কমিছে যোগান, বিশ্বক চমক দি বালিৰ বিকল্পৰ সন্ধান উলিয়ালে ভাৰতৰ এদল বিজ্ঞানীয়ে

কমিছে যোগান, বিশ্বক চমক দি বালিৰ বিকল্পৰ সন্ধান উলিয়ালে ভাৰতৰ এদল বিজ্ঞানীয়ে

Facebook
Twitter
LinkedIn
Facebook
Twitter
LinkedIn

NB NEWS-আপোনাৰ সপোনৰ ঘৰ এখন নিৰ্মাণৰ পৰিকল্পনা কৰিছে। নিৰ্মাণৰ পৰিকল্পনাত প্ৰথমেই আহে বালি, ইটা, চিমেণ্টৰ কথা। বালি অবিহনে এখন পকীঘৰ নিৰ্মাণৰ কথা আপুনি কোনোকালে ভাৱিবই নোৱাৰে। সকলোবোৰ নিৰ্মাণৰ অন্যতম উপাদান হৈছে বালি। ক্ৰমাগত ব্যৱহাৰৰ কাৰণে সেই বালিৰেই এতিয়া অভাৱ হ’ব ধৰিছে। যাৰবাবে বিজ্ঞানীয়েও বিকল্পৰ সন্ধান আৰম্ভ কৰিছে।

এদল বিজ্ঞানীয়ে বালিৰ বিকল্পৰ সন্ধান কৰি বিকল্প বিচাৰি উলিয়াবলৈকো সক্ষম হৈছে। ভৱিষ্যতে বালিৰ বাবে ঘৰ বা কংক্ৰিটৰ সামগ্ৰী নিৰ্মাণত বাধা নাহে তাৰবাবেই বিকল্প বিচাৰি উলিয়াইছে বিজ্ঞানীৰ দলটোৱে। বাংগালুৰুৰ আইআইএছছির চেণ্টাৰ ফৰ ছাচটেনেবল টেকনোলজিয়ে বালিৰ এই বিকল্প তৈয়াৰ কৰিছে। কল কাৰখানাৰ পৰা বাহিৰ হোৱা ধোঁৱাৰ পৰাই এই বিকল্প বালি তৈয়াৰত সফল হৈছে বিজ্ঞানীৰ দল। কল-কাৰখানাৰ ধোঁৱাত কাৰ্বন-ডাই-অক্সাইড থাকে। সেই কাৰ্বন-ডাই-অক্সাইডত জমা হৈ থাকে মাটি। তাৰ পৰাই বালি তৈয়াৰৰ কাম আৰম্ভ কৰিছে বিজ্ঞানীৰ দলে।

IISCৰ তৰফৰ পৰা এটা বিবৃত্তি দিয়া হৈছে। তেওঁলোকে জনোৱা অনুসৰি এনেকৈ কাৰ্বন ডাই অক্সাইড এনেকৈ সংগ্ৰহ কৰি ৰাখিলে প্ৰকৃতিও প্ৰদুষণমুক্ত হ’ব। দৈনিক ডাঙৰ ডাঙৰ কল-কাৰখানাৰ পৰা নিৰ্গমন হোৱা কাৰ্বন ডাই অক্সাইডৰ প্ৰভাৱো পৰিবেশৰ ওপৰত নপৰিব। IISCৰ অধ্যাপক গুপ্তা আৰু তেওঁৰ নেতৃত্বাধীন গৱেষক দলে দেখুৱাইছে যে কেনেকৈ বালিৰ বিকল্প তৈয়াৰ কৰিব পাৰি। কাৰ্বন ডাই অক্সাইড কেনেকৈ প্ৰয়োজনীয় কৰি তুলিব পাৰি।

গৱেষক দলটোৱে জনোৱা অনুসৰি, পৰিবেশৰ পৰা কাৰ্বন-ডাই-অক্সাইড সংগ্ৰহৰ বাবে তেওঁলোকে প্ৰচেষ্টা অব্যাহত ৰাখিছে। ইয়াৰ পৰা প্ৰকৃতিৰো লাভ হ’ব। বিজ্ঞানী গুপ্তাই জনোৱা অনুসৰি বালিৰ বিকল্প হিচাপে যি সামগ্ৰী তৈয়াৰ কৰা হৈছে তাত কাৰ্বন থকাৰ কাৰণে তাৰ ক্ষমতা ২০ৰ পৰা ২২ শতাংশ বৃদ্ধি পাব। গৱেষক দলে লগতে জনাইছে যে নিৰ্মাণস্থলত যি মাটি থাকে তাৰ মাজত কাৰ্বন প্ৰবেশ কৰোৱা হয়। ইয়াৰ ফলত কি কি হয় সমগ্ৰ পৰীক্ষা কৰা হৈছে। নিৰ্মাণস্থলৰ মাটিৰ সৈতে কাৰ্বন মিহলি হ’লে তাৰ স্থিতিস্থাপকতা বৃদ্ধি পায়। ইয়াৰফলত নিৰ্মাণ কাৰ্যত সুবিধা হয়। নিৰ্মাণো মজবুত হয়। ইয়াৰোপৰি বিজ্ঞানীৰ দলটোৱে চিমেণ্ট, মাটিৰ মিশ্ৰণ লৈয়ো গৱেষণা চলাইছে। এই গৱেষণাৰ অন্ততঃ বিজ্ঞানীৰ দলটোৱে জনাইছে যে চিমেণ্টত চুণ, মাটিৰ এই বিশেষ মিশ্ৰণ যোগ দিলে ৩০শতাংশ ধাৰণ ক্ষমতা বৃদ্ধি পায় চিমেণ্টৰ।

চিমেণ্টৰ সৈতে ছাই আৰু কিছু সামগ্ৰী মিহলাইয়ো পৰীক্ষা কৰা হৈছে। বিজ্ঞানীৰ দাবী এই মিশ্ৰণ ব্যৱহাৰ কৰিলে বালিৰ প্ৰয়োজনীয়তা ৩০ৰ পৰা ৫০শতাংশলৈ কমিব। ইতিমধ্যে নিৰ্মাণ সংস্থাৰ সৈতে আলোচনাও আৰম্ভ হৈছে বিজ্ঞানীৰ দলৰ। তেওঁলোকে উৎপাদন কৰা পণ্যই যাতে বজাৰ লাভ কৰে সেই বিষয়েও কথাবাৰ্তা আৰম্ভ হৈছে। চিমেণ্ট বা নিৰ্মাণকাৰ্যত ব্যৱহৃত বালি বা অন্যান্য সামগ্ৰীৰ মানদণ্ড পৰীক্ষা কৰাৰ বাবে এখন চৰকাৰী কমিটিও আছে। সেই কমিটিৰ সৈতেও ইতিমধ্যেই আলোচনা চলিছে। বালিৰ বিকল্প যদি অচিৰেই বজাৰলৈ নাহে তেন্তে আগন্তুক কেইটামান বছৰৰ ভিতৰতেই বিশ্বত নিৰ্মাণকাৰ্যৰ বাবে প্ৰয়োজনীয় বালিৰ অভাৱ ঘটিব। ৰাষ্ট্ৰসংঘৰ পৰিবেশ প্ৰকল্পই জনোৱা অনুসৰি বিগত দুটা দশকত বালিৰ চাহিদা পূৰ্বতকৈ তিনি গুণ বাঢ়িছে।

২০১৯ চনত পৃথিৱীত বালিৰ চাহিদা আছিল ৫হাজাৰ কোটি টন। নিৰ্মাণৰ ক্ষেত্ৰত এক টন চিমেণ্টৰ সৈতে তাৰ সাতৰ পৰা গুণ অধিক বালি মিহলোৱা হয়। তেতিয়াহে নিৰ্মাণকাৰ্য মজবুত হয়। ৰাষ্ট্ৰসংঘৰ বিশেষ পৰিবেশ পত্ৰিকাই জনোৱামতে ২০১২ চনলৈকে বালি দি যিসমূহ নিৰ্মাণ হৈছে সেয়া যোগ কৰিলে সমগ্ৰ পৃথিৱীৰ চাৰিওফালে বিষুৱৰেখাৰ সমানে ৮৮ ফুট ওখ প্ৰাচীৰ গঢ়ি তুলিব পৰাই গ’লহেতেন।

Tags:

Tags:

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *