৯ ঘণ্টা ধৰি ৰৈ থাকিল পুলিং বিষয়া, পাছে নাগালেণ্ডত আজি নপৰিল এটাও ভোট!

৯ ঘণ্টা ধৰি ৰৈ থাকিল পুলিং বিষয়া, পাছে নাগালেণ্ডত আজি নপৰিল এটাও ভোট!

Facebook
Twitter
LinkedIn
Facebook
Twitter
LinkedIn

৯ ঘণ্টা ধৰি ৰৈ থাকিল পুলিং বিষয়া, পাছে নাগালেণ্ডত আজি নপৰিল এটাও ভোট!

প্ৰথম পৰ্যায়ৰ নিৰ্বাচনৰ আজিৰ দিনটোত দেশৰ কেউখন ৰাজ্যতে সুকলমে পাৰ হয় ভোটদান প্ৰক্ৰিয়া। অসমতো ৭০ শতাংশ লোকে সাৱ্যস্ত কৰে নিজৰ ভোটাধিকাৰ। পাছে নাগালেণ্ডৰ আজি ৪ লাখ ভোটাৰৰ এজনেও নিদিয়ে ভোট।

উত্তৰ পূৰ্বাঞ্চলৰ অন্যতম পাহাৰীয়া ৰাজ্য নাগালেণ্ডৰ ৬ খনকৈ পূৱৰ জিলাৰ কোনো এজন লোকেও ভোট দিবলৈ নাহে। যাৰ ফলত ৯ ঘণ্টা ধৰি ভোটকেন্দ্ৰত ৰৈ থাকিব লগা হয় পুলিং বিষয়া।

৬ খন জিলাৰ মুঠ ৪ লাখ ভোটাৰ আছিল আজিৰ প্ৰথম পৰ্যায়ৰ ভোটত। ফ্ৰ’ন্টিয়াৰ নাগালেণ্ড টেৰ’টৰী (Frontier Nagaland Territory)ৰ দাবীৰেই ইষ্টাৰ্ণ নাগালেণ্ড পিপুলছ অৰ্গেনাইজেশ্যনৰ আহ্বানক্ৰমে আজি ভোট দিবলৈ ওলাই নাহে কোনো এজনো নাগৰিক।

কেন্দ্ৰীয় চৰকাৰৰ ওচৰত ফ্ৰ’ন্টিয়াৰ নাগালেণ্ড টেৰ’টৰীৰ দাবী অধিক জোৰদাৰ কৰি তুলিবৰ বাবেই এইদৰে কোনো লোক ভোট দিবলৈ নাহে নাগালেণ্ডৰ পূৱপ্ৰান্তৰ এজনো লোক। নিৰ্বাচন বৰ্জন কৰে নাগালেণ্ডৰ ৬ জিলাৰ লোকসকলে।

উল্লেখ্য যে, বিগত ১০ বছৰে ধৰি ৰাজ্যখনৰ পূৱ প্ৰান্তৰ ৬ খন জিলাই পৃথক নাগালেণ্ডৰ দাবী কৰি আহিছে। জিলা কেইখন- লংলেং (Longleng), টিৱেনচাং (Tuensang), মন (Mon), নকলাক (Noklak), শামাট’ৰ (Shamator), কিফিৰ (Kiphire)।

এতিয়া উত্তৰ-পূব ৰাজ্যখনৰ মুখ্য নিৰ্বাচনী বিষয়াই নিৰ্বাচন প্ৰক্ৰিয়াত বাধা প্ৰদান কৰাৰ বাবে ইএনপিঅ’ক জাননী জাৰি কৰিছে। এক বিবৃতিত শীৰ্ষ নিৰ্বাচনী বিষয়াজনে কয় যে সংগঠনটোৱে “সাধাৰণ নিৰ্বাচনত ভোট দিয়াৰ ক্ষেত্ৰত পূৱ নাগালেণ্ড অঞ্চলত বাস কৰা লোকসকলৰ অধিকাৰত হস্তক্ষেপ কৰিছে।

সেয়েহে সংগঠনটোক কাৰণ দৰ্শোৱাৰ জাননী জাৰি কৰিছে নিৰ্বাচনী বিষয়াই। ভাৰতীয় দণ্ডবিধিৰ ধাৰা ১৭১ চি-ৰ উপ-ধাৰাৰ অধীনত এই তদন্ত আৰম্ভ কৰা হ’ব।

ইয়াৰ বিপৰীতে ইষ্টাৰ্ণ নাগালেণ্ড পিপুলছ অৰ্গেনাইজেশ্যনে কয় যে, এয়া জনসাধাৰণৰ দ্বাৰা এক “স্বেচ্ছামূলক পদক্ষেপ” আছিল। গতিকে ইয়াত ধাৰা ১৭১ চি-ৰ অধীনত তদন্ত প্ৰযোজ্য নহয়।

 

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *