জীৱন্তে অগ্নিদ্বগ্ধ হৈ নিহত ৭, বালাজী মন্দিৰ দৰ্শন কৰি উভতি আহোতেই এই দুৰ্ঘটনা

জীৱন্তে অগ্নিদ্বগ্ধ হৈ নিহত ৭, বালাজী মন্দিৰ দৰ্শন কৰি উভতি আহোতেই এই দুৰ্ঘটনা

Facebook
Twitter
LinkedIn
Facebook
Twitter
LinkedIn

জীৱন্তে অগ্নিদ্বগ্ধ হৈ নিহত ৭, বালাজী মন্দিৰ দৰ্শন কৰি উভতি আহোতেই এই দুৰ্ঘটনা

আজি পহিলা বহাগৰ দিনটোতে সংঘটিত হৈছে এক অতিকে ভয়ংকৰ তথা শোকাৱহ ঘটনা। মন্দিৰ দৰ্শন কৰি উভতি আহোতেই ভয়ংকৰ দুৰ্ঘটনা সংঘটিত হৈ প্ৰাণ হেৰুৱালে এটা পৰিয়ালৰে ৭ জন লোকে।

এখন ট্ৰাকত প্ৰচণ্ড জোৰে খুন্দা মৰাৰ ফলতে সংঘটিত হয় এই দুৰ্ঘটনাটো। আজি বিয়লি ২.৩০ মান বজাত সংঘটিত হোৱা এই দুৰ্ঘটনাটোত অগ্নিদ্বগ্ধ হৈ প্ৰাণ হেৰুৱাই চাৰিচকীয়া বাহন খনত থকা কেউটি সদস্য।

ৰাজস্থানৰ ছিকাৰত সংঘটিত হৈছে এক ভয়ংকৰ পথ দুৰ্ঘটনা। এখন ট্ৰাক আৰু গাড়ীৰ সংঘৰ্ষৰ ফলত দুয়োখন বাহনতে জুই লাগি যায়। যাৰ বাবেই ৭ জন লোকৰ কৰুণ মৃত্যু হয়।

জানিব পৰা মতে মৃত্যু হোৱাসকলৰ ভিতৰত আছে ৩ গৰাকী মহিলা, ২ গৰাকী পুৰুষ আৰু ২ টি শিশু।  দুৰ্ঘটনাটোৰ ফলত দুয়োখন বাহন অগ্নিকাণ্ডত বেয়াকৈ ক্ষতিগ্ৰস্ত হোৱাৰ লগতে জ্বলি ছাই হৈ পৰে।

ঘটনা সন্দৰ্ভত আৰক্ষীয়ে জনোৱা মতে, গাড়ীখনত থকা সাতজন লোকে ছালাছাৰ বালাজী মন্দিৰ দৰ্শন কৰি উভতি আহি থাকোতেই ফাতেহপুৰ কোতৱালি থানা এলেকাৰ আৰ্শ্বিৱাদ পুলিয়াৰ সমীপত  পিছফালৰ পৰা ট্ৰাকখনত প্ৰচণ্ড জোৰে খুন্দা মাৰে, তাৰ পিছতে গাড়ীখনত জুই লাগি যায়।

গাড়ীখনত যাত্ৰা কৰা লোকসকল আছিল উত্তৰ প্ৰদেশৰ মেৰুটৰ বাসিন্দা। অগ্নিকাণ্ডৰ বাবে গাড়ীৰ দুৱাৰ খুলিব নোৱাৰাৰ ফলতে গাড়ীখনত থকা তিনিগৰাকী মহিলা, দুটি শিশু আৰু দুজন পুৰুষ অগ্নিদ্বগ্ধ হৈ মৃত্যুমুখত পৰে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *