যি হাতেৰে অত্যাধুনিক অস্ত্ৰ ব্যৱহাৰ কৰিছিল, সেই দুহাতত আজি মেহেন্দী

যি হাতেৰে অত্যাধুনিক অস্ত্ৰ ব্যৱহাৰ কৰিছিল, সেই দুহাতত আজি মেহেন্দী

Facebook
Twitter
LinkedIn
Facebook
Twitter
LinkedIn

যি হাতেৰে অত্যাধুনিক অস্ত্ৰ ব্যৱহাৰ কৰিছিল, সেই দুহাতত আজি মেহেন্দী

দুই কুখ্যাত গেংষ্টাৰ। সকলো সময়তে হাতত আছিল অত্যাধুনিক অস্ত্ৰ। যাৰ নাম শুনিলেই ভয় কৰে সাধাৰণ মানুহে। আৰক্ষীয়ো সদা সষ্টম থাকে দুয়োৰে নামত। পাছে বৰ্তমানে তিহাৰ জেলৰ কাৰাবন্দী। সেই দুই কুখ্যাত গেংষ্টাৰেই হোমৰ জুইক সাক্ষী কৰি চিৰ জীৱনৰ বাবে ইজনে সিজনৰ হৈ পৰে।

বিয়া উপলক্ষে ৬ ঘণ্টাৰ বাবে জামিন পেৰেল আৰু বিয়াৰ পিছদিনাৰ বাবে ৩ ঘণ্টাৰ পেৰেল। ১২ মাৰ্চত বিবাহ সম্পন্ন, ১৩ মাৰ্চত গৃহ প্ৰৱেশ।

সেই দুই কুখ্যাত গেংষ্টাৰেই হৈছে কালা জঠেৰী তথা সন্দীপ আৰু লেডী ডন মেডাম মিন্জ তথা অনুৰাধা চৌধুৰী। যি অনুৰাধাই এটা সময়ত দুই হাতত অস্ত্ৰ লৈ ত্ৰাসৰ সৃষ্টি কৰিছিল আজি গোলপীয়া শাৰী পিন্ধি দুহাতত মেহেন্দী বুলাই কইনাৰ সাজত ।

আনহাতে দৰা কালা জেঠেৰীৰ লগত বৰ যাত্ৰীৰ ৰূপত হাজাৰৰ ঘৰত আৰক্ষী আৰু সেনা। আলহী অতিথিতকৈ সুৰক্ষাৰ বাবে থকা আৰক্ষী আৰু সেনাৰ সংখ্যাই অধিক। বিবাহৰথলীত যাতে কোনো ধৰণৰ অপ্ৰীতিকৰ পৰিস্থিতিৰ সৃষ্টি নহয় তাৰ বাবেই ইমান সংখ্যক আৰক্ষী।

জানিব পৰা অনুসৰি এক বিবাহবাহৰত এই দুই গেংষ্টাৰৰ বিবাহ সম্পন্ন হৈছে। লগতে এই বিবাহবাহৰত সুৰক্ষাৰ বাবে চাৰিটাকৈ বেষ্টনী ৰখা হৈছে। প্ৰথম বেষ্টনীত অতিথিৰ নামৰ ভেৰিফাই, দ্বিতীয় বেষ্টনিত অতিথিৰ সামগ্ৰীৰ নিৰিক্ষণ, তৃতিয়তে মেটেল ডিটেক্টৰৰ ব্যৱহাৰ। চতুৰ্থতে বিয়াত সমাগম হোৱা সকলো লোকৰে আৰক্ষীয়ে নিজেই ভিডিঅ বনোৱা।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *