীশ সঞ্জয় কিষাণ কউলে কয় যে সমপ্ৰেমীসকলৰ প্ৰেমৰ অধিকাৰ থকা উচিত।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *