অবিশ্বাসৰ ছায়া আঁতৰাই বিশ্বাস আৰু ভৰষা ওভটাই আনিব লাগিব, বিশ্বৰ আগশাৰীৰ দেশে মানি ল’লে মোদীৰ কেইবাটাও প্ৰস্তাৱ

অবিশ্বাসৰ ছায়া আঁতৰাই বিশ্বাস আৰু ভৰষা ওভটাই আনিব লাগিব, বিশ্বৰ আগশাৰীৰ দেশে মানি ল’লে মোদীৰ কেইবাটাও প্ৰস্তাৱ

Facebook
Twitter
LinkedIn
Facebook
Twitter
LinkedIn

NB NEWS- G-20 সন্মিলনত ভাৰতে বিশ্বক দিছে এটাৰ পাছত আনটো চক৷ উদ্বোধনী ভাষণতেই বিশ্বক বিশেষ বাৰ্তা দিছে প্রধানমন্ত্ৰী মোদীয়ে৷ G-20ৰ দেশসমূহৰ মাজত এইবাৰ নতুনকৈ যুক্ত হৈছে আফ্ৰিকান ইউনিয়নো৷ প্রধানমন্ত্ৰী নৰেন্দ্ৰ মোদীয়ে ভাৰতৰ ৬০ খনতকৈয়ো অধিক চহৰত G-20ৰ বৈঠক অনুষ্ঠিত কৰিছে৷ ভাৰতে G-20 ত আগভাগ লোৱাৰ ওপৰিও G-20 আফ্ৰিকান ইউনিয়নক G-20ৰ সদস্যপদ দিবৰ বাবে প্ৰস্তাৱ দি আহিছিল৷ মোদীৰ সেই প্ৰস্তাৱত আটাইকেইখন দেশেই সন্মতি প্ৰদান কৰাত এইবাৰৰ পৰা আফ্ৰিকান ইউনিয়নো G-20ৰ সদস্য ৰাষ্ট্ৰ হৈছে৷

বিশ্বজুৰি অবিশ্বাসৰ বাতাবৰণ
প্রধানমন্ত্ৰী নৰেন্দ্ৰ মোদীয়ে সমগ্ৰ বিশ্বৰ মাজত পাৰস্পৰিক বিশ্বাসৰ সংকট হোৱা ভাষণৰ আৰম্ভণিতে প্ৰকাশ কৰে৷ তেওঁ কয়, ‘এয়াই উপযুক্ত সময়৷ দীৰ্ঘদিনীয়া পুৰণি চেলেঞ্জসমূহক আমি মোকাবিলা কৰিব লাগিব৷৷ বিশ্বত মানৱতা আৰু শান্তিৰ প্ৰতীক হিচাপে আমি নিজেই শান্তিৰ বাৰ্তা কঢ়িয়াব লাগিব৷ কৰ’না মহামাৰীৰ সময়ত বিশ্বজুৰি বিশ্বাসহীনতাৰ এক পৰিবেশৰ জন্ম হৈছে৷ যুদ্ধই এই পৰিস্থিতি সংকটৰ দিশেৰে লৈ গৈছে৷ যদি আমি কভিডক হৰুৱাব পাৰিছো তেন্তে এই বিশ্বাসহীনতা আঁতৰোৱাটো আমাৰ বাবে টান কাম নহয়৷ G-20ৰ সভাপতি দেশ হিচাপে আমি সমগ্ৰ বিশ্বক আহ্বান জনাইছো, এই অবিশ্বাসৰ ছায়া আঁতৰাই বিশ্বাস আৰু ভৰষা ওভটাই আনিব লাগিব৷’

ছবকা ছাথ, ছবকা বিশ্বাস, ছবকা প্ৰয়াসৰ মন্ত্ৰ G-20ৰ সদস্য দেশসমূহক শিকালে প্রধানমন্ত্ৰী নৰেন্দ্ৰ মোদীয়ে৷ অবিশ্বাসৰ ক্ষতস্থান প্ৰলেপ দি ভাৰতে সকলোকে মাৰ্গ দৰ্শন কৰোৱা কাৰ্যকো উদ্বোধনী ভাষণত প্ৰকাশ কৰিছে মোদীয়৷ প্রধানমন্ত্ৰী মোদীয়ে কয়, ‘দিল্লীত আঢ়ৈ হাজাৰ বছৰ পুৰণি এটা স্তম্ভত লিখা হৈছে মানৱজাতিৰ কল্যাণৰ কথা৷ এই সন্মিলনে সেই বাৰ্তা আৰু বেছি বাস্তৱায়িত কৰি তুলিব৷’

শনিবাৰে পুৱা ১০ বজাৰ পৰা প্ৰথম পৰ্যায়ৰ বৈঠকতেই এই ভাষণ প্ৰদান কৰিছে মোদীয়ে৷ এই বৈঠকত উপস্থিত থাকে জাপানৰ প্ৰধানমন্ত্ৰী ফুমিও কিছিদা, ব্ৰিটিছ প্রধানমন্ত্ৰী ঋষি ছুনাক, মাৰ্কিন প্ৰেছিডেণ্ট জ’ বাইডেনসহ কেইবাগৰাকী ৰাষ্ট্ৰনেতা৷ ইয়াৰোপৰি এই সভাত উপস্থিত থাকে ৰাষ্ট্ৰপুঞ্জৰ মহাসচিৱ এণ্টনিঅ’ গুতাৰেছ, বিশ্ব স্বাস্থ্য সংস্থাৰ প্ৰধান টেড্ৰছ আধান্যম ঘেব্ৰাইছাছসহ অন্য কেইবাজনো নেতা৷

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *