বিশ্বকাপত ৭বাৰ ভাৰতৰ বিৰুদ্ধে খেলি ৭বাৰেই পৰাজয়! অষ্টম মেচত ভাৰতক পৰাস্ত কৰিব পাৰিবনে বাবৰ বাহিনীয়ে? কি ক’লে পাক অধিনায়ক বাবৰে?

বিশ্বকাপত ৭বাৰ ভাৰতৰ বিৰুদ্ধে খেলি ৭বাৰেই পৰাজয়! অষ্টম মেচত ভাৰতক পৰাস্ত কৰিব পাৰিবনে বাবৰ বাহিনীয়ে? কি ক’লে পাক অধিনায়ক বাবৰে?

Facebook
Twitter
LinkedIn
Facebook
Twitter
LinkedIn

NB NEWS- দুটাকৈ কাউণ্টডাউন৷ মাজত মাত্ৰ এটা নিশা৷ নিশাটো পাৰ হ’লেই মহালয়া৷ ইয়াৰ লগে লগেই আই চি চি বিশ্বকাপৰ হাইভল্টেজ মেচ৷ পাকিস্তান আৰু ভাৰতৰ মেচ৷ বৰ্তমান পৰ্যন্ত বিশ্বকাপৰ মঞ্চত এই দুই দলে মুঠ ৭বাৰ এটা দল আনটো দলৰ মুখামুখি হৈছে৷ আটাইকেইবাৰেই ভাৰতৰ হাতত পাকিস্তান পৰাস্ত হৈছে৷ এইবাৰ বিশ্বকাপত অষ্টমবাৰৰ বাবে ভাৰত পাকিস্তান মুখামুখি হ’ব৷ মেচত নমাৰ পূৰ্বে পাক ক্ৰিকেট দলৰ অধিনায়ক বাবৰ আজমে আয়োজন কৰিছে এখন সংবাদমেলৰ৷ কিছু সময় পূৰ্বে আয়োজন কৰা সংবাদমেলত বাবৰ আজমে কয়, ‘অতীতত আমাৰ কি পাৰ্ফৰমেন্স সেই বিষয়টো গুৰুত্বপূৰ্ণ নহয়৷ বৰ্তমান আমাৰ পাৰ্ফৰমেন্স কেনে সেইটোহে মুখ্য বিষয়৷ আমি আশাবাদী এইবাৰ আমি ভাল পাৰ্ফৰমেন্স দেখুওৱাম৷’

T-20 ক্ৰিকেটত ভাৰত আৰু পাকিস্তানে বৰ্তমানলৈকে দুখন মেচ খেলিছে৷ দুইখন মেচতেই কিন্তু পাকিস্তানেই জয়লাভ কৰিছে৷ বাবৰ আজমে এই কথাৰ উদ্ধৃতি দি কয়, ‘ভাৰত পাকিস্তানৰ মেচ মানেই উত্তেজনা৷ এই উত্তেজনা এইবাৰো থাকিব তাত কোনো সন্দেহ নাই৷ সমগ্ৰ বিশ্বৰ পৰাই ক্ৰিকেট অনুৰাগীসকলে এই মেচ চাবৰ বাবেই আহমেদাবাদলৈ আহিছে৷ আমি প্ৰথম ১০ অভাৰ উইকেটত পৃথক খেল দেখুৱাম৷ মেচৰ বাবে সকলো পৰিকল্পনা আমি সাজু কৰিছো৷’ এই হাই ভল্টেজ মেচত নাথাকিব পাকিস্তান ক্ৰিকেট দলৰ তাৰকা বলাৰ নাছিম শ্বাহ৷ এছিয়া কাপৰ ছুপাৰ এইটত ভাৰতৰ বিৰুদ্ধে খেলাৰ সময়ত আঘাত পাইছিল নাছিমে৷ সেইবাবেই এই মেচত দেখা নাযাব ছুপাৰ বলাৰ নাছিম শ্বাহক৷ নাছিমৰ ঠাইত থাকিব শ্বাহিন শ্বাহ আফ্ৰিদি৷ এই প্ৰসংগত পাকিস্তান ক্ৰিকেট দলৰ অধিনায়ক বাবৰ আজমে কয়, ‘এই মেচত আমি নাছিম শ্বাহক মিছ কৰিম৷ শ্বাহিন আছে৷ শ্বাহিনৰ ওপৰত আমাৰ যথেষ্ট ভৰসা আছে৷ এই মেচক লৈ আমি বিশেষ চাপ লোৱা নাই৷ আমি ভাৰতৰ বিৰুদ্ধে কেইবাখনো মেচ খেলিছো৷ হায়দৰাবাদত আমাক ভাৰতীয়সকলে দিয়া অভ্যৰ্থনাত আমি মুগ্ধ৷ এই ভালপোৱা আমি মনত ৰাখিম৷ আশা কৰিছো আহমেদাবাদতো আমি এই ভালপোৱা পাম৷’

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *