কাঠমিস্ত্ৰিৰ সৈতে দিন কটাইহে ৰাহুলে বুজিলে ‘চকীৰ মাহাত্ম্য’! এই মন্তব্যৰে কাক টাৰ্গেট কৰি লৈছে ৰাহুল গান্ধীয়ে?

কাঠমিস্ত্ৰিৰ সৈতে দিন কটাইহে ৰাহুলে বুজিলে ‘চকীৰ মাহাত্ম্য’! এই মন্তব্যৰে কাক টাৰ্গেট কৰি লৈছে ৰাহুল গান্ধীয়ে?

Facebook
Twitter
LinkedIn
Facebook
Twitter
LinkedIn

NB NEWS- আকৌ এবাৰ জনতাৰ সৈতে মিলিত হৈছে ৰাহুল গান্ধী। এইবাৰ কাঠমিস্ত্ৰিৰ ৰূপত দেখা গৈছে ৰাহুলক। তেওঁ আমজনতাৰ নেতা সেই কথাই বাৰম্বাৰ প্ৰমাণ কৰিবলৈকে চেষ্টা কৰিছে ৰাহুলে। ভাৰত জোড়ো যাত্ৰা আৰম্ভ কৰাৰ সময়ৰ পৰাই মানুহৰ ভীৰত সোমাই খোজকঢ়াৰ পৰাই ৰাহুল হৈ পৰিছে অন্য এজন ৰাহুল। যাৰ ব্যক্তিত্বই এতিয়া এবাৰলৈকে হ’লেও চুই যায় বহুজনক। শেহতীয়াকৈ ৰাহুলক দেখা গৈছে এখন কাঠ মিস্ত্ৰিৰ দোকানত। দিল্লীৰ কীৰ্তিনগৰৰ এখন আছবাবৰ দোকানত সোমাই কামত ব্যস্ত হৈ থকা দেখা গৈছে ৰাহুল গান্ধীক। কাঠ কাটিছে, কথা পাতিছে ৰাহুলে কাঠমিস্ত্ৰিৰ মনৰ কথা জানিবলৈ চেষ্টা কৰিছে।

লোকসভা নিৰ্বাচনৰ পূৰ্বে সাধাৰণ ভীৰৰ মাজত সোমাই জনগণৰ মন জয় কৰিবলৈ চেষ্টা কৰিছে ৰাহুল গান্ধীয়ে। সামাজিক মাধ্যমত ৰাহুলৰ সেই ছবি ভাইৰেল হৈ পৰিছে। তেওঁ নিজৰ এক্স হেণ্ডেলত লিখিছে, ‘আমি আজি কীৰ্তিনগৰৰ থকা এছিয়াৰ বৃহত্তম বজাৰলৈ গৈছিলো। তাতেই মই বহুকেইজন ভাইটীক লগ পালো। তেওঁলোক কেৱল পৰিশ্ৰমীয়েই নহয়, একোজন ভাল শিল্পীও। নিজৰ হাতৰ যাদুৰে তেওঁলোকে তাত সৌন্দৰ্য খোদিত কৰি আহিছে। বহুতৰেই সৈতে কথা পাতিছো। তেওঁলোকৰ পৰা কাম শিকিবলৈকো চেষ্টা কৰিছো।’

ইয়াৰ পূৰ্বেও একাধিকবাৰ জনগণৰ সৈতে মিলিত হৈছে ৰাহুল। কৰ্ণাটকৰ নিৰ্বাচনী প্ৰচাৰলৈ যাওঁতে ডেলিভাৰি বয়ৰ বাইকত ফুৰি সকলোকে চমক দিছিল। কেতিয়াবা আকৌ সাংসদ পদ হেৰুৱাই ট্ৰাক চালকৰ অভাৱ অভিযোগ বুজিবলৈকে ওৰেটো নিশা ট্ৰাকত ঘূৰি ফুৰিছিল। কেতিয়াবা আকৌ ৱাইনাডৰ সাংসদ ৰাহুলে গেৰেজত মেকানিকৰ ভূমিকাত অৱতীৰ্ণ হৈছিল। তাৰপিছতেই পাচলি বিক্ৰেতাৰ সৈতেও বাৰ্তালাপত মিলিত হৈছিল ৰাহুল। শেহতীয়াকৈ তেওঁ কাঠমিস্ত্ৰিৰ দোকানত।

কাঠমিস্ত্ৰিৰ সৈতে বাৰ্তালাপত মিলিত হৈ তেওঁ কয়, ‘আপোনালোক দেশ নিৰ্মাণৰ কাৰিগৰ। আপোনালোকক যিসমূহ সাহাৰ্য্যৰ প্ৰয়োজন সেয়া আপোনালোকে কাহানিও লাভ কৰা নাই।’ শেষৰটো বাক্যৰে তেওঁ গেৰুৱা শিৱিৰকেই আকৌ এবাৰ টাৰ্গেট কৰি লৈছে। এইসকল কৰ্মীক তেওঁ প্ৰতিশ্ৰুতি প্ৰদান কৰি কয়, ‘আপোনালোকৰ বাবে মই কিছু কাম কৰিব খোজো। আপোনালোকে ঋণ লাভ কৰিছেনে?’ ঋণৰ কথা সোধোতেই এজন কৰ্মীয়ে কয়, ‘ঋণ পালে ব্যৱসায় আৰু ডাঙৰ কৰিলোহেতেন। বেছি ধন হাতত থাকিলে কাঠ ক্ৰয় কৰিলোহেতেন। অৰ্ডাৰ আৰু ল’লোহেতেন। কাৰিগৰো বঢ়ালোহেতেন। ধন থাকিলে কামৰ বাবে বুদ্ধিও বাঢ়ে।’

এই উত্তৰ শুনা মাত্ৰকেই ৰাহুলে কৰ্মীসকলক আশ্বাস দিয়ে যে তেওঁলোকৰ সকলো আশা আকাংক্ষা কংগ্ৰেছৰ চৰকাৰ হ’লে পূৰণ কৰা হ’ব। ৰাহুলে এই প্ৰসংগ টানি আনি কয়, ‘আপোনালোকে প্ৰকৃত বিশ্বকৰ্মা। আপোনালোকে কাম কৰিছে, অন্য একাংশই ইয়াৰ ফায়দা উঠাইছে। আপোনালোকে বেছি লাভ পোৱা উচিত। চৰকাৰে উচিত সাহাৰ্য্য লাভ কৰা উচিত।’ হোৱাটছআপ চেনেলত ৰাহুলে এই সন্দৰ্ভত লিখিছে, ‘কীৰ্তিনগৰৰ ভাইসকলৰ সৈতে দিনটো কটালো। কাম কিছু শিকিলো। মই চকীৰ মাহাত্ম্য কি সেয়া বুজি উঠিছো।’ চকীৰ মাহাত্ম্যৰ কথা কৈ ৰাহুল গান্ধীয়ে প্ৰধানমন্ত্ৰীকেই আকৌ এবাৰ কটাক্ষ কৰিছে। মোদীৰ চকীখন সোনকালেই ৰাহুলৰ হ’ব পাৰে সেই কথাই বুজাইছে কংগ্ৰেছ নেতাগৰাকীয়ে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *