কোনো উপায়েৰেই কাহ কমা নাই? হাওঁফাওঁৰ কৰ্কটৰেই লক্ষণ নেকি? কেনেকৈ বুজিব, সবিশেষ…

কোনো উপায়েৰেই কাহ কমা নাই? হাওঁফাওঁৰ কৰ্কটৰেই লক্ষণ নেকি? কেনেকৈ বুজিব, সবিশেষ…

Facebook
Twitter
LinkedIn
Facebook
Twitter
LinkedIn

NB NEWS: দিনকদিনে বৃদ্ধি পাইছে কৰ্কট ৰোগীৰ সংখ্যা৷ কৰ্কট গুপ্তঘাতকৰ দৰে৷ আগতীয়াকৈ কৰ্কটৰ লক্ষণসমূহ প্ৰকাশ নহয়৷ পৰিসংখ্যা অনুযায়ী সৰহসংখ্যক কৰ্কট আক্ৰান্ত ৰোগীৰেই প্ৰাথমিক অৱস্থাত এই ৰোগ ধৰা নপৰে৷

হাৰ্ভাৰ্ড বিশ্ববিদ্যালয়ৰ গৱেষণা অনুসৰি, বেছিভাগ ক্ষেত্ৰত কাহ হৈছে হাওঁফাওঁৰ কৰ্কট ৰোগৰ এক মুখ্য লক্ষণ। আন কেইবাটাও অধ্যয়নে একেটা তথ্যই প্ৰমাণ কৰি দেখুৱাইছে। প্ৰায়৬৫ শতাংশ কৰ্কটৰোগীৰ ক্ষেত্ৰত, পোনতেই এই কাহৰ সমস্যাই দেখা দিয়ে৷ যদি হাওফাওৰ কৰ্কট বাঢ়ি থাকে তেন্তে কাহৰ সমস্যাও দিনকদিনে বাঢ়ি থাকে৷ বিশেষকৈ এই ঠাণ্ডাৰ দিনকেইটাত কাহৰ সমস্যা প্ৰায়সংখ্যক লোকৰেই হয়৷

কোনটো কাহ কিহৰ লক্ষণ?
শ্বাস-প্ৰশ্বাসৰ সমস্যাৰ প্ৰথম লক্ষণ হৈছে কাহ। হাওঁফাওঁৰ কৰ্কট ৰোগত, বহুবাৰ বায়ুপথ অৱৰুদ্ধ হয়, সেয়েহে কাহ হয়। আকৌ, হাওঁফাওঁৰ কৰ্কটত বুকুত পানী জমা হোৱা লক্ষণেও দেখা দিয়ে৷ ইয়াক প্লুৰাল ইফিউচন বুলি কোৱা হয়। কিন্তু এই সকলোবোৰৰ প্ৰাথমিক লক্ষণ হৈছে কাহ। বহুসময়ত শ্লেষ্মাচৰ চলাচল অৱৰুদ্ধ কৰে৷ ইয়াৰ ফলত কাহৰ সমস্যাই দেখা দিয়ে৷ কিন্তু সাধাৰণ কাহৰ সৈতে ইয়াৰ পাৰ্থক্য হৈছে যে সাধাৰণ কাহ কেইসপ্তাহমানতকৈ বেছি নাথাকে। যদি কাহ কেইসপ্তাহমানতকৈ বেছি সময় থাকে, প্ৰায় ২-৩ মাহ ধৰি থাকে তেন্তে চিকিৎসকৰ পৰামৰ্শ লোৱাৰ প্ৰয়োজন থাকে৷

বুকুৰ বিষ

বুকুৰ বিষ যদি ঘনাই হৈ থাকে, তেন্তে এই লক্ষণো হাওফাওৰ কৰ্কটৰেই লক্ষণ৷ বহুসময়ত শ্বাস-প্ৰশ্বাস লওতে বুকুত বিষ অনুভূত হয়৷ অলপ কাহিলেই ক্লান্ত হৈ পৰাও হাওফাওৰ কৰ্কটৰেই এটা লক্ষণ৷

অন্যান্য লক্ষণ
কৰ্কট আক্ৰান্ত হ’লে অন্যান্য বহুকেইটা লক্ষণে দেখা দিয়ে৷ বহু ৰোগীৰ হঠাতেই শৰীৰৰ ওজন কমি যায়৷ ভোক নলগা, ঠাণ্ডা লাগি থকা আদিও কৰ্কটৰেই লক্ষণ৷

উল্লেখ্য যে সাধাৰণ মানুহৰ ক্ষেত্ৰত কৰ্কটৰ লক্ষণ চিনি পোৱা সহজ নহয়৷ প্ৰয়োজন অনুসৰি যথাযথ পৰীক্ষা কৰাটো জৰুৰী৷ এনেদৰে কাহ হৈ থাকিলে তাৎক্ষণিকভাৱে চিকিৎসকৰ পৰামৰ্শ গ্ৰহণ কৰাটো জৰুৰী৷

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *