গৰ্বিত সমগ্ৰ দেশ! জাপানক হৰুৱাই এছিয়ান গেমছত স্বৰ্ণ জয় ভাৰতীয় পুৰুষ হকী দলৰ

গৰ্বিত সমগ্ৰ দেশ! জাপানক হৰুৱাই এছিয়ান গেমছত স্বৰ্ণ জয় ভাৰতীয় পুৰুষ হকী দলৰ

Facebook
Twitter
LinkedIn
Facebook
Twitter
LinkedIn

NB NEWS- এছিয়ান গেমছত ভাৰতীয় পুৰুষ হকী দলৰ অভাৱনীয় সাফল্য। ফাইনেল মেচত জাপানৰ বিৰুদ্ধে নামিছিল ভাৰতীয় পুৰুষ হকীৰ দলটো। এই মেচত টিম ইণ্ডিয়াই ৫-১ ব্যৱধানত জয়লাভ কৰি দেশলৈ আঁজুৰি আনিলে সোণ। ভাৰতীয় দলটোত আছিল মনদীপ সিং, হৰমপ্ৰীত সিং আৰু অমিত ৰোহিদাস। ভাৰতীয় হকীদলৰ সাফল্যই সমগ্ৰ দেশকেই গৌৰৱাম্বিত কৰিছে বুলি বহুকেইগৰাকী ক্ৰীড়াপ্ৰেমীয়েই শ্বেয়াৰ কৰিছে বিশেষ পোষ্ট।

এছিয়ান গেমছত এতিয়ালৈকে ভাৰতীয় হকী দলটোৱে ১২ খনকৈ মেচ খেলিছে। ইয়াৰমাজত তিনিখন মেচহে জিকিবলৈ সক্ষম হৈছে ভাৰতীয় হকী দলে। ফলত এইবাৰ ফাইনেল মেচ আৰম্ভ হোৱাৰ পূৰ্বলৈকে কোনোৱেই বৰ বেছি আশা কৰা নাছিল। চৰ্চাও হোৱা নাছিল ভাৰতীয় হকী দলটোৰ। কাৰণ জাপানৰ দলটো যথেষ্ট শক্তিশালী। মেচৰ আৰম্ভনিতো ভাৰতক যথেষ্ট প্ৰত্যাহ্বান জনাইছিল জাপানৰ দলটোৱে। প্ৰথম কোৱাৰ্টাৰ ভাৰতীয় দলটোৱে এটাও গল দিবলৈ সক্ষম নোহোৱাৰ বাবে সকলোৱেই নিৰাশ হৈ পৰিছিল। হকীত এইবাৰো ভাৰতে পদক আনিব নোৱাৰিব। কিন্তু দ্বিতীয় কোৱাৰ্টাৰৰ পৰা আৰম্ভ হয় ভাৰতীয় দলৰ গল। ২৫ মিনিটত মনপ্ৰীতে দিয়া ৰিভাৰ্ছ হিট ৰখোৱাৰ ক্ষমতা হেৰুৱাই জাপানী গলৰক্ষকে। প্ৰথমে মেচ এম্পায়াৰে এই গলটোক লৈ সন্দেহ কৰিছিল। সেয়ে আকৌ এবাৰ এই শ্বট পৰীক্ষা কৰে। কোনো খুঁত ওলিয়াব নোৱাৰাত এই গল মানি লবলৈ বাধ্য হয় গলৰক্ষকেও।

মেচৰ তৃতীয় কোৱাৰ্টাৰ আৰম্ভণিতে দ্বিতীয়টো গল দিয়ে হৰমনপ্ৰীত সিঙে। জাপানৰ হকী খেলুৱৈ মাছাকিৰ ভৰিত বল লগাৰ বাবে পেনাল্টী কৰ্ণাৰ লাভ কৰে ভাৰতে। সেই সুযোগতেই হৰমপ্ৰীত সিঙে দিয়ে দ্বিতীয়টো গল। এছিয়ান গেমছৰ ইতিহাসত ভাৰতৰ হাতত আজিলৈকে বিজয় সাব্যস্ত কৰিব পৰা নাই জাপানৰ দলে। এইবাৰো ইতিহাসৰ পুনৰাবৃত্তি হৈয়েই ভাৰতীয় দলটোৰ হাতত পৰাস্ত হৈছে জাপানৰ দল। ভাৰতে চতুৰ্থ গল দিছিল ৪৮ মিনিটত। ৫৯ মিনিটত আকৌ এবাৰ পেনাল্টী কৰ্ণাৰ লাভ কৰে ভাৰতীয় হকী দলে। শেষৰতো গলো হৰমপ্ৰীত সিঙেই দিয়ে। এই মেচ জয়লাভেৰে ভাৰতীয় হকী দলে অলিম্পিকৰ বাবে সুযোগ লাভ কৰিছে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *