পাৰ্কিঙৰ বাবেই ভয়ংকৰ বিবাদ, চুবুৰীয়াই বাহনেৰে খুন্দিয়াই কাঢ়িলে প্ৰাণ

পাৰ্কিঙৰ বাবেই ভয়ংকৰ বিবাদ, চুবুৰীয়াই বাহনেৰে খুন্দিয়াই কাঢ়িলে প্ৰাণ

Facebook
Twitter
LinkedIn
Facebook
Twitter
LinkedIn

পাৰ্কিঙৰ বাবেই ভয়ংকৰ বিবাদ, চুবুৰীয়াই বাহনেৰে খুন্দিয়াই কাঢ়িলে প্ৰাণ

১২ মে’ৰ নিশাৰ ঘটনা, ঘৰৰ সমুখত বাহন ৰখাই সামগ্ৰী নমাই আছিল এজন ২৮ বৰ্ষীয় যুৱকে। যি ঘটনাক লৈয়ে ঘৰৰ মালিকৰ খং উঠে। পাছত সেই ঘটনাত দুজন লোকক মাৰপিট কৰি দুয়োৰে গাৰ ওপৰেৰ বাহন উঠাই দিয়ে, যাৰ ফলত এজন ঠাইত নিহত হোৱাৰ লগতে আন এজনৰ অৱস্থা সংকটজনক।

এই ঘটনা গুৰুগ্ৰামৰ। ঘটনা সন্দৰ্ভত জানিব পৰা অনুসৰি এটা পেয়িং গেষ্টৰ লগুৱাই ঘৰৰ পৰা কামলৈ বুলি উভতি আহিছিল। ঘটনাৰ দিনা পেয়িং গেষ্টটোৰ কাষতে থকা আন এটা ঘৰৰ সমুখত ভাড়া কৰি অনা বাহন ৰখাই নিজৰ সামগ্ৰী নমাই আছিল। যি কাৰ্যতে খং উঠে ঘৰটোৰ মালিক মনোজ ভৰদ্বাজৰ।

ঘৰৰ মালিক মনোজ ভৰদ্বাজৰ বিলাসী বাহনৰ সমুখত তেনেদৰে এখন ভাড়া বাহন ৰখোৱাক লৈ কাজিয়া আৰম্ভ কৰে। পাছলৈ কাজিয়া বাঢ়ি যোৱাত পেয়িং গেষ্টটোৰ মালিক দুই ভাতৃ ঋষভ আৰু ৰঞ্জক বাহিৰলৈ ওলাই আহি তেঁওলোকৰ লগুৱাৰ হৈ মাত দিয়ে।

কিন্তু পৰিস্থিতি শান্ত হোৱাৰ সলনি আৰু অধিক বেয়াৰ ফালে ঢাল খাই। মনোজ ভৰদ্বাজে ঋষভ আৰু ৰঞ্জককো গালি-গালাজ কৰি কাজিয়া আৰম্ভ কৰে। অভিযোগ অনুসৰি মনোজৰ আন সহযোগী দুজনমানো ওলাই আহি মাৰপিট কৰিবলৈ ধৰে।

ইমানতো শান্ত নহৈ শেষত দুয়ো ভাতৃৰ ওপৰেৰে গাড়ীন চলাই দিলে। যাৰ ফলত সৰু ভাতৃ ঋষভৰ ঘটনাস্থলীতে মৃত্যু হোৱাৰ বিপৰীতে জ্যেষ্ঠ ভাতৃ ৰঞ্জকৰ অৱস্থা সংকটজনক হৈ পৰে।

বৰ্তমানে হাস্পতালত সংকটজনক অৱস্থাত আই চি ইউত ভৰ্তি হৈ আছে ৰঞ্জক। আনহাতে আৰক্ষীৰ ওচৰতো গোচৰ ৰুজু কৰা হৈছে। কিন্তু আৰক্ষীয়ে তদন্ত কৰাৰ পূৰ্বেই পলাই সাৰে অভিযুক্ত। আৰক্ষীয়ে বৰ্তমানে অভিযুক্তৰ সন্ধান চলাই আছে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *