বিজ্ঞানী হিচাপে মোৰ মনটো সন্ধানী, অন্তৰাত্মাক মই মন্দিৰতেই বিচাৰি পাওঁ! মন্দিৰলৈ বাৰে বাৰে কিয় যায় ইছৰো প্ৰধান? আঁৰৰ সকলো কথা অৱশেষত বুজাই দিলে ইছৰো প্ৰধানে

বিজ্ঞানী হিচাপে মোৰ মনটো সন্ধানী, অন্তৰাত্মাক মই মন্দিৰতেই বিচাৰি পাওঁ! মন্দিৰলৈ বাৰে বাৰে কিয় যায় ইছৰো প্ৰধান? আঁৰৰ সকলো কথা অৱশেষত বুজাই দিলে ইছৰো প্ৰধানে

Facebook
Twitter
LinkedIn
Facebook
Twitter
LinkedIn

NB NEWS- ২৩ আগষ্ট, ২০২৩ ৰ সন্ধিয়া ৬ বাজি৩ মিনিটত চন্দ্ৰপৃষ্ঠত অৱতৰণ কৰিলে চন্দ্ৰযান-৩ লেণ্ডাৰ বিক্ৰমে। ১৪০ কোটি ভাৰতীয়ৰ আশা-আকাংক্ষা, সপোন সঁচা কৰি চন্দ্ৰৰ কুমেৰুত ভৰি থলে বিক্ৰমে। দীৰ্ঘদিনীয়া গৱেষণা, অক্লান্ত পৰিশ্ৰমৰ ফচল চন্দ্ৰযান-৩। চন্দ্ৰযান-৩ ৰ লেণ্ডাৰ বিক্ৰমে চন্দ্ৰপৃষ্ঠত ভৰি দিয়াৰ পাছতেই ঈশ্বৰৰ চৰণত মূৰ দোৱাইছে ইছৰো প্ৰধান এছ সোমনাথে। দেওবাৰে তেওঁ তিৰুঅনন্তপূৰমত থকা ভাদ্ৰকালী মন্দিৰত উপস্থিত হৈছে ইছৰো প্ৰধান সোমনাথ।

ইছৰো প্রধান তথা বিজ্ঞানী সোমনাথক মন্দিৰলৈ যোৱাক লৈ প্ৰায়সংখ্যকেই সমালোচনা কৰিছে। এজন বিজ্ঞানীয়ে কিয় বাৰে বাৰে মন্দিৰত শিৰনত কৰে? এই প্ৰশ্ন বহুজনেই সোমনাথক কৰিছে। সোমনাথে এই বিষয়টোক লৈ বিগত সময়ত মন্তব্য কৰা নাছিল যদিও দেওবাৰে তেওঁ সংবাদমাধ্যমৰ আগত এই বিষয়টোক লৈ মন্তব্য কৰিছে। সমালোচনাৰ তীৰে বিদ্ধ কৰাত উপায়হীন হৈ মুখ খুলিছে বিজ্ঞানীজনে। কিয় ঈশ্বৰ বিশ্বাসী ইছৰোৰ চেয়াৰমেন সেই কথাৰো উত্তৰ দিছে।

সাংবাদিকৰ সন্মুখত এছ সোমনাথে কয়, ‘মই এজন বিজ্ঞানী ঠিকেই। কিন্তু মইয়ো মানুহ। মোৰ অন্তৰাত্মাইয়ো শান্তি বিচাৰে। শান্তি বিচাৰিয়েই মই মন্দিৰলৈ আহো। মনেৰে মই কোনোবাখিনিত ঈশ্বৰক বিশ্বাস কৰো।’ তিৰুঅনন্তপুৰমৰ ভদ্ৰকালী মন্দিৰত দেওবাৰে ভক্তিভাৱত দেখা গ’ল বিজ্ঞানী এছ সোমনাথক। অঞ্জলি দিয়াৰ পৰা কপালত হোমটিকা লোৱালৈকে সমগ্ৰ দৃশ্য কেমেৰাত বন্দীও হৈছে। তেওঁক এই ৰূপত দেখিয়েই সাংবাদিকে তেওঁৰ ঈশ্বৰৰ চৰণত মূৰ দোৱাই কি বিচাৰে বুলি প্ৰশ্ন কৰে। সেই প্ৰশ্নৰ উত্তৰত সোমনাথে কয়, ‘মই এজন অনুসন্ধানী। মই প্ৰতিসময়তে মহাকাশ সন্ধানী মন এটা কঢ়িয়াও। অন্তৰাত্মাকো সন্ধান কৰো। সন্ধান মোৰ জীৱনৰ অংশ। বিজ্ঞান আৰু আধ্যাত্মিকতা এজন মানুহৰ জীৱনত দুয়োটাৰেই প্ৰয়োজনীয়তা আছে। মই এতিয়ালৈকে বহু মন্দিৰলৈ গৈছো। প্ৰাৰ্থনা কৰিছো, পূজা কৰিছো। বুজিবলৈ চেষ্টা কৰিছো মানুহৰ উৎপত্তি, অস্তিত্ত সম্বন্ধীয় কথা। ঈশ্বৰ বিশ্বাস আমাৰ সংস্কৃতিৰ এটা অংশই। ইয়াৰ বাহিৰলৈ গৈ আমি অন্তৰাত্মাৰ সৈতে আলাপ কৰিব নোৱাৰো। মই স্বীকাৰ কৰো যে, মই এজন বিজ্ঞানী হ’লেও অন্তৰেৰে মই ঈশ্বৰ বিশ্বাসী এজন ব্যক্তি।’

এইসমূহৰ ওপৰিও চন্দ্ৰযান-৩ৰ আপডেটো সাংবাদিকক দিয়ে ইছৰো প্ৰধান সোমনাথে। এছ সোমনাথে এই সন্দৰ্ভত কয়,’সকলোবোৰ পৰিকল্পনামতেই আগবাঢ়িছে। লেণ্ডাৰ ৰোভাৰ প্ৰজ্ঞানে নিজৰ কাম চলাই আছে। প্ৰজ্ঞানত থকা পাঁচটা যন্ত্ৰই কাম কৰি আছে। আমি আশাবাদী আগন্তুক ৩ ছেপ্টেম্বৰত আমি সকলোৰে বাবে চন্দ্ৰৰ কোনেও নেদেখা ছবি মুকলি কৰি দিম। ইয়াৰোপৰি ইছৰোপ্ৰধানে বিক্ৰমে লেণ্ডিং কৰা স্থানক কিয় শিৱশক্তি নাম দিয়া হ’ল সেই সন্দৰ্ভতো মন্তব্য আগবঢ়ায়। তেওঁ কয়, ‘এই বিষয়টোক আমি প্ৰধানমন্ত্ৰীৰ ওপৰত এৰিছো। তেওঁ এটা নাম দিছে তাক আমি উপহাৰ বুলি গ্ৰহণ কৰিছো। ইয়াত আপত্তি কৰিবলৈ একো নাই। বিজ্ঞানীয়ে নিজৰ কাম কৰি আছে। নামটোক লৈ চৰ্চা কৰি লাভ নাই। শিৱশক্তি এটা ভাৰতীয় নামেই।’

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *