আপুনি অলাগতীয়াল বুলি পেলাই দিয়া অমিতাৰ বীজৰ মূল্য জানেনে? আছে অনেক ঔষধি গুণ

আপুনি অলাগতীয়াল বুলি পেলাই দিয়া অমিতাৰ বীজৰ মূল্য জানেনে? আছে অনেক ঔষধি গুণ

অমিতাৰ বীজ
অমিতাৰ বীজ
Facebook
Twitter
LinkedIn
Facebook
Twitter
LinkedIn

ফল-মূলৰ গুণাগুণ সকলোৰে জ্ঞাত। শৰীৰক প্ৰয়োজনীয় বহু উপাদান লাভ কৰা যায় ফল-মূলৰ পৰা। অমিতা বহু লোকৰে প্ৰিয়। পাচন তন্ত্ৰ সুস্থ ৰাখিবলৈ অমিতা খাবলৈ পৰামৰ্শ দিয়া হয়। অমিতাৰ আছে বহু ঔষধি গুণ। অমিতাৰ গুণাগুণ হয়তো আপোনালোকৰ জ্ঞাত। অমিতাৰ সমানেই ইয়াৰ বীজৰো আছে অনেক গুণ। অমিতা খাওতে হয়তো আপুনি ইয়াৰ বীজসমূহ পেলাই দিয়ে। কিন্তু অলাগতীয়াল বুলি পেলাই দিয়া অমিতাৰ বীজৰ মূল্য জানেনে?

বজাৰৰ সমান্তৰালভাবে অনলাইন এপসমূহতো উপলব্ধ অমিতাৰ বীজ। প্ৰতিকিলো অমিতাৰ শুকান বীজৰ মূল্য ১৫০০ ৰ পৰা ২০০০ টকা পৰ্যন্ত। কোনো কোনো বিশেষ প্ৰজাতিৰ অমিতাৰ বীজৰ মূল্য ইয়াতকৈও অধিক হোৱা দেখা যায়। শৰীৰৰ বিভিন্ন ৰোগ প্ৰতিৰোধৰ বাবে উত্তম এই অমিতাৰ বীজ। অমিতাৰ বীজত চৰ্বী, প্ৰটিন, ভিটামিন, জিংক, ফছফৰাছ, কেলচিয়ামৰ দৰে অনেক পোষক তত্ব পোৱা যায়।

অমিতাৰ বীজত পপাইন নামৰ এক এনজাইম পোৱা যায় যিয়ে পেটৰ বিভিন্ন সমস্যাৰ পৰা উপষম দিয়ে। গেছজনিত সমস্যা তথা আলচাৰ আদি বিভিন্ন সমস্যাৰ বাবে অমিতাৰ বীজ উপকাৰী। ভিটামিন চি যুক্ত এই বীজৰদ্বাৰা ইমিউন ব্যৱস্থা শক্তিশালী হয়। কেন্সাৰ প্ৰতিৰোধৰ বাবে এক মহৌষধ এই বীজ। অমিতাৰ বীজত থকা আইচ’থিয়’চাইনেট নামৰ যৌগই কেন্সাৰৰ কোশ বৃদ্ধি ৰোধ কৰে।

এণ্টি অক্সিডেণ্ট আৰু ভিটামিনেৰে ভৰপূৰ অমিতাৰ বীজে ছাল সম্বন্ধীয় সমস্যা দূৰ কৰে। চুলিৰ বৃদ্ধিৰ বাবেও উপকাৰী এই বীজ। ছাল আৰু চুলিৰ পৰিচৰ্যাৰ বাবে অমিতাৰ বীজৰ তেল ব্যৱহাৰ কৰিব পৰা যায়। অমিতাৰ বীজ কিডনীৰ বাবেও উপকাৰী। এণ্টি অক্সিডেণ্টৰ লগতে অমিতাৰ বীজত ফ্লেৱ’নইড উপলব্ধ হয় যিয়ে শৰীৰক অক্সিডেটিভ ষ্ট্ৰেছৰ পৰা ৰক্ষা কৰে। ইয়াৰদ্বাৰা ডায়েবেটিছ নিয়ন্ত্ৰণত থাকে আৰু চকুৰ সমস্যাও লাঘৱ হয়।

বিভিন্ন পদ্ধতিৰে অমিতাৰ বীজ সেৱন কৰিব পৰা যায়। এই বীজসমূহ শুকাই গুড়ি কৰি জুচ বা গাখীৰৰ লগত মিহলাই খাব পাৰে। অথবা ৰাতিপুৱা এগিলাচ পানীত মিহলাইও এই বীজ সেৱন কৰিব পৰা যায়।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *