‘তেওঁৰ আত্মত্যাগেই মোক জনগণৰ সেৱা কৰিবলৈ অনুপ্ৰাণিত কৰে’, মহাত্মা গান্ধীৰ আদৰ্শেৰেই আগবাঢ়ে প্রধানমন্ত্ৰী মোদীও, দাঙি ধৰিলে প্ৰমাণ

‘তেওঁৰ আত্মত্যাগেই মোক জনগণৰ সেৱা কৰিবলৈ অনুপ্ৰাণিত কৰে’, মহাত্মা গান্ধীৰ আদৰ্শেৰেই আগবাঢ়ে প্রধানমন্ত্ৰী মোদীও, দাঙি ধৰিলে প্ৰমাণ

Facebook
Twitter
LinkedIn
Facebook
Twitter
LinkedIn

জাতিৰ পিতা মহাত্মা গান্ধীৰ আদৰ্শ, মূল্যবোধে অনুপ্ৰাণিত কৰে প্রধানমন্ত্ৰী নৰেন্দ্ৰ মোদীকো। ৩০ জানুৱাৰী, মহাত্মা গান্ধীৰ মৃত্যু দিনত প্রধানমন্ত্ৰী নৰেন্দ্ৰ মোদীৰ ব্যক্তিগত ডায়েৰীৰ কিছু তথ্য সামাজিক মাধ্যমত ভাইৰেল হৈছে। মহাত্মা গান্ধীৰ ৭৬তম মৃত্যু তিথিত মোদী আৰ্কাইভ নামৰ পেজৰ পৰা এক্স হেণ্ডেলত শ্বেয়াৰ হৈছে কেইখনমান বিশেষ পেজ।

মহাত্মা গান্ধী এনে এক সত্ত্বা যি কেৱল স্বাধীনতা সংগ্ৰামীয়েই নহয় তেওঁৰ জীৱনটোৱেই আদৰ্শ। যি আদৰ্শ আপুনি মই সকলোৱেই ল’ব পাৰো। অহিংসাৰ পথেৰে কেনেকৈ অন্যায়ৰ বিৰুদ্ধে যুঁজ দিব পাৰি, শত্ৰুক কেনেকৈ নিয়ন্ত্ৰণত আনিব পাৰি সেই আদৰ্শ গান্ধীজীয়ে দেখুৱাই থৈ গৈছে। আক্ষৰিক অৰ্থত সেয়ে তেওঁক জাতিৰ জনক বুলি কোৱা হয়। তেওঁৰ আদৰ্শ, মূল্যবোধে অনুপ্ৰাণিত কৰিছে প্ৰধানমন্ত্ৰী নৰেন্দ্ৰ মোদীকো। ৩০ জানুৱাৰী মহাত্মা গান্ধীৰ ৭৬তম প্ৰয়াণ দিৱসত প্রধানমন্ত্ৰী নৰেন্দ্ৰ মোদীৰ ব্যক্তিগত ডায়েৰীৰ পৃষ্ঠাৰ সেই তথ্য ভাইৰেল হৈছে।

প্রধানমন্ত্ৰী মোদীয়ে মহাত্মা গান্ধীক ইমানেই অনুসৰণ কৰে যে তেওঁ ডায়েৰীৰ মহাত্মা গান্ধীৰ বহুকেইটা বাণী লিখি থৈছে। তাৰ ভিতৰত আছে
১) আমাৰ কোনো অস্ত্ৰ নাই, কিন্তু ভালপোৱাৰেই কাৰোবাৰ ওপৰত কৰ্তৃত্ব খটাব পাৰি।

২) অহিংসাৰ লোভ অত্যন্ত সক্ৰিয় এক শক্তি। ইয়াত কাপুৰুষতা বা দুৰ্বলতাৰ কোনো অৱকাশ নাই। এজন হিংস্ৰ লোকো অহিংস হোৱাৰ আশা থাকে।

৩) যদি ৰক্তপাত হয় তেতিয়া নিজৰ হাততো তেজ লাগে। সেয়ে হত্যা নহয় শান্তভাৱে মৰাৰ সাহস অৰ্জন কৰো আহক।

উল্লেখ্য যে, জাতিৰ পিতাৰ মৃত্যু দিনত সকলোৱে সোৱঁৰাৰ লগতে প্ৰধানমন্ত্ৰী মোদীয়েও টুইটাৰত লিখিছে, ‘মই পূজ্য বাপুক তেঁঁওৰ পুণ্য তিথিত শ্ৰদ্ধা নিবেদন কৰিছো। যিসকল আমাৰ জাতিৰ বাবে শ্বহীদ হৈছিল তেঁওলোকৰ প্ৰতিও শ্ৰদ্ধা নিবেদন কৰিছো। তেওঁলোকৰ আত্মত্যাগে আমাক জনগণৰ সেৱা কৰিবলৈ অনুপ্ৰাণিত কৰে।’

 

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *