ওপজা দিনত চৰ্চাঃ ৫০০ টকাৰেই আৰম্ভ হৈছিল আকাশ চোৱাৰ সপোন, ‘কমেডি কিং’ কপিলৰ জীৱনযুদ্ধ জানেনে?

ওপজা দিনত চৰ্চাঃ ৫০০ টকাৰেই আৰম্ভ হৈছিল আকাশ চোৱাৰ সপোন, ‘কমেডি কিং’ কপিলৰ জীৱনযুদ্ধ জানেনে?

Facebook
Twitter
LinkedIn
Facebook
Twitter
LinkedIn

NB NEWS- টেলিভিছনৰ জনপ্ৰিয় কমেডিয়ান কপিল শৰ্মা৷ বৰ্তমান কপিল এক কমেডি ব্ৰেণ্ড৷ অভিনেতা হিচাপেও তেওঁ নিজৰ প্ৰতিভাৰ পৰিচয় দিছে৷ তেওঁ মুখ মেলিলেই হাঁহিৰ খোৰাক পায় দৰ্শকে৷ কপিলৰ কথাই বহুতৰ বাবে এতিয়া অৱসাদ দূৰ কৰাৰ পাৰফেক্ট টনিক৷ কঠোৰ শ্ৰম আৰু প্ৰতিভাৰ জোৰতেই তেওঁ আজিৰ এই স্থানত উপনীত হৈছে৷

 

আজিৰ এই সফল কমেডি কিং কপিলৰ সাফল্যৰ নেপথ্যত আছে কঠিন এখন যুঁজ৷ মাত্ৰ ১৪ বছৰ বয়সতে টেলিফোন বুথত কাম কৰি ৫০০টকা লৈ ঘৰলৈ উভতিছিল কপিল৷ আজি সেই কপিলৰ প্ৰতি ঘণ্টাৰ উপাৰ্জন আপুনি গণি শেষ কৰিব নোৱাৰিব৷ ২ এপ্ৰিলত শৰ্মাৰ জন্মদিনত শুভেচ্ছা জনাইছে অগণন ভক্তই৷ তেওঁৰ ওপজা দিনত অগণন অনুৰাগীয়ে তেওঁক শুভেচ্ছা জনোৱাৰ প্ৰধান কাৰণেই হৈছে তেওঁৰ উত্থানৰ কাহিনীয়ে বহুজনক দিয়ে অনুপ্ৰেৰণা৷

 

শেহতীয়াতৈ কপিল প্ৰৱেশ কৰিছে অটিটি প্লেটফৰ্মত৷ ডিজিটেল প্লেটফৰ্মত আৰম্ভ হৈছে কপিলৰ দ্যা গ্ৰেট কপিল শ্ব’৷ সাত বছৰৰ পাছত দৰ্শকে আকৌ একেলগে দেখা পাব দুই কমেডিয়ান কপিল আৰু সুনীল গ্ৰভাৰক৷ সকলোৰে মুখত হাঁহি বিৰিঙোৱা কপিলৰ জীৱন কিন্তু মুঠেও মসৃণ নাছিল৷ সাধাৰণ মধ্যবিত্ত পৰিয়ালৰ সন্তানৰ দৰেই ককায়েকৰ টি ছাৰ্ট, ককায়েকৰ বহী কিতাপ ভগাই পাৰ হৈছিল শৈশৱ৷ ভাড়া ঘৰত পাৰ হৈছিল জীৱনৰ এছোৱা কাল৷ ভাড়াঘৰত থাকোতেও কপিলৰ সপোন আছিল আকাশ ছোৱাৰ৷ সেই স্বপ্নৰ উড়ানেই আজি বিশ্ববাসীয়ে দেখিছে৷ অতি সাধাৰণ জীৱনত ব্লকব্লাষ্টাৰ ফিল্ম কৰি তুলিছে কপিলে৷ এই সফলতাৰ আঁৰত আছে তেওঁৰ নিজা দক্ষতা৷ আৰম্ভণি যেনেকুৱাই নহওক কিয়, এতিয়া কিন্তু জীৱনেই গ্ৰেণ্ড কপিলৰ৷

 

টেলিকম অফিচত সামান্য ৫০০টকীয়া চাকৰি কৰি জীৱন যুদ্ধত নমা কপিলৰ ছাকচেছৰ ষ্টৰীয়ে বহুজনক বিস্মিতও কৰে৷ দশম শ্ৰেণীত পঢ়াৰ সময়তেই তেওঁ এটা PCO Booth ত কাম কৰিছিল৷ নিজেই এক সাক্ষাৎকাৰত সেই কথা জনাইছে কপিলে৷ অতীত ৰোমন্থন কৰি কপিলে কয়,‘মই বহু সৰু সৰু কাম কৰিছো৷ দশম শ্ৰেণীৰ পৰীক্ষা দিয়াৰ পাছতেই কাপোৰৰ ফেক্টৰীতো কাম কৰিছো৷ তাত গৰম ইমানেই আছিল যে বহু শ্ৰমিকে কাম এৰি দিছিল৷ কিন্তু মই উপায়হীন হৈ তাত কাম কৰি আছিলো৷’

 

কপিলৰ কণ্ঠ সুমধুৰ আছিল সেয়ে পিতৃয়ে তেওঁ গায়ক হোৱাটো বিচাৰিছিল৷ পিতৃৰ সেই সপোন পূৰণ কৰিবলৈকে তেওঁ গায়কো হ’ব বিচাৰিছিল৷ গায়ক হোৱাৰ সপোন বুকুত বান্ধিয়েই তেওঁ পঞ্জাৱৰ পৰা মুম্বাইলৈ আহে৷ মুম্বাইত আহি আৰম্ভ হয় কপিলৰ ভাগ্যপৰীক্ষা৷ ১৯৯৭ চন, হঠাৎ কপিলৰ জীৱনলৈ নামি আহিল কাল অমানিশা৷ পিতৃয়ে গম পালে যে তেঁওৰ পিতৃ কৰ্কটত আক্ৰান্ত৷ পিতৃৰ ৰোগৰ চিকিৎসা আৰম্ভ হ’ল, ফলত কপিলক ঘৰৰ পৰাও যাৱতীয় খৰচ যোগান ধৰিব নোৱাৰা হ’ল৷ পৰিয়ালটো অভাৱত পৰে৷ সপোন তাতেই এৰি কপিলৰ আৰম্ভ হয় দুবেলা দুমুঠি পৰিয়ালৰ লোকৰ মুখত তুলি দিয়াৰ সংগ্ৰাম৷ স্থানীয় এক বস্ত্ৰ কাৰখানাত কাম আৰম্ভ কৰে কপিলে৷ কামৰ মাজতেই কপিলৰ কথাবোৰে তেওঁৰ সহকৰ্মীক হাঁহিৰ খোৰাক দিয়ে৷ এনেকৈয়ে লাহে লাহে হাঁহিৰ খোৰাকৰ বাবেই কপিল পৰিচিত হ’ব ধৰিলে৷ তেতিয়াও কপিলে কল্পনা কৰা নাছিল এদিন যে তেওঁ কমেডিয়ান হিচাপে বিখ্যাত হৈ উঠিব৷

 

সকলোৱে তেওঁৰ কথাত হাঁহিৰ খোৰাক পোৱাত কপিলেও ভাৱিলে যে নতুনতৈ আৰম্ভ হোৱা বিশেষ শ্ব লাফটাৰ চেলেঞ্জত তেওঁ অংশ ল’ব৷ ভৱামতেই আগবাঢ়িল কপিল৷ প্রথমবাৰ অডিশ্ব্যনত তেওঁ বিফল হয়৷ তাৰপিছত ২০০৭ চনত কপিল সেই শ্বৰ বিজেতা হয়৷ এই শ্ব’য়েই সলাই দিলে কপিলৰ ভাগ্যৰ চকৰি৷ কপিল এতিয়া ৪৭ বছৰীয়া এগৰাকী প্ৰাপ্তবয়স্ক৷ এই ৪৭ বছৰীয়া জীৱনকালত সাধাৰণ মধ্যবিত্ত পৰিয়ালৰ লৰাজন প্ৰায় ৩০০ কোটিতকৈ অধিক সম্পত্তিৰ মালিক৷

 

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *