চিনি পাইনে নুজদক, ১০ বছৰ বয়সতে কৰুণ জীৱনৰ ওপৰত কিতাপ লিখি বিখ্যাত- ‘মই নুজদ, বয়স ১০ আৰু বিবাহ বিচ্ছেদিতা’

চিনি পাইনে নুজদক, ১০ বছৰ বয়সতে কৰুণ জীৱনৰ ওপৰত কিতাপ লিখি বিখ্যাত- ‘মই নুজদ, বয়স ১০ আৰু বিবাহ বিচ্ছেদিতা’

Facebook
Twitter
LinkedIn
Facebook
Twitter
LinkedIn

চিনি পাইনে নুজদক, ১০ বছৰ বয়সতে কৰুণ জীৱনৰ ওপৰত কিতাপ লিখি বিখ্যাত- ‘মই নুজদ, বয়স ১০ আৰু বিবাহ বিচ্ছেদিতা’

১০ বছৰীয়া এগৰাকী কনমানিৰ জীৱনৰ কৰুণ তথা জীয়া কাহিনী। যি কাহিনী লিখি বিশ্ববাসীৰ সমুখলৈ আহিছিল নুজদ আলী নামৰ কনমানিগৰাকী। ১০ বছৰ বয়সত কিতাপ-খেলৰ পৰা বহু দূৰত থাকি জীৱনৰ পাঠ পঢ়িছিল।

১৯৯৮ চনত য়েমেনত জন্মগ্ৰহণ কৰা নুজদৰ আছিল সুখেৰে ভৰা পৰিয়াল। বিদ্যালয়লৈ গৈ শিক্ষা গ্ৰহণো কৰিছিল নুজদে। তেতিয়া বয়স মাত্ৰ ৯ বছৰ। জীৱন কি ভালদৰে বুজিয়ে উঠা নাছিল।

কিন্তু সেই ৯ বছৰ বয়সতে ২০০৮ চনত বিদ্যালয়ৰ কিতাপ আৰু খেল ধেমালি সকলো ত্যাগ কৰি বিবাহৰ বাবে জোৰ দিয়ে পিতৃয়ে। বিবাহো এনে ব্যক্তিৰ সৈতে যাৰ বয়স নুজদতকৈ ৩ গুণ ডাঙৰ। তথাপি সেই চনৰে ফেব্ৰুৱাৰীত বিয়া হৈ যায় নুজদৰ।

নুজদৰ পিতৃয়ে এক মোটা ধনৰ বিনিময়ত একপ্ৰকাৰ বিক্ৰী কৰাৰ দৰে টকা লৈ বিয়া দিয়ে সেই বহুত ডাঙৰ ব্যক্তিগৰাকীলৈ। বিয়াৰ পাছতে নুজদৰ স্বামীয়ে নিয়মিত ৰূপত অকথ্য নিৰ্যাতন চলাই।

নিতৌ ৯ বছৰীয়া নুজদক মাৰপিট কৰাৰ লগতে ধৰ্ষণ কৰিছিল সেই ৩ গুণ ডাঙৰ বয়সৰ লোকগৰাকীয়ে। নুজদে নিজৰ কিতাপখনত ব্যক্ত কৰা অনুসৰি, নুজদৰ কষ্ট আৰু বিষক আওকান কৰি কেৱল নিজৰ মনৰ মতেৰে কাম কৰি গৈছিল স্বামীয়ে। দুটা মাহ ধৰি নুজদে নিৰৱে সহ্য কৰি গৈছিল সকলো।

কিন্তু কনমানি শৰীৰে সহ্য কৰে কিমান। দুটা মাহৰ পাছত কোনোমতে সেই নৰকৰ পৰা পলাই পোনেই পাইছিল য়েমেনৰ ন্যায়লয়ৰ দুৱাৰ। কিয়নো ঘৰলৈ গলে পুনৰ পিতৃয়ে থৈ যাব পাৰে স্বামীৰূপী ৰাক্ষসৰ ওচৰত।

ন্যায়ালয়ৰ ওচৰত নুজদে ব্যক্ত কৰিছিল সকলো। তাৰ পাছতে সেই কনমানিৰ হৈ শাদা নশীৰ নামৰ অধিবক্তাই যুঁজ দি অৱশেষত সেই বিবাহৰ পৰা বিচ্ছেদ কৰাই মুক্ত কৰে। তেতিয়া নুজদৰ বয়স ১০ বছৰ।

কেৱল বিবাহ বিচ্ছেদ কৰাই নহয়, স্বামী আৰু পিতৃ দুয়োকে শাস্তি দিয়াৰ লগতে স্বামী আৰু পিতৃৰ পৰা মাহেকীয়া হিচাপত নিজে চলিব পৰাকৈ টকা লোৱাৰো ব্যৱস্থা কৰে।

২০১৪ চনত ডাঙৰ হোৱাৰ পাছত নুজদে পুনৰ বিবাহ কৰাই আৰু বৰ্তমানে দুগৰাকী কন্যা সন্তানৰ মাতৃ। ২০১৫ চনত নুজদে নিজৰ নামো সলাই , নুজদ যাৰ অৰ্থ লুকাই থকাৰ পৰা ‘নোজুম’ -আকাশৰ তৰা কৰি লয়।

উল্লেখ্য যে, য়েমেনত এতিয়াও বাল্য বিবাহ বৈধ। দেশ খনত বিবাহৰ ক্ষেত্ৰত নাই কোনো নিৰ্দিষ্ট বয়সক লৈ সীমা। যাৰ পৰিণতিতে কেৱল নুজদেই নহয় তেনে বহু নুজদ আছে যিয়ে এনে ভয়াৱহ পৰিস্থিতিৰ সন্মুখিন হৈ আছে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *