অহল্যা, দ্ৰৌপদী, সীতা, তৰা, মন্দোদৰী আটাইকেইগৰাকীৰেই চৰিত্ৰত দাগ! তাৰপিছতো কিয় পুৰাণমতে সতী এই ৫ নাৰী?

অহল্যা, দ্ৰৌপদী, সীতা, তৰা, মন্দোদৰী আটাইকেইগৰাকীৰেই চৰিত্ৰত দাগ! তাৰপিছতো কিয় পুৰাণমতে সতী এই ৫ নাৰী?

Facebook
Twitter
LinkedIn
Facebook
Twitter
LinkedIn

NB NEWS- ভাৰতীয় পুৰাণত পাঁচগৰাকী সতীক কথা উল্লেখ আছে। শাস্ত্ৰত উল্লেখ থকামতে এই ৫গৰাকীৰ সমান পবিত্ৰ নাৰী আৰু পৃথিৱীত কোনো নাই। এই ৫ নাৰী হৈছে অহল্যা, দ্ৰৌপদী, সীতা, তাৰা আৰু মন্দোদৰী। এইসকলৰ ভিতৰত আছে আন এগৰাকী নাৰীও তেওঁ সৈতে কুন্তী।

উল্লেখ্য যে এই ৫নাৰীৰ বিৰুদ্ধে প্ৰথাগত ধাৰণাত চৰিত্ৰত কলংকৰো দাগ আছে। কিন্তু এই কলংক মুছি নিজৰ গৰিমাৰে উজ্জ্বল, পবিত্ৰতাৰে মহিমামন্বিক এই ৫ নাৰী। জানি থওক এই ৫নাৰীৰ অজানা কেইটামান তথ্য।

অহল্যা
প্ৰজাপতি ব্ৰহ্মাৰ কন্যা আছিল অহল্যা। তেওঁৰ সৈতে ঋষি গৌতমৰ বিবাহ হৈছিল। অসামান্য ৰূপহী অহল্যাৰ সৌন্দৰ্যৰ খ্যাতি সেই সময়ত সৰ্বত্ৰতে বিয়পিও পৰিছিল। আনকি দেৱৰাজ ইন্দ্ৰইয়ো অহল্যাৰ ৰূপত মুগ্ধ হৈ পৰিছিল। এদিন গৌতমৰ অনুপস্থিতিত ঋষিৰ ৰূপ ধৰি অহল্যাৰ সৈতে মিলিত হয় ইন্দ্ৰ। ৰামায়ণত উল্লেখ থকা অনুসৰি ইন্দ্ৰক চিনিব পাৰিও অহল্যাই নিজৰ নাৰীমনৰ কৌতুহলৰ কাৰণে ইন্দ্ৰক উভতাই পঠিওৱা নাছিল। ঋষি গৌতনে সকলো জানিব পাৰি অহল্যাক অভিশাপ দি শিললৈ ৰূপান্তৰ কৰি দিয়ে। এনেকৈ শিল হৈ ১২ বছৰ কটোৱাৰ পাছত শ্ৰীৰামৰ আশীৰ্বাদতেই আকৌ মানুহৰ ৰূপ পায় অহল্যাই।

দ্ৰৌপদী
মহাভাৰতৰ অন্যতম প্ৰধান চৰিত্ৰ হৈছে দ্ৰৌপদী। তেওঁ পাঞ্চাল ৰজা দ্ৰুপদৰ কন্যা আছিল। যজ্ঞৰ জুইৰ পৰা তেওঁৰ জন্ম বাবেই তেওঁৰ আন এক নাম যাজ্ঞসেনী। স্বয়ম্বৰ সভাত তৃতীয় পাণ্ডৱ অৰ্জুনক তেওঁ বৰমালা পিন্ধাই স্বামীবৰণ কৰিলেও কুন্তীৰ নিৰ্দেশত তেওঁ পঞ্চপাণ্ডৱকেই বিয়া কৰাব লগা হৈছিল। দ্ৰৌপদীৰ জ্ঞান, বুদ্ধি, সাহস আৰু নাৰীত্বৰ সন্মানবোধৰ পৰিচয় বহুবাৰ মহাভাৰতৰ কাহিনীত ফুটি উঠিছে।

সীতা
ৰাম-সীতাৰ অমৰ কাহিৱী আমাৰ দেশৰ সংস্কৃতিৰ সৈতে জড়িত। সীতাক অপহৰণ কৰি লংকালৈ লৈ গৈছিল দশানন ৰাৱণে। সমুদ্ৰ পাৰ লৈ লংকা গৈ ৰাৱণক বধ কৰি পত্নী সীতাক ওভতাই আনে ৰামে। কিন্তু ৰাৱণে এবাৰ যাক স্পৰ্শ কৰিছে সেই নাৰী অসতী বুলি অভিযোগ তোলে অযোধ্যাবাসীয়ে। প্ৰজাৰ অভিযোগ দূৰ কৰিবলৈকে ৰামে সীতাক বনবাসলৈ পঠিয়াই। কিন্তু পাছলৈ একেই অভিযোগ বাৰে বাৰে শুনি আত্মগ্লানিত পাতালত প্ৰৱেশ কৰে সীতাই।

তৰা

তৰা আছিল বানৰজাৰ বালীৰ পত্নী। সুগ্ৰীৱৰ সৈতে যুদ্ধত বালি নিহত হোৱাত তেওঁ সুগ্ৰীৱক বিয়া কৰাই। তেওঁ অত্যন্ত বিদূষী এগৰাকী মহিলা আছিল। ৰামায়ণৰ নানান খণ্ডত তেওঁৰ জ্ঞান বুদ্ধিৰ পৰিচয় পোৱা যায়।

মন্দোদৰী
মন্দোদৰী আছিল ৰাৱণৰ পত্নী। সীতাক অপহৰণ কৰাৰ পাছতেই বাৰে বাৰে তেওঁ স্বামীক সঠিক পথলৈ উভতি আহিবলৈ আহ্বান জনাইছিল। ৰাৱণৰ মৃত্যুৰ পাছত বিভীষণৰ সৈতে তেওঁ বিয়া কৰাই। ইয়াৰ পূৰ্বে মন্দোদৰী আছিল মধুৰা নামৰ এগৰাকী অপ্সৰা। পাৰ্বতীৰ অভিশাপত তেওঁ কুঁৱাৰ ভেকুলী হৈয়ো বহুবছৰত কটাইছিল।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *