এই শিক্ষা বিষতকৈ কম নহয়, ধ্বংস কৰি দিয়ে জীৱন! গীতাত কোনকেইটা বিষয়ক লৈ সাৱধানবাণী দিছে শ্ৰীকৃষ্ণই

এই শিক্ষা বিষতকৈ কম নহয়, ধ্বংস কৰি দিয়ে জীৱন! গীতাত কোনকেইটা বিষয়ক লৈ সাৱধানবাণী দিছে শ্ৰীকৃষ্ণই

Facebook
Twitter
LinkedIn
Facebook
Twitter
LinkedIn

NB NEWS- কুৰুক্ষেত্ৰৰ যুদ্ধ আৰম্ভ হোৱাৰ পূৰ্বে মহাবীৰ অৰ্জুনক দিয়া শ্ৰীকৃষ্ণৰ উপদেশসমূহেই উল্লেখ আছে শ্ৰীমদ ভগবত্‍ গীতাত। গীতা হৈছে হিন্দুসকলৰ অত্যন্ত পবিত্ৰ ধৰ্মগ্ৰন্থ। হাজাৰ হাজাৰ বছৰ পাছতো গীতাৰ বাণী আমাৰ জীৱনত আজিও কাৰ্যকৰী। গীতাই আমাক জীৱনৰ সঠিক পথৰ সন্ধান দিয়ে। গীতাৰ উপদেশ যথাযথভাৱে মানি চলিলে জীৱনত উন্নতি খাটাং।

গীতা এনে এখন গ্ৰন্থ যিয়ে মানুহক শিকাই কেনেকৈ জীৱনটো চলাব লাগে। আমাক ধৰ্ম, কৰ্ম আৰু প্ৰেমৰ পাঠ শিকাই গীতাই। কেৱল জীৱনকালতে নহয় মৃত্যুৰ পাছতো গীতাৰ বাণী আমাৰ জীৱনত সমানেই কাৰ্যকৰী হয়। গীতা হৈছে জীৱনৰ সম্পূৰ্ণ দৰ্শন যি অনুসৰণ কৰিলে মানুহৰ আৰু কোনো ধৰণৰ অভাৱ নাথাকে। গীতাৰ কেইটামান উপদেশ জানি থওক।

গীতাৰ অমূল্য উপদেশ

গীতাত কোৱা হৈছে যে বেছিভাগ মানুহৰ মনত শিক্ষাৰ পৰা অহংকাৰৰ উদয় হয়। আৰু যি শিক্ষাই মনত অহংকাৰৰ জন্ম দিয়ে সেই শিক্ষা বিষৰ সমান। এই শিক্ষাই আমাৰ জীৱন সম্পূৰ্ণৰূপে ধ্বংস কৰি দিয়ে। অন্যহাতে যি শিক্ষাই আমাক নম্ৰতা আৰু ভদ্ৰতাৰ পাঠ শিকাই সেই শিক্ষা হৈছে অমৃতৰ সমান। গীতাত শ্ৰীকৃষ্ণই কৈছে যে নিজৰ সম্ভাৱনাক চিনি নাপায় মুখ ঘূৰাই আঁতৰি অহাটোৱে জীৱনৰ আটাইতকৈ ডাঙৰ পৰাজয়।

মানুহে নাজানে প্ৰত্যেকজন মানুহৰ মাজতেই বিপুল সম্ভাৱনা লুকাই থাকে। এই সম্ভাৱনাক কামত লগালেই জীৱনত উন্নতি হয়, আপুনি আশা কৰা ধৰণেই জীৱনক উপভোগ কৰিব পাৰে। গীতা অনুসৰি সুখৰ সময়ত আমি উচিত ধৰ্ম কৰ্ম কৰা আৰু অন্যলোকক সহায়ৰ হাত আগবঢ়াই দিয়া উচিত। এই কাম কৰিলে আমাৰ বিপদৰ সময়ত অন্য় লোকে আমাক সহায় কৰিবলৈ আগুৱাই আহিব।

যদি কোনোৱে তোমাৰ ধৰ্ম আৰু তোমাৰ আত্মসন্মানৰ ক্ষতি কৰাৰ চেষ্টা কৰে সেই সময়ত খং প্ৰকাশ কৰাটো পূণ্যৰ কাম। যি ধৈৰ্য্যই তোমাৰ ধৰ্ম আৰু তোমাৰ আত্মসন্মানক ৰক্ষা কৰিব নোৱাৰে সেই ধৈৰ্য্যই মহাপাপ। গীতাত শ্ৰীকৃষ্ণই কৈছে যে কাকো কেতিয়াও যাচি উপদেশ দিব নালাগে।

কেতিয়াও কাকো মিছা কথা নক’ব। অতীতত কেতিয়া কি ভাল সময় পাৰ হৈছে এইসমূহ কথা ৰোমন্থন কৰি সময় নষ্ট নকৰিব। কাৰণ ইয়াৰ ফলত আপোনাৰ দুখ বাঢ়িব। গীতাত শ্ৰীকৃষ্ণই লগতে কৈছে ভাল মানুহৰ সৈতে ভালকৈ থাকক কিন্তু বেয়া মানুহৰ সৈতে ভাল হ’বলৈ নাযাব। কাৰণ হীৰাৰেহে হীৰা কাটিব পাৰি আৰু লোহাৰে লোহা কটা যায়।

শ্ৰী কৃষ্ণৰ পৰামৰ্শ অনুসৰি কাম কৰিলে আমি জীৱনত ভাল ফল লাভ কৰিমেই। ভাল কাম কৰিলে ভাল ফল পোৱা যাব আৰু বেয়া কাম কৰিলে বেয়া ফলেই পাব সেই কথাও গীতাত স্পষ্টকৈ উল্লেখ আছে।

 

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *