আৰম্ভণিতেই কেণা লাগিল! ‘ভাৰত জোড়ো ন্যায় যাত্ৰা’ৰ বাবে অনুমতি নিদিলে মণিপুৰ চৰকাৰে

আৰম্ভণিতেই কেণা লাগিল! ‘ভাৰত জোড়ো ন্যায় যাত্ৰা’ৰ বাবে অনুমতি নিদিলে মণিপুৰ চৰকাৰে

Facebook
Twitter
LinkedIn
Facebook
Twitter
LinkedIn

NB NEWS- ৰাহুলৰ ন্যায় যাত্ৰা আৰম্ভৰ পূৰ্বেই অথন্তৰ। ১৪ জানুৱাৰীত মণিপুৰৰ পৰা ভাৰত ন্যায় যাত্ৰাৰ পূৰ্ব নিৰ্ধাৰিত কাৰ্যসূচী থাকিলেও মণিপুৰ চৰকাৰে যাত্ৰাৰ অনুমতি প্ৰদান কৰা নাই। অনুমতি নিদিয়াক কেন্দ্ৰ কৰি এতিয়া ক্ষোভিত হৈ পৰিছে কংগ্ৰেছ দল। মণিপুৰৰ পৰা ৰাহুলৰ ন্যায় যাত্ৰা আৰম্ভ হ’ব বুলি পূৰ্বে জনোৱাৰ পাছতো অনুমতি দিয়াত কিয় পলম কৰিছে বীৰেণ সিঙ চৰকাৰে সেই বিষয়টোক লৈ সমগ্ৰতে চলিছে চৰ্চা।

ভাৰত জোড়ো যাত্ৰাৰ অনুৰূপভাৱে ৰাহুল গান্ধীয়ে ভাৰত জোড়ো ন্যায় যাত্ৰা আৰম্ভ কৰাৰ পৰিকল্পনা কৰিছিল। সূচী অনুসৰি আগন্তুক ১৪ জানুৱাৰীত মণিপুৰৰ পূব ইম্ফলৰ পৰা এই যাত্ৰা আৰম্ভ হ’ব বুলি জনাইছিল কংগ্ৰেছ দলে। এই যাত্ৰাৰ বাবে কংগ্ৰেছ দলে মণিপুৰ চৰকাৰৰ পৰা অনুমতি বিচাৰি আবেদনো দিছিল। কিন্তু যাত্ৰাৰ আবেদন নাকচ কৰি দিছে বীৰেণ সিং চৰকাৰে। মেইতেই অধ্যুষিত পূব ইম্ফলৰ পৰা যাত্ৰাৰ অনুমতি নিদিয়াৰ কাৰণো দাঙি ধৰিছে বিজেপি শাসিত মণিপুৰ চৰকাৰে। আইন শৃংখলা অবনতিৰ আশংকাতেই অনুমতি দিয়া হোৱা নাই বুলি জনাই দিছে মণিপুৰ চৰকাৰে। পৰিকল্পনা অনুসৰি পূব ইম্ফলৰ পৰা ন্যায় যাত্ৰা আৰম্ভ কৰি নাগালেণ্ডত উপস্থিত হোৱাৰ কথা আছিল ৰাহুলৰ।

অনুমতি নিদিলেও কংগ্ৰেছ দল আঁকোৰগোজ। তেওঁলোকে পূব ইম্ফলৰ পৰা যাত্ৰা হ’বই বুলিও স্পষ্টকৈ জনাই দিছে। মণিপুৰক বাদ দি অইন স্থানৰ পৰা ৰাহুলে ন্যায় যাত্ৰা নকৰে বুলিও জনাই দিছে কংগ্ৰেছ দলে। কিন্তু ইম্ফলৰ পৰা এই যাত্ৰাৰ অনুমতি নিদিলে ৰাহুলে এই যাত্ৰাত কিবা সাল সলনি আনিব নেকি সেই বিষয়টোও উত্থাপিত হৈছে। কংগ্ৰেছৰ বিশেষ সূত্ৰই জনোৱা অনুসৰি শেষ পৰ্যন্ত ইম্ফলৰ পৰা এই যাত্ৰা কৰাৰ অনুমতি নিদিলে মণিপুৰৰেই কোনো স্থানৰ পৰা এই যাত্ৰা আৰম্ভ কৰিব ৰাহুলে। সেই ক্ষেত্ৰত কুকি অধ্যুষিত থাওবেলৰ পৰা যাত্ৰা কৰিব পাৰে ৰাহুলে।

ৰাহুলৰ ন্যায় যাত্ৰাক লৈ কংগ্ৰেছৰ সাধাৰণ সম্পাদক কে চি বেণুগোপালে কয় যে, মণিপুৰৰ পৰা ৰাহুল গান্ধীৰ ভাৰত জোড়ো ন্যায় যাত্ৰাৰ অনুমতি কেন্দ্ৰই দিছে। ৰাজ্য চৰকাৰৰ আপত্তি কৰাৰ অধিকাত নাই। মণিপুৰৰ চৰকাৰে ৰাজনৈতিক উদ্দেশ্যতেই এই অনুমতি দিয়া নাই। ৰাহুলৰ এই যাত্ৰা সম্পূৰ্ণ অৰাজনৈতিক। ৰাজনীতি নকৰাৰ বাবেই ৰাহুলে মণিপুৰ চৰকাৰক বিশেষ আবেদনো জনাইছে। সেয়ে ইম্ফলৰ পৰা যাত্ৰা আৰম্ভ কৰাৰ বাবে প্ৰতিশ্ৰুতিবদ্ধ।

উল্লেখ্য যে আগন্তুক ১৪ জানুৱাৰীত মণিপুৰৰ পৰা আৰম্ভ হ’ব ৬৬ দিনীয়া ৰাহুল গান্ধীৰ ‘ভাৰত জোড়ো ন্যায় যাত্ৰা’। ৬ হাজাৰ ৭১৩ কিঃমিঃ এই যাত্ৰাই সামৰি ল’ব। ২০ মাৰ্চত এই যাত্ৰাৰ অন্ত পৰিব মুম্বাইত।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *