‘শ্বহীদক মনত ৰাখিব নোৱাৰিলে আমাৰ চিন্তা সদায়ে পৰাধীন!’ ১৯৪৭ চনত ভাৰতে স্বাধীনতা লাভ কৰাৰ নিশা ভাষণত কি কৈছিল পণ্ডিত জৱাহৰলাল নেহৰুৱে?

‘শ্বহীদক মনত ৰাখিব নোৱাৰিলে আমাৰ চিন্তা সদায়ে পৰাধীন!’ ১৯৪৭ চনত ভাৰতে স্বাধীনতা লাভ কৰাৰ নিশা ভাষণত কি কৈছিল পণ্ডিত জৱাহৰলাল নেহৰুৱে?

Facebook
Twitter
LinkedIn
Facebook
Twitter
LinkedIn

NB NEWS- ব্ৰিটিছৰ পৰা মুক্তি লাভ কৰি স্বাধীন দেশ হিচাপে আত্মপ্ৰকাশ কৰিবলৈ ভাৰতবৰ্ষক সময় লাগিছিল ১৯০ বছৰ। ক’ত প্ৰাণৰ বলীদানত ভাৰতবৰ্ষই স্বাধীনতা লাভ কৰিলে ইয়াক পৃথককৈ কোৱাৰ প্ৰয়োজন নাই। দেশবাসীয়ে ১৯৪৭ চনৰ ১৫ আগষ্টৰ নিশা ১২ বজাত স্বাধীনতা লাভ কৰে। সেই নিশা নতুনকৈ জীয়াই উঠিম সেই উন্মাদনা প্ৰতিগৰাকী ভাৰতীয়ৰ মনত।

দেশে আনুষ্ঠানিকভাৱে স্বাধীনতা লাভ কৰাৰ সাক্ষী হৈ ৰ’ল লালকিল্লাৰ সন্মুখৰ জনতাৰ ভীৰ। সেই জনতাক সম্বোধন কৰি স্বাধীনতাৰ ভাষণ পাঠ কৰে পণ্ডিত জৱাহৰলাল নেহৰুৱে। দেশৰ জনগণক উদ্দেশ্যি দিয়া ভাষণত নেহৰুৱে উত্থাপন কৰিছিল একাধিক প্ৰসংগ।

স্বাধীনতা লাভ হ’ল, কিন্তু এক ঐক্যবদ্ধ দেশ হিচাপে পৰবৰ্তী পথ কেনেকৈ আগুৱাই লাগিব সেই কথাকেই ভাষণত উল্লেখ কৰিছিল জৱাহৰলাল নেহৰুৱে। ১৯৪৭ চনৰ ১৫ আগষ্টত নেহৰুৱে ভাষণৰ আৰম্ভণিতে কয়, ‘দীৰ্ঘ সময়ৰ পূৰ্বেই আমি নিয়তিৰ ওচৰত প্ৰতিজ্ঞাবদ্ধ হৈছিলো। কিন্তু এতিয়া সময় আহিল। আমি আমাৰ অংগীকাৰ সম্পূৰ্ণৰূপে পূৰণ কৰিব নোৱাৰিলেও যিমানদূৰ সম্ভৱ পূৰণ কৰিবলৈ যত্ন কৰিম। বিশ্ব যেতিয়া টোপনিত মগ্ন সেই সময়ত আমি সাৰে আছো। এই মাজনিশাৰ উন্মাদনাই এটা কথাই কৈছে আমি স্বাধীন। আমি জীৱনৰ স্বাধীনতা, স্বাধীনভাৱে জীয়াই থাকিবলৈ আজিৰে পৰা আৰম্ভ কৰিম। ইতিহাসতো এনে সময়ৰ কথা খুব কমেই উল্লেখ আছে। আমাৰ কথা ইতিহাসৰ পাতত লিপিবদ্ধ হ’ব। আমাৰ প্ৰতিগৰাকী শ্বহীদৰ নাম ইতিহাসত থাকিব। পুৰাতন সময়ৰ পৰা নতুন সময়ৰ দিশে আমি স্বাধীনভাৱে আগুৱাম।’

ভাষণত নেহৰুৱে লগতে কয়, ‘যেতিয়া পুৰাতন সময়ৰ পৰা নতুনৰ দিশেৰে দুভৰি আগুৱাই দিও, শেষ হোৱা সেই পুৰাতন যুগত নিপীড়িতৰ আত্মাৰ আৰ্তনাদ সোমাই থাকে। সেই আত্মাৰ চিঞৰ আমি অনুধাৱন কৰিব পাৰিব লাগিব। স্বাধীনতাৰ উল্লাসত মতলীয়া হ’লেও তেওঁলোকৰ কষ্ট পৰিশ্ৰমৰ কথা স্বাধীনদেশৰ প্ৰতিজন নাগৰিকে বুজি পালেহে আমাৰ চিন্তাই স্বাধীনতা পাব। স্বাধীনতাৰ এই গৌৰৱময় মুহূৰ্ত আমি জনগণৰ সেৱা আৰু মানৱতাৰ বৃহত্তৰ উদ্দেশ্যৰ প্ৰতি উৎসৰ্গা কৰিবলৈ অংগীকাৰ কৰিছো।’

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *