ডেৰ কোটিৰ ফ্লেট, দামী বাহন, গৰু, মাটি ইত্যাদি ইত্যাদি, ২৬ বছৰীয়া ৰাজনৈতিক কেৰিয়াৰত কিমান সম্পত্তিৰ গঢ়িছে নীতিশ কুমাৰে?

ডেৰ কোটিৰ ফ্লেট, দামী বাহন, গৰু, মাটি ইত্যাদি ইত্যাদি, ২৬ বছৰীয়া ৰাজনৈতিক কেৰিয়াৰত কিমান সম্পত্তিৰ গঢ়িছে নীতিশ কুমাৰে?

Facebook
Twitter
LinkedIn
Facebook
Twitter
LinkedIn

NB NEWS-  আকৌ জোঁট সলনি কৰিছে বিহাৰৰ মুখ্যমন্ত্ৰী নীতিশ কুমাৰে। ‘মহাজোঁটবন্ধন’ এৰি আকৌ এবাৰ এনডিএ’ৰ হাতত ধৰিছে জেডিইউ প্রধান নীতিশে। নীতিশৰ জোঁট সলনিৰ খবৰে ইতিমধ্যেই ৰাজনীতিত তোলপাৰো লগাইছে। ইণ্ডিয়া জোঁটৰ পৰা নীতিশ আঁতৰি অহাৰ পাছতেই শাসকদলে পোনপটীয়াতৈ ইতিকিঙো কৰিছে ইণ্ডিয়া জোঁটক।

দেওবাৰে পুৱা বিহাৰৰ মুখ্যমন্ত্ৰী পদৰ পৰা ইস্তাফা দি বিজেপিৰ সমৰ্থনত বিয়লী আকৌ মুখ্যমন্ত্ৰীৰ আসনত বহিছে নীতিশ। নীতিশৰ দীৰ্ঘ ৰাজনৈতিক জীৱনত পাভলুটিৰ ঘটনা এয়াই প্ৰথম নহয়। পূৰ্বেও নীতিৰ দোহাই দি নীতিশে জোঁট সলনি কৰিছিল। নীতিশৰ ৰাজনৈতিক কেৰিয়াৰ সম্পৰ্কে জনতাই জানিবলৈ আগ্ৰহ নকৰিলেও তেওঁৰ সম্পত্তিৰ বিষয়ে কিন্তু বহুজনেই জানিব বিচাৰে। ৰাজনৈতিক নেতাসকলৰ বিপুল পৰিমানৰ সম্পত্তি থকাটো সাধাৰণ ঘটনাই হৈ পৰিছে, তেনেক্ষেত্ৰত নীতিশ কিমান শ কোটিৰ অধিকাৰী থোৰতে জানি থওক।

২০২৩ চনৰ শেষ দিনত অৰ্থাৎ ৩১ ডিচেম্বৰত মন্ত্ৰীপৰিষদক সদস্যসকলে সম্পত্তিৰ খতিয়ান দাঙি ধৰিছিল নীতিশ কুমাৰ চৰকাৰে। সেই তথ্য প্ৰকাশিত হৈছিল বিভিন্ন সংবাদমাধ্যমত। সংবাদমাধ্যমসমূহে প্ৰকাশ কৰা প্ৰতিবেদনমতে বিহাৰৰ মুখ্যমন্ত্ৰী নীতিশৰ হাতত নগদ ধনৰ পৰিমান মাত্ৰ ২২ হাজাৰ টকা। তিনিটা বেংক একাউণ্টত জমা হৈ আছে মুঠ ৪৮হাজাৰ টকা। তেওঁৰ অস্থাৱৰ সম্পত্তিৰ পৰিমান ১৬লাখ ৮৪হাজাৰ টকা। ইয়াৰোপৰি দিল্লীৰ দ্বাৰকা এলেকাত আছে হাজাৰ বৰ্গফুটৰ এটা ফ্লেট আছে।

২০০৪ চনত প্ৰায় ১৪ লাখ টকাৰ বিনিময়ত সেই ফ্লেট ক্ৰয় কৰিছিল নীতিশে। বৰ্তমান সেই ফ্লেটৰ দাম প্ৰায় ডেৰ কোটি টকা। ইয়াৰোপৰি জেডিইউ প্রধানৰ হাতত আছে ১১ লাখ ৩২ হাজাৰ টকা মূল্যৰ এখন ফৰ্ড ইকোস্পোৰ্ট কাৰ। ইয়াৰ সৈতে ১.২৮ লাখ টকা দামী দুটা সোনৰ আৰু এটা ৰূপৰ আঙুঠি। নীতিশৰ অস্থাৱৰ সম্পত্তিৰ ভিতৰত ১৩টা গৰু আৰু ১০টাকৈ গৰু পোৱালী আছে। সেইসমূহৰ মুঠ দাম হ’বগৈ প্ৰায় ডেৰ লাখ টকা। ২০১৮ চনৰ বিধান পৰিষদৰ নিৰ্বাচনৰ বাবে নীতিশে যি নিৰ্বাচনী হলফনামা কমিছনৰ হাতত জমা দিছিল সেই নিৰ্বাচনী শপতনামাত উল্লেখ থকামতে তেওঁ মুঠ অস্থাৱৰ সম্পত্তিৰ পৰিমাণ প্ৰায় ১৬লাখ টকা।

স্থাৱক সম্পত্তি বুলিবলৈ নীতিশৰ কেৱল দিল্লীত থকা বিশেষ ফ্লেটটোৱেই। তেতিয়া সেই ফ্লেটৰ বজাৰমূল্য আছিল ৪০লাখ টকা। নীতিশৰ পুৰণি জোঁটসংগী তথা সদ্যপ্ৰাক্তন উপ মুখ্যমন্ত্ৰী তেজস্বী যাদৱৰ সম্পত্তিৰ পৰিমান কিন্তু নীতিশতকৈ কেইবাগুণো বেছি। প্ৰতিবেদন অনুসৰি তেজস্বীৰ হাতত নগদ ধনৰ পৰিমান ৫০হাজাৰ টকা। পত্নী ৰাজশ্ৰীৰ হাতত আছে এক লাখ টকা। তেজস্বীৰ বেংক একাউণ্টত জমা আছে ৫৪ লাখ টকা। ইয়াৰোপৰি তেওঁৰ হাতত ৫.৩৮লাখ টকাৰ শ্বেয়াৰ আৰু ২০০গ্ৰাম সোনো আছে। তেওঁৰ পত্নীৰ হাতত আছে ৪৮০ গ্ৰাম সোন। তেজস্বীৰ সম্পদৰ মাজত আছে পাটনাৰ ফুলৱাৰি শ্বৰিফত দুবিঘা মাটি, গোপালগঞ্জত দু’বিঘা কৃষিভূমি আৰু দানপুৰত ৮কঠা মাটি। ধানৌত আৰু গৰ্দানিবাগত আছে ৩৬ লাখ টকা মূল্যৰ মাটি।

উল্লেখ্য যে, আৰ জে ডি আৰু কংগ্ৰেছৰ সৈতে সংগ ত্যাগৰ পাছত দেওবাৰে বিয়লি নৱমবাৰৰ বাবে মুখ্যমন্ত্ৰী পদত শপত লৈছে নীতিশে। উপমুখ্যমন্ত্ৰীল হিচাপে শপত হৈছে বিজেপিৰ সম্ৰাট চৌধুৰী আৰু বিজয়কুমাৰ সিনহাই। ইয়াৰোপৰি নীতিশৰ মন্ত্ৰীসভাত ঠাই পাইছে জেডিইউৰ বিজয়কুমাৰ চৌধুৰী, শ্ৰৱণ কুমাৰ, বিজেন্দ্ৰ যাদৱ আৰু বিজেপিৰ প্ৰেম কুমাৰে। বিহাৰৰ একমাত্ৰ নিৰ্দলীয় বিধায়ক সুমিত কুমাৰ সিংহইয়ো মন্ত্ৰী হিচাপে শপত লৈছে নীতিশৰ নতুন মন্ত্ৰীসভাত।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *