‘সুৰুযমুখী গাঁৱৰ পৰা মেট গালালৈ…’ আলিয়াতকৈ লাপাতা লেডিজৰ নিতাংশীক লৈ নেটদুনীয়াত চলিছে চৰ্চা

‘সুৰুযমুখী গাঁৱৰ পৰা মেট গালালৈ…’ আলিয়াতকৈ লাপাতা লেডিজৰ নিতাংশীক লৈ নেটদুনীয়াত চলিছে চৰ্চা

Facebook
Twitter
LinkedIn
Facebook
Twitter
LinkedIn

NB NEWS- মেট গালা ২০২৪ত আলিয়া ভাট্টৰ সাজে বিশেষভাৱে এইবাৰ নজৰ কাঢ়িছে৷ পোছাকশিল্পী সব্যসাচী মুখাৰ্জীয়ে ডিজাইন কৰা শাৰী পিন্ধি মেট গালাৰ ৰেড কাৰ্পেটত খোজ পেলাইছে আলিয়া ভাট্টে৷ সামাজিক মাধ্যমত চৰ্চাৰ শিখৰত আলিয়াৰ পোছাক৷ আলিয়াৰ সমান্তৰালভাৱে ভাইৰেল হৈছে আন এখন ছবিও৷ মেট গালা ২০২৪ত উপস্থিত আছিল বলীউডৰ নতুন এগৰাকী অভিনেত্ৰীও৷

‘লাপাতা লেডিছ’ ছবিৰ ফুল কুমাৰী চৰিত্ৰৰে চিনাকী হৈ পৰা নিতাংশী গোৱেল৷ কিৰণ ৰাও পৰিচালিত পৰিচালিত লাপাতা লেডিছ ছবিৰ মাধ্যমেৰে ডাঙৰ পৰ্দাত আত্মপ্ৰকাশ কৰিছে নিতাংশীয়ে৷ ছবিৰ পাছতেই মেট গালাতো প্ৰথমবাৰ ভৰি থৈছে নিতাংশী গোৱেলে৷ কিন্তু কোনো নামী দামী শিল্পীয়ে ডিজাইন কৰা পোছাক নহয়৷ নিতাংশীয়ে পৰিধান কৰিছে এখন ৰঙা শাৰী আৰু ওপৰত মেৰুণ ৰঙৰ এখন শ্ব’ল৷

মূৰ ঢাকি ৰাখিছে মেৰুণ ৰঙৰ শ্ব’লখনেৰে৷ মুখ প্ৰসাধনবিহীন৷ কপালত এটা ৰঙা ফোঁট৷ লাপাতা লেডিছত ফুলকুমাৰী যেনেকৈ ওলাইছে ঠিক তেনেকৈয়ে মেট গালাতো দেখা গৈছে নিতাংশীক৷ নিতাংশীৰ এই ছবি মুহূৰ্ততে ভাইৰেল হৈ পৰিছে নেটদুনীয়াত৷ নেট নাগৰিকো অবাক৷ কেনেকৈ এখন ছবিত অভিনয় কৰিয়েই মেট গালা পালেগৈ নিতাংশী৷ কিন্তু প্ৰকৃত ঘটনা বেলেগ৷

আমিৰ খান প্ৰযোজনা সংস্থাৰ তৰফৰ পৰা নিতাংশীৰ এই ছবি পোষ্ট কৰা হৈছে৷ তেওঁলোকে নিতাংশীৰ ছবি মেট গালাত প্ৰেক্ষাপটত ৰাখি প্ৰচাৰ হে চলাইছে৷ ছবিৰ কেপশ্ব্যনত তেওঁলোকে লিখিছে, ‘যথা সময়ত বাগানত আমাৰ ফুল ফুলি উঠিছে৷’ এইবাৰ মেট গালাৰ থিম ‘গাৰ্ডেন অফ টাইম৷’ সেইবাৰে উপস্থিতি সকলোৰে পোছাকত আছে ফুলৰ লগতে বাগিছাও৷ মেট গালাত ফুলকুমাৰী অৰ্থাৎ নিতাংশীৰ ছবিও এডিট কৰি বনোৱা এখন ফটো৷

ছবিখন তৈয়াৰ কৰা হ’লেও এই ছবি পছন্দ কৰিছে নিতাংশীৰ অনুৰাগীয়ে৷ অনুৰাগীয়ে এই ছবি দেখা মাত্ৰকেই লিখিছে, ‘সূৰুযমুখী গাওঁৰ পৰা মেট গালালৈ! ফুলকুমাৰী আগন্তুক সময়ত ফুলি উঠিবলগীয়া এগৰাকী সম্ভাৱনাময় অভিনেত্ৰী৷’ বহুতেই এতিয়া ফুল কুমাৰী বা নিতাংশীক ভৱিষ্যতে ৰেড কাৰ্পেটত দেখিবলৈ পাব বুলি আশাবাদীও হৈ উঠিছে৷’

 

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *