নংগেলী আৰু নীৰা….জীৱন্তে কাটি পেলাইছিল বক্ষ যুগল

নংগেলী আৰু নীৰা….জীৱন্তে কাটি পেলাইছিল বক্ষ যুগল

Facebook
Twitter
LinkedIn
Facebook
Twitter
LinkedIn

নংগেলী আৰু নীৰা….জীৱন্তে কাটি পেলাইছিল বক্ষ যুগল

দেশৰ ইতিহাসত অশ্ৰুশিক্ত নয়নেৰে লিপিবন্ধ হৈ থকা দুই নাৰীৰ জীৱন কাহিনী। যাৰ জীৱন্তে কটা গৈছিল বক্ষ যুগল। এগৰাকীয়ে ৰজাৰ বিৰুদ্ধে গৈ কৰ কাটল নিদিও বুলি হংকাৰ কৰি নিজেই কাটি পেলাইছিল বক্ষ যুগল। আন এগৰাকীয়ে দেশ ৰক্ষাৰ বাবে ইংৰাজৰ হাতত হেৰুৱাইছিল বক্ষ।

সেই দুই মহান নাৰীক আজিয়ো মনত কৰি অশ্ৰু নিগৰাই বহুজনে। সেই দুই নাৰীৰ এগৰাকী হৈছে নংগেলী আনগৰাকী নীৰা আৰ্যা। নংগেলীৰ নামত দক্ষিণৰ এখন গাঁৱত এতিয়া এক প্ৰতিমূৰ্তিয়ো আছে, য’ত সেৱা আগবঢ়াই মহিলাই।

নংগেলী দক্ষিণ ভাৰতৰ এক পিছপৰা গাঁৱৰ অতিকে পিছপৰা জনজাতিৰ মহিলা আছিল। সেই সময়ত ৰাজ বংশীয় লগতে উচ্চ বংশীয় মহিলাই হে কেৱল শৰীৰৰ ওপৰৰ অংশ ঢাকিব পৰা ক্ষমতা তথা অধিকাৰ আছিল। তাৰ বাদে অন্য মহিলাই কেৱল শৰীৰৰ নিম্নাংশ ঢাকিব পাৰিছিল। তাৰ বাদে না বক্ষ ঢাকিব পাৰিছিল না ভৰিত কোনো চেণ্ডল পৰিধান কৰিব পাৰিছিল। তেনে কৰিলেই সেই মহিলাক ৰজাৰ লোকে শাস্তি প্ৰদান কৰাৰ বিধান আছিল। নাইবা তাৰ বাবদ ৰজাক দিব লাগিছিল কৰ।

পাছে সেই সকলোবোৰৰ মাজতে অভিন্ন আছিল নংগেলী। শৰীৰৰ ওপৰ অংশৰ লাজ নিবাৰণৰ বাবে নংগেলীয়ে কাপোৰ এখন মেৰিয়াই লৈছিল। যি আছিল নংগেলীৰ প্ৰধান অপৰাধ। কিয়নো তাৰ বাবদ নংগেলীয়ে ৰজাক কোনো কৰ দিয়া নাছিল।

নংগেলীৰ কথা আছিল, শৰীৰৰ লাজ নিবাৰনৰ বাবে কাপোৰ পৰিধান কৰা সকলো পুৰুষ-মহিলাৰেই অধিকাৰ , তাত কোনেও মাত মাতিব নোৱাৰে। পাছে ৰজাই নংগেলীৰ কথাত মান্তি নহৈ জোৰকৈ কৰ আদায়ৰ বাবে মানুহ পঠিয়াই দিয়ে। নংগেলীয়েও ঘৰত সেই কৰৰ বাবে যুগুতোৱাই থোৱা টকা আছে বুলি কেউগৰাকীকে ঘৰলৈ আনে। পাছত নংগেলীয়ে ভিতৰলৈ গৈ দা আনি ৰজাৰ মানুহ আৰু সকলো গাঁৱৰ মানুহৰ সমুখতেই সকলো সমস্যাৰ কাৰণ নিজৰ বক্ষ যুগলকে কাটি কৰ হিচাপে কলপাতত তুলি দিয়ে। সেই তেতিয়াৰ পৰাই ৰজাই বক্ষ ঢকাৰ নামত সংগ্ৰহ কৰা কৰ উঠাই দিয়ে।

আনহাতে আন এগৰাকী নাৰী হৈছে নীৰা আৰ্যা। নেতাজী সুভাষ চন্দ্ৰ বোসৰ সৈতে আজাদ হিন্দ ফৌজত যোগ দি দেশ স্বাধীন কৰাৰ যুঁজত নামি পৰা নীৰা আছিল নেতাজীৰ দলৰ মহিলা সকলৰ মুখ্য নেত্ৰী। সকলো মহিলা স্বাধীনতা যুঁজাৰুক নেতৃত্ব দিছিল নীৰা আৰ্যাই।

পাছে ইংৰাজে এবাৰ নেতাজীক প্ৰাণে মৰাৰ বাবে কৌশল ৰচনা কৰে। তাতে আকৌ ইংৰাজৰ হৈ অনুসন্ধান বিষয়া হিচাপে কাম কৰিছিল নীৰাৰ স্বামীয়ে। নেতাজীক মৰাৰ বাবে ইংৰাজে যি দল গঠন কৰিছিল সেই দলত আছিল নীৰাৰ স্বামীয়ো।

এবাৰ দলটোৱে নেতাজীক আগুৰি ধৰি গুলি কৰোতো নেতাজীৰ বাহন চালকৰ গাত লাগিছিল সেই গুলি। নীৰাও আছিল সেই স্থানতে। সুযোগ বুজি নীৰাৰ স্বামীয়ে নেতাজীক গুলি কৰিব লওতেই নীৰাই জপতিয়াই ধৰি কোনোমতে নেতাজীৰ প্ৰাণ ৰক্ষা কৰি সেই স্থানৰ পৰা পলাই যোৱাত সহায় কৰি দিয়ে।

পাছে ইংৰাজে নীৰাক আটক কৰি ধৰি লৈ যায় আৰু নেতাজীৰ ঠিকনা জানিবৰ বাবে অকথ্য নিৰ্যাতন চলাই। পাছলৈ অত্যাচাৰৰ সীমা চেৰাই গৈ থাকে। তথাপি দেশৰ হকে যুঁজ দি থকা নীৰাই ইংৰাজক ভুলতো জানিব নিদিয়ে নেতাজীৰ ঠিকনা। যাৰ পৰিণতিত শেষত ইংৰাজে জীৱন্ত অৱস্থাতে নীৰাৰ বক্ষ যুগল কাটি পেলাই। কিন্তু ইমানৰ পাছতো মুখ বন্ধ কৰি ৰাখে নীৰা আৰ্যাই।

সেই দুই মহান নাৰী আজি দেশৰ কোটি কোটি মহিলাৰ সন্মান তথা আদৰ্শৰ প্ৰতীক। শৰীৰৰ অংগ হেৰুৱাইয়ো নিজৰ স্থিতিত অটল থকা সেই দুই মহিলাক প্ৰণাম।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *