হিন্দুৱে দান দিলে প্ৰতিদান নলয়, মই আহিছো যেতিয়া অশোক গেহলট চৰকাৰে এইবাৰ ৰিটায়াৰমেণ্ট ল’বইঃ মুখ্যমন্ত্ৰী হিমন্ত বিশ্ব শৰ্মা

হিন্দুৱে দান দিলে প্ৰতিদান নলয়, মই আহিছো যেতিয়া অশোক গেহলট চৰকাৰে এইবাৰ ৰিটায়াৰমেণ্ট ল’বইঃ মুখ্যমন্ত্ৰী হিমন্ত বিশ্ব শৰ্মা

Facebook
Twitter
LinkedIn
Facebook
Twitter
LinkedIn

NB NEWS-‘মই টোপনিৰ পৰা উঠিয়ে অসমত ৰাজস্থানৰ মানুহে দেখো। ঘৰৰ পৰা ওলালেই মই ৰাজস্থানৰ মানুহে ল’গ পাওঁ। আপোনালোকৰ লাখ লাখ মানুহৰ সৈতে মোৰ নিবিড় সম্পৰ্ক।’

জোধপুৰত উপস্থিত হৈ মুখ্যমন্ত্ৰী হিমন্ত বিশ্ব শৰ্মাৰ উদাত্ত ভাষণ৷ অসমৰ সৈতে ৰাজস্থানৰ সম্পৰ্ক ১০০ বছৰতকৈয়ো বেছি পুৰণি বুলি কৈ ভাষণ আৰম্ভ কৰে মুখ্যমন্ত্ৰীয়ে৷ তাৰপিছতেই ৰাজস্থান কংগ্ৰেছৰ এটাৰ পাছত আনটো বিফলতা উদঙাই দিছে মুখ্যমন্ত্ৰী হিমন্ত বিশ্ব শৰ্মাই৷ মুখ্যমন্ত্ৰী হিমন্ত বিশ্ব শৰ্মাই কয়, ‘ৰাজস্থানৰ দৰে বৃহৎ প্ৰদেশৰ পৰা শিক্ষাগ্ৰহণ কৰিবলৈকে আহিছিলো। ৰাজস্থানত কি কি উন্নয়ণমূলক কাম হৈছে চাব বিচাৰি আছো। ক’তো একো উন্নয়ন নেদেখি মই বৰ নিৰাশ হৈছো। অসমৰ দৰে সৰু প্ৰদেশতেই ৰাজস্থানতকৈ বহু উন্নয়নমূলক কাম হৈছে৷’

ৰাজস্থানত উপস্থিত হৈ অসমক লৈহে গৰ্বত বুকু ওফন্দি উঠিছে হিমন্ত বিশ্ব শৰ্মাৰ৷ ইয়াৰ আঁৰত বহুকেইটা কাৰণো আছে৷ ৰাজস্থানত পেট্ৰল প্ৰতি লিটাৰত ১০৮.৪৫ টকা। ‘গুৱাহাটীত এবাৰ খবৰ লৈ চাওক। আমি গুৱাহাটীত ৯৮.৫৮ টকাত পেট্ৰল দি আছো। ৰাজস্থানত পেট্ৰলৰ দাম অসমতকৈ ১০ টকা বেছি। ৰাজস্থান চৰকাৰে এহাতেৰে দি এহাতেৰে উভতাই লৈছে। হিন্দুৱে দান দিলে প্ৰতিদান নলয়। আমাৰ পৰা গেহলট জীয়ে এই কথা শিকক।’

অসমত নিৰ্বাচনৰ পূৰ্বে দিয়া প্ৰতিটো প্ৰতিশ্ৰুতিয়েই পূৰণ কৰা বুলিও মন্তব্য কৰিছে মুখ্যমন্ত্ৰী শৰ্মাই। অসমত সকলো মহিলাৰ ঋণ মাফ কৰি দিয়া হৈছে। প্ৰতিশ্ৰুতি দিয়ামতে ১ লাখ লোকক চৰকাৰী চাকৰি দিয়া হৈছে। তৃতীয় প্ৰতিশ্ৰুতি আছিল সকলো মহিলাৰ একাউণ্টত ১২০০ টকাকৈ দিয়া। সেই ধনো অৰুণোদয় আঁচনিৰ জড়িয়তে অসমৰ মহিলাই পায় আছে। কিন্তু, ‘গেহলটে কৃষক, শ্ৰমিক, মহিলাক প্ৰতাৰণা কৰিছে। মিছা প্ৰতিশ্ৰুতি দি নিজলৈকে পাপ গোটাইছে। হিন্দুৰ ওপৰততো আক্ৰমণ চলাইয়ে আছে। ইয়াত কংগ্ৰেছে বাবৰৰাজ চলাব খুজিছে।’

কংগ্ৰেছে কিয় বা বাবৰক ইমান ভালপায় নাজানো বুলি কৈ মুখ্যমন্ত্ৰীয়ে কয়, ‘আমাৰ ৰাজ্যত এনেকুৱা কৰিলে এক মিনিটত এক্সন লম। হিন্দু ধৰ্মক আক্ৰমণ কৰিলে ৰাজস্থানৰ মুখ্যমন্ত্ৰী মনে মনে থাকে। হিন্দু হৈয়ো আপুনি হিন্দুৰ হৈ মাত মাতিবলৈ সাহস নাই। মই আহিছো যেতিয়া অশোক গেহলট চৰকাৰে এইবাৰ ৰিটায়াৰমেণ্ট ল’বই।’ ৰাজস্থানৰ পৰা এইবাৰ বাবৰৰ পাৰ্টীক বিদায় দিম বুলিও জয়পুৰৰ জনসভাৰ পৰা হুংকাৰ দিছে মুখ্যমন্ত্ৰী হিমন্ত বিশ্ব শৰ্মাই।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *