কথমপি প্ৰাণ ৰক্ষা, চলন্ত ৰে’লত হঠাতে জুই লগাত জপিয়াই প্ৰাণ ৰক্ষা কৰে যাত্ৰীয়ে

কথমপি প্ৰাণ ৰক্ষা, চলন্ত ৰে’লত হঠাতে জুই লগাত জপিয়াই প্ৰাণ ৰক্ষা কৰে যাত্ৰীয়ে

Facebook
Twitter
LinkedIn
Facebook
Twitter
LinkedIn

 

কথমপি প্ৰাণ ৰক্ষা, চলন্ত ৰে’লত হঠাতে জুই লগাত জপিয়াই প্ৰাণ ৰক্ষা কৰে যাত্ৰীয়ে

হোলী বিশেষ ট্ৰেইনত যোৱা নিশা ভয়ংকৰ ঘটনা। কথমপি প্ৰাণ ৰক্ষা পৰে বহু লোকৰ। নিশা হঠাতে ট্ৰেইনৰ এটা ডবাত জুই লাগি যোৱাত চলন্ত ট্ৰেইনৰ পৰা জপিয়াই প্ৰাণ ৰক্ষা কৰে বহু লোকে।

এই ঘটনা বিহাৰৰ। হোলী বুলি বিশেষ ট্ৰেইন আছিল , সেই ট্ৰেইনখন বিহাৰৰ পাটনাৰ পৰা মুম্বাই অভিমুখে যাত্ৰা কৰিছিল। সেই যাত্ৰাৰ সময়তে সংঘটিত হয় অগ্নিকাণ্ডৰ ঘটনাটো।

সৌভাগ্যক্ৰমে এটা ষ্টেছন পাৰ হৈছিল হে মাত্ৰ ট্ৰেইনখনে। ভালদৰে গতিবেগ লোৱাই নাছিল। লাহে লাহে অগ্ৰসৰ হৈছিল হে । তেনে সময়তে এটা যাত্ৰী নথকা এচি ডবাত জুই লাগি যায়। জুইৰ লেলিহান শিখাই আগুৰি ধৰে গোটেই ডবাটো।

লগে লগে তাৰ কাষৰ ডবাৰ যাত্ৰীৰ মাজত হাহাকাৰ লাগি যায় আৰু বহু যাত্ৰীয়ে বাহিৰলৈ জপিয়াই দিয়ে। ঘটনাৰ খবৰ লাভৰ লগে লগে ঘটনাস্থলীত ৰে’ল বিভাগৰ আৰক্ষী আৰু সুৰক্ষা কৰ্মী উপস্থিত হয়।

অগ্নিনিৰ্বাপক বাহিনীয়ো উপস্থিত হয় আৰু নিকট গাঁওবাসী লোকৰ সৈতে মিলি জুই নিয়ন্ত্ৰণ কৰিবলৈ সক্ষম হয়। অৱশ্যে এই ঘটনাত কোনো যাত্ৰী আহত হোৱা নাই। সকলো কুশলে থকা বুলি সদৰি ৰে’ল আৰক্ষীৰ।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *