ছে** স্কেণ্ডেলত নাম সাঙোৰ খোৱাত বিদেশলৈ পলায়ন নেতাৰ, পূৰ্বেও কেইবাগৰাকী নেতাই পদত্যাগ কৰিবলৈ বাধ্য হৈছিল

ছে** স্কেণ্ডেলত নাম সাঙোৰ খোৱাত বিদেশলৈ পলায়ন নেতাৰ, পূৰ্বেও কেইবাগৰাকী নেতাই পদত্যাগ কৰিবলৈ বাধ্য হৈছিল

Facebook
Twitter
LinkedIn
Facebook
Twitter
LinkedIn

ছে** স্কেণ্ডেলত নাম সাঙোৰ খোৱাত বিদেশলৈ পলায়ন নেতাৰ, পূৰ্বেও কেইবাগৰাকী নেতাই পদত্যাগ কৰিবলৈ বাধ্য হৈছিল

ছে** স্কেণ্ডেলত নাম সাঙোৰ খাই পৰিছে দক্ষিণৰ এগৰাকী সাংসদৰ। নাম পোহৰলৈ অহাৰ পাছতে দেশ এৰি বিদেশলৈ পলায়ন নেতাগৰাকীৰ। ভাৰতৰ প্ৰাক্তন প্ৰধানমন্ত্ৰী এছ ডি ডেবগৌৰাৰ পুত্ৰ আৰু নাতিৰ নাম সাঙোৰ খাই পৰিছে এই নিকৃষ্ট কাণ্ডত।

পিতা-পুত্ৰ ক্ৰমে কৰ্নাটকৰ প্ৰাক্তন মন্ত্ৰী এছ ডি ৰেবন্না আৰু ৰাজ্যখনৰ হাছান সমষ্টিৰ বৰ্তমানৰ সাংসদ প্ৰজ্বল ৰেবন্নাৰ নাম সাঙোৰ খাই পৰিছে। ঘৰৰ ৰান্ধনী হিচাপে কাম কৰা মহিলাই তুলিছে অভিযোগ। অভিযোগ উত্থাপন হোৱাৰ পাছতে প্ৰজ্বল ৰেবন্নাৰ দেশ এৰি পলায়ন।

মহিলাগৰাকীৰ সৈতে অশ্লীল ব্যৱহাৰ কৰাৰ উপৰি কন্যাৰ সৈতেও প্ৰজ্বলে বেয়া ব্যৱহাৰ কৰাৰ অভিযোগ। তাৰোপৰি প্ৰজ্বল ৰেবন্নাৰ ওপৰত অন্য কেইবাগৰাকী মহিলাইয়ো অভিযোগ আনিছে। প্ৰজ্বলে যৌন শোষণ কৰি অশ্লীল ভিডিঅ’ সমাজিক মাধ্যমত ভাইৰেল কৰি দিছে।

এই ঘটনা পোহৰলৈ অহাৰ পাছতে কৰ্নাটকৰ সিদ্ধৰমৈয়া চৰকাৰে এছ আই টিক এই ঘটনাৰ ওপৰত তদন্ত কৰাৰ নিৰ্দেশ জাৰি কৰিছে। আৰক্ষীয়ে ইতিমধ্যে আই পি চি ৩৫৪ এ, ৩৫৪ ডি, ৫০৬ আৰু ৫০৯ ধাৰাৰ ওপৰত গোচৰ ৰুজু কৰিছে।

উল্লেখ্য যে, এইয়ে প্ৰথম নহয় দক্ষিণৰ নেতাৰ বিৰুদ্ধে এনে অভিযোগ অনা। পূৰ্বে ২০২১ চনত য়েডিয়ুৰাপ্পা চৰকাৰৰ মন্ত্ৰী ৰমেশ জাৰকিহোলীৰ নাম সাঙোৰ খাইছিল ছেক্স স্কেণ্ডেলত। এটা অশ্লীল ভিডিঅ’ ভাইৰেল হৈছিল মন্ত্ৰীগৰাকীৰ।

২০১৬ চনত কৰ্নাটকৰ আৱকাৰী মন্ত্ৰী এছ ৱাই মেটীৰ এগৰাকী মহিলাৰ সৈতে অশ্লীল ভিডিঅ’ সামাজিক মাধ্যমত বিয়পি পৰিছিল। যাৰ পাছতে পদৰ পৰা ইস্তফা দিছিল ।

সেই একে বৰ্ষতে আন এগৰাকী মন্ত্ৰী তলবীৰ ছেটৰো এক চি চি টিভি ফুটেজ ভাইৰেল হৈছিল, য’চ তেওঁ নগ্ন মহিলাৰ ফটো-ভিডিঅ ‘চাই থকা দেখা গৈছিল। এই কাণ্ডৰ পাছতে পদৰ পৰা ইস্তফা দিছিল মন্ত্ৰীগৰাকীয়ে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *