বৰ যন্ত্ৰণা, সকলো সামৰি হাঁহি হাঁহি কাম কৰি আছো, তথাপিও… ইণ্ডাষ্ট্ৰিত সন্মুখীন হোৱা অসুবিধাক লৈ মুখ খুলিলে কুমাৰ ছানুৱে

বৰ যন্ত্ৰণা, সকলো সামৰি হাঁহি হাঁহি কাম কৰি আছো, তথাপিও… ইণ্ডাষ্ট্ৰিত সন্মুখীন হোৱা অসুবিধাক লৈ মুখ খুলিলে কুমাৰ ছানুৱে

Facebook
Twitter
LinkedIn
Facebook
Twitter
LinkedIn

NB NEWS- নব্বৈৰ দশকত এটাৰ পাছত আনটো ছুপাৰহীট গান। কুমাৰ চানুৰ গীত অবিহনে বলীউডৰ ছবিয়ে মুক্তিলাভ কৰিব নোৱাৰে। দেশতেই নহয় দেশৰ বাহিৰতো কুমাৰ ছানু নামেই এক পৰিচয়। কিন্তু ইমান জনপ্ৰিয়তা থকা স্বত্ত্বেও তেওঁ লাভ নকৰিলে এটাও ৰাষ্ট্ৰীয় পুৰস্কাৰ। তেওঁ কাহানিও এই চেষ্টা চলোৱা নাই।

এক সাক্ষাৎকাৰত জনপ্ৰিয় গায়কগৰাকীয়ে কৈছিল, ‘কেমেৰাৰ আঁৰৰ যন্ত্ৰণাৰ কথাবোৰ কেনেকৈ বুজাও। মই জাতীয় পুৰস্কাৰ পোৱা উচিত আছিল। মই পদ্মভূষণ পোৱাৰ যোগ্য বুলি ভাৱো। কিন্তু এইসমূহ বিষয়ক লৈ মই বিশেষ ভাৱি নাথাকো। এই বিষয়টো সেইসকলৰ ওপৰত নিৰ্ভৰ কৰে যিয়ে এই সন্মান প্ৰদান কৰে। এয়া এক সন্মান। আৰু এয়াও সত্য যে আপুনি যেতিয়া প্ৰাপ্য সন্মান নাপায় তেতিয়া আপোনাৰ অন্তৰে কান্দে। এইক্ষেত্ৰত আৰু এটা কথা মন কৰিবলগীয়া যে আপোনাৰ দক্ষতা আছেনে? মই এই বিষয়টোক বুজি পাওঁ’

কুমাৰ ছানুৱে লগতে কয় যে, তেওঁৰ হাতত এনে কোনো চিষ্টেম বা পদ্ধতি নাই যে নিজেই পুৰস্কাৰ পৰিচালনাত আগভাগ ল’ব পাৰে। কুমাৰ ছানুৱে পুৰস্কাৰৰ দিশটোত কাহানিও মন নিদিয়াৰ বাবেই আজিলৈকে কোনো এটা ৰাষ্ট্ৰীয় পুৰস্কাৰ লাভ কৰিবলৈ সক্ষম নাই হোৱা বুলিও তেওঁৰ মন্তব্যত উল্লেখ কৰে। লগতে তেওঁ কয়, ‘চৰকাৰে মোক এতিয়ালৈকে কোনো পুৰস্কাৰ দিয়া নাই। যেতিয়া তেওঁলোকে মোক পুৰস্কাৰ দিব লাগে বুলি ভাৱিব তেতিয়া দিব। তাৰপিছত জীৱন্ত কালত যদি নিদিয়েও মোৰ ক’ব লগা একো নাই।’

কুমাৰ ছানুয়ে ২০০৯ চনত পদ্মশ্ৰী সন্মান লাভ কৰিছে। তেওঁৰ গানৰ ক্ষেত্ৰত তিনি দশকৰো অধিক সময় কাম কৰিছে। এই বিশাল কৰ্মজীৱনত তেওঁৰ শতাধিক হীট ছবিত গীত গাইছে। নব্বৈৰ দশকত মেৰা দিল ভি কিতনা পাগল হে, দিল কা আলম, ছচেংগে তুম প্যায়াৰ, এক লড়কি কৌ দেখা তৌ আৰু ইয়ে কালি কালি আঁখেকে ধৰি একাধিক গান। বৰ্তমানলৈ কুমাৰ ছানুয়ে অসমীয়া, নেপালী, ভোজপুৰী, পাঞ্জাৱী, ওড়িয়া, তেলেগু আৰু কান্নাড়া ভাষাত গীত পৰিবেশন কৰিছে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *