উৎকট গৰমে দহিব এইবাৰ, স্বাস্থ্যমন্ত্ৰীৰ সতৰ্কতা জাৰী, পাৰাস্তম্ভই লাহে লাহে আৰোহণ কৰিছে শিখৰ

উৎকট গৰমে দহিব এইবাৰ, স্বাস্থ্যমন্ত্ৰীৰ সতৰ্কতা জাৰী, পাৰাস্তম্ভই লাহে লাহে আৰোহণ কৰিছে শিখৰ

Facebook
Twitter
LinkedIn
Facebook
Twitter
LinkedIn

উৎকট গৰমে দহিব এইবাৰ, স্বাস্থ্যমন্ত্ৰীৰ সতৰ্কতা জাৰী, পাৰাস্তম্ভই লাহে লাহে আৰোহণ কৰিছে শিখৰ

এফালে বৰষুণ, যাৰ বাবে হয়তো এতিয়াও কিছু কিছু ঠাইত শীতৰ প্ৰভাৱ সামান্য হ’লেও আছে। পাছে তাৰ মাজতে বতৰ বিজ্ঞান কেন্দ্ৰৰ তৰফৰ পৰা জাৰি কৰিছে আন এক সতৰ্কতাহে। এইবাৰ উৎকট গৰমে দহিব সমগ্ৰ দেশবাসীক।

পূৰ্বৰ তুলনাত অত্যাধিক মাত্ৰাত বৃদ্ধি পাব গৰমৰ প্ৰকোপ। সদৰি কৰা অনুসৰি এপ্ৰিলৰ মাজ ভাগৰ পৰাই বৃদ্ধি পাব গৰমৰ প্ৰভাৱ। যাৰ বাবে কেন্দ্ৰীয় স্বাস্থ্য মন্ত্ৰালয়ৰ পৰা দেশবাসীক এতিয়াৰে পৰা সতৰ্ক হোৱাৰ বাবে আহ্বান জনাইছে।

ইফালে আকৌ এপ্ৰিলৰ মাজ ভাগৰ পৰা নিৰ্বাচন হোৱা হেতুকে সকলো ৰাজনৈতিক কৰ্মীকো নিৰ্বাচনৰ প্ৰচাৰৰ ক্ষেত্ৰত কিছু সাৱধান হ’বৰ বাবে আহ্বান জনাইছে। কেৱল গৰমেই নহয়, এই গৰমৰ প্ৰভাৱত ডিহাইড্ৰেছন অথবা অন্য স্বাস্থ্য সম্পৰ্কীয় ৰোগত আক্ৰান্ত হোৱাৰো আশংকা আছে বুলি প্ৰকাশ।

ইতিমধ্যে বতৰ বিজ্ঞান কেন্দ্ৰৰ সৈতে আলোচনা কৰিছে কেন্দ্ৰীয় স্বাস্থ্যমন্ত্ৰী মনছুখ মাণ্ডৱিয়াই। আলোচনা অনুসৰি, দেশৰ কোন কোন প্ৰান্তত অধিক গৰম পৰে সেয়া চাব, তাৰ পাছত সেই অঞ্চল সমূহলৈ কেন্দ্ৰৰ ফালৰ পৰা বিশেষজ্ঞৰ দল প্ৰেৰণ কৰিব সহায়ৰ বাবে।

কেন্দ্ৰৰ স্বাস্থ্য মন্ত্ৰালয়ে প্ৰত্যেক ৰাজ্য চৰকাৰকো এই সন্দৰ্ভত পূৰ্বেই সতৰ্কতা জাৰি কৰি ইয়াৰ পৰা সামান্য হ’লেও পৰিত্ৰাণ পাবৰ বাবে প্ৰস্তুতি আৰম্ভ কৰিবলৈ আহ্বান জনাইছে। যাতে জনসাধাৰণক কিছু পৰিমানে হ’লেও ৰক্ষা কৰিব পৰা যায়। ৰাজ্য সমূহত আৱশ্যক অনুযায়ী যাৱতীয় সকলো ঔষধ আদিৰ যোগাৰ কৰি থোৱাৰ বাবেও আহ্বান কেন্দ্ৰীয় স্বাস্থ্য মন্ত্ৰালয়ৰ।

ৰাজনৈতিক কৰ্মী সকললৈয়ো আহ্বান সতৰ্ক হৈ থকাৰ বাবে। নিয়মিত ৰূপত পানীৰ সেৱন কৰাৰ লগতে চৰৱত আদিয়ো গ্ৰহন কৰি থাকিবলৈ আহ্বান যাতে ডিহাইড্ৰেছনত নোভোগে লগতে হিট-ষ্ট্ৰোকৰ পৰাও ৰক্ষা পায়।

উল্লেখ্য যে, ভয়ংকৰ জলবায়ু পৰিৱৰ্তনৰ ফলতেই এনে পৰিস্থিতি আহি পৰিছে আজিৰ দিনত। এফালে শীতৰ প্ৰকোপ বৃদ্ধি আনফালে গৰমৰো প্ৰকোপ বৃদ্ধে পাইছে। কেৱল এই বৰ্ষতেই নহয় আগামী বৰ্ষ বোৰতো এইদৰে দিনে দিনে গৰমৰ প্ৰকোপ বৃদ্ধি পাব বুলি শংকা ব্যক্ত বতৰ বিজ্ঞান কেন্দ্ৰৰ ।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *