ভিভিআইপিৰে ভৰা অনন্তৰ প্ৰি ৱেডিঙত ৰিহানাই কিমান টকা ল’লে?

ভিভিআইপিৰে ভৰা অনন্তৰ প্ৰি ৱেডিঙত ৰিহানাই কিমান টকা ল’লে?

ৰিহানা
ৰিহানা
Facebook
Twitter
LinkedIn
Facebook
Twitter
LinkedIn

এন ইভিনিং ইন এভাৰলেণ্ড। তিনিদিনীয়া প্ৰি ৱেডিং অনুষ্ঠান। ধনকুবেৰ মুকেশ আম্বানিৰ কনিষ্ঠ পুত্ৰ অনন্ত আম্বানি আৰু ৰাধিকা মাৰ্চেণ্টৰ প্ৰি ৱেডিং অনুষ্ঠান। জাকজমকীয়া জামনগৰত আড়ম্বৰপূৰ্ণ আয়োজন। বিল গেটছ, মাৰ্ক জাকাৰবাৰ্গ, ইভাংকা ট্ৰাম্পৰ দৰে ভিভিআইপি অতিথি। বলীউডৰ তাৰকাসকল আছেই। আছে ক্ৰীড়ানুৰাগীৰ নয়নৰ মণি মহেন্দ্ৰ সিং ধোনীও। প্ৰে ৱেডিঙৰ প্ৰথম দিনাৰ অনুষ্ঠানত সংগীত পৰিৱেশন কৰে পপ আইকন ৰিহানাই। ৰিহানাৰ ‘ডাইমণ্ড’ত নাচি উঠিল বলীউড তাৰকাসকল।

অনন্ত আম্বানি আৰু ৰাধিকা মাৰ্চেণ্টৰ প্ৰি ৱেডিং অনুষ্ঠানত ৰিহানাই কিমান টকা ল’লে তাকে লৈ উৎসুক হৈ আছে নেটিজেন। তথ্য অনুসৰি অনুষ্ঠান পৰিৱেশনৰ বাবে ৰিহানাই ৬৬ ৰ পৰা ৭৪ কোটি টকা লয়। অৱশ্যে এই বৃহৎ পৰিমাণৰ টকাৰ সৰহভাগ মঞ্চৰ সা-সৰঞ্জামৰ পৰিবহণ, ৰিহানাৰ সাজ-সজ্জা আৰু নেপথ্য শিল্পীসকলৰ বাবদ খৰচ হয়।

আম্বানি পৰিয়ালৰ বিবাহ অনুষ্ঠানত ৰিহানাই প্ৰথম আন্তঃৰাষ্ট্ৰীয় শিল্পী নহয়, ইয়াৰ পূৰ্বে মুকেশ আম্বানি আৰু নীতা আম্বানিৰ কন্যা ঈশা আম্বানি আৰু আনন্দ পৰিমলৰ বিবাহৰ সংগীত পৰ্বত অনুষ্ঠান পৰিৱেশন কৰিছিল বিয়ন্সে। প্ৰকাশিত তথ্য অনুসৰি উক্ত অনুষ্ঠানৰ বাবে বিয়ন্সে লৈছিল প্ৰায় ৩৩ কোটি টকা।

শ্বাহৰুখ খান, ৰণবীৰ সিং, দীপিকা পাডুকন, শ্বেইফ আলী খান, কৰীণা কাপুৰ খান, ৰণবীৰ কাপুৰ, আলিয়া ভাট আদিৰ দৰে বলীউড তাৰকা উপস্থিত আছিল অনন্ত আম্বানি আৰু ৰাধিকা মাৰ্চেণ্টৰ প্ৰি ৱেডিং অনুষ্ঠানত। অনুষ্ঠানৰ প্ৰথম দিনা জামনগৰৰ ৫১ হাজাৰ সাধাৰণ লোকক আপ্যয়ন কৰে আম্বানি পৰিয়ালে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *