এইবৰ্ষত দৌল, শিৱৰাত্ৰী পিছুৱাইছে, আগুৱাইছে দূৰ্গাপুজা! ২০২৪ত কেতিয়া কি উৎসৱ?

এইবৰ্ষত দৌল, শিৱৰাত্ৰী পিছুৱাইছে, আগুৱাইছে দূৰ্গাপুজা! ২০২৪ত কেতিয়া কি উৎসৱ?

Facebook
Twitter
LinkedIn
Facebook
Twitter
LinkedIn

জানুৱাৰীৰ পৰা ডিচেম্বৰলৈ। সনাতন ধৰ্মীলোকৰ প্ৰত্যেক মাহতেই কিবা নহয় কিবা পূজা থাকে। ২০২৪ চনত কি উৎসৱ কেতিয়া পৰিছে সবিশেষ আৰম্ভণিতেই জানি থওক।

জানুৱাৰী
জানুৱাৰী মাহত প্রথম উৎসৱেই মাঘ বিহু বা মকৰ সংক্ৰান্তি। এই দিনটো প্ৰতিজন অসমীয়াৰ বাবেই গুৰুত্বপূৰ্ণ।

ফেব্ৰুৱাৰী
ফেব্ৰুৱাৰী মাহৰ ১৪ তাৰিখে সৰস্বতী পূজা। এই দিনটোক বসন্ত পঞ্চমী নামেৰেও জনা যায়। এই বছৰ ভেলেণ্টাইন ডে আৰু বসন্ত পঞ্চমী একেদিনাই।

মাৰ্চ
মাৰ্চ মাহৰ প্ৰথম ডাঙৰ উৎসৱেই হৈছে শিৱৰাত্ৰী। আগন্তুক ৮মাৰ্চত শিৱৰাত্ৰী পালন কৰা হ’ব। বছৰৰ প্ৰত্যেক মাহতেই এটা মাহেকীয়া শিৱৰাত্ৰীও থাকে। ইয়াৰ মাজত সবাতোকৈ মাহাত্ম্যপূৰ্ণ হৈছে সকলোৱে পালন কৰা মহাশিৱৰাত্ৰী। মাৰ্চ মাহৰ আন এক ডাঙৰ উৎসৱ হৈছে দৌল পূৰ্ণিমা বা হোলী। ৰঙৰ উৎসৱত সমগ্ৰ দেশেই ৰঙীন হৈ উঠিব। আগন্তুক ২৫ মাৰ্চত হোলী পালন কৰা হ’ব।

এপ্ৰিল
এপ্ৰিলৰ ৯ তাৰিখে নবৰাত্ৰী। ৯ দিন ধৰি দূৰ্গাৰ ৯টা ৰূপক আৰাধনা কৰে। ইয়াৰ পাছতেই আছে ১৪ তাৰিখৰ পৰা জাতীয় উৎসৱ ৰঙালী বিহু বা নৱবৰ্ষ। এই দিনটোৰ পৰাই অসমীয়া নৱবৰ্ষ আৰম্ভ হয়। তাৰপিছতেই ১৭ এপ্ৰিলত ৰাম নৱমী।

মে
১০ মেত পালন কৰা হয় অক্ষয় তৃতীয়া। ব্যৱসায়ীসকলৰ বাবে এই দিনটো বিশেষভাৱে গুৰুত্বুপূৰ্ণ।

জুলাই
জুলাই মাহত ৰথযাত্ৰা। এইবাৰ ৭ জুলাইত পালিত হ’ব জগন্নাথৰ ৰথযাত্ৰা। ২১ জুলাইত গুৰুপূৰ্ণিমা।

আগষ্ট
১৯ আগষ্টত পালন কৰা হ’ব ৰাখি বন্ধন। এই দিনটোত ভাতৃৰ মঙ্গল কামনা কৰি ভগ্নীয়ে ৰাখি পিন্ধাই। ২৬ আগষ্টত পালন কৰা হ’ব জন্মাষ্টমী। এই দিনটোতেই ভগৱান শ্ৰী কৃষ্ণৰ জন্ম বুলি মনা হয়।

ছেপ্টেম্বৰ
৭ ছেপ্টেম্বৰত পালিত হ’ব গণেশ চতুৰ্থী। পশ্চিম ভাৰতত বিশেষকৈ মহাৰাষ্ট্ৰত এই উৎসৱ ধুমধামেৰে পালন কৰা হয়।

অক্টোবৰ
অক্টোবৰ মানেই দূৰ্গাপুজা। এইবাৰ ২ অক্টোবৰত মহালয়া। তাৰপিছতেই ৯ অক্টোবৰত মহাষষ্ঠী, ১০ অক্টোবৰত মহাসপ্তমী, ১১ অক্টোবৰত মহাষ্টমী, ১২ অক্টোবৰত মহানৱমী আৰু ১৩ অক্টোবৰত বিজয়া দশমী পালন কৰা হ’ব। তাৰপিছতেই ১৬ অক্টোবৰত লক্ষ্মীপূজা। ২৯ অক্টোবৰত ধনতেৰছ আৰু ৩১ অক্টোবৰত কালিপূজা আৰু দীপাৱলী।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *