ইজৰাইল-হামাছৰ যুদ্ধৰ ভাৰতত কি কি পণ্যৰ দাম বাঢ়িব? ভাৰতৰ পৰা ইজৰাইললৈ ৰপ্তানী হয় ৭৮৯ কোটি ডলাৰৰ পণ্য, ভাৰতে কি কি আনে ইজৰাইলৰ পৰা?

ইজৰাইল-হামাছৰ যুদ্ধৰ ভাৰতত কি কি পণ্যৰ দাম বাঢ়িব? ভাৰতৰ পৰা ইজৰাইললৈ ৰপ্তানী হয় ৭৮৯ কোটি ডলাৰৰ পণ্য, ভাৰতে কি কি আনে ইজৰাইলৰ পৰা?

Facebook
Twitter
LinkedIn
Facebook
Twitter
LinkedIn

অসম লাইভ২৪ঃ পশ্চিম এছিয়াৰ এটা প্ৰান্তত বাজিছে যুদ্ধৰ দামামা। পেলেস্তানীয় সশস্ত্ৰ সংগঠন হামাছে ইজৰাইলক কৰা আক্ৰমণৰ প্ৰত্তুত্ত্যৰ দিয়াত ব্যস্ত ইজৰাইল। এদিন দুদিনকৈ যুদ্ধৰ ৪দিন সম্পূৰ্ণ হোৱাৰ পাছতো যুদ্ধৰ ভয়াৱহতা ক্ষাম কটাতকৈ বৃদ্ধিহে হৈছে। যুদ্ধত ইজৰাইলৰ পক্ষত যদি কোনো দেশ থিয় হৈছে কোনো কোনো দেশে আকৌ পেলেস্তাইনকো সমৰ্থন জনাইছে। এই যুদ্ধৰ ফলত বৰ্তমানলৈকে ৪০০০ৰো অধিক লোকে প্ৰাণ আহুতি দিছে। আহতৰ সংখ্যা আঙুলিত গণি শেষ কৰিব নোৱাৰি। মুহূৰ্তে মুহূৰ্তে গোলাবৰ্ষণ, ৰকেট আক্ৰমণ, মিছাইল আক্ৰমণ। ইজৰাইলৰ প্রধানমন্ত্ৰীয়ে যুদ্ধৰ ছবি নিজেই সামাজিক মাধ্যমত শ্বেয়াৰো কৰিছে। ফটো, ভিডিঅ’ শ্বেয়াৰ কৰাই নহয়, প্ৰধানমন্ত্ৰী নেতানিয়াহুৱে সামাজিক মাধ্যমত লিখিছে, ‘মধ্যপ্ৰাচ্যৰ ইতিহাস, ভূগোল আমি সলনি কৰি দিম। আমাৰ ওপৰত আক্ৰমণ চলাই কোনো হাৰি যাব নোৱাৰে।’

হামাছৰ তৰফৰ পৰাও বিশেষ সঁকিয়নী দিয়া হৈছে। হামাছে ধমকি দিছে, ‘ইজৰাইলে যিমানবাৰ আক্ৰমণ কৰিব সিমানবাৰ আমি ইহুদী নাগৰিকক বন্দী কৰিম।’ ইজৰাইল-হামাছ দ্বন্দৰ প্ৰভাৱ পৰিছে এতিয়া বিশ্বৰ প্ৰায়সমূহ দেশৰ ওপৰতেই। প্ৰায় সকলো দেশৰ অৰ্থনীতিয়েই এই যুদ্ধৰ প্রভাৱ পৰিছে। ভাৰতো ইয়াৰ ব্যতিক্ৰম নহয়। পশ্চিম এছিয়াৰ যুদ্ধৰ প্ৰথম আৰু প্ৰাথমিক নেতিবাচক প্ৰভাৱ পৰিছে তেলৰ দামৰ ওপৰত। যুদ্ধৰ ফলত অপৰিশোধিত তেল বা ক্ৰুইড অইলৰ দাম বৃদ্ধিৰ পূৰ্ণ সম্ভাৱনা আছে। ক্ৰুইড অইলৰ দাম বাঢ়িলে পেট্ৰল-ডিজেলৰ দাম বৃদ্ধি হ’ব। ভাৰতৰো এই যুদ্ধক লৈ সমস্যা এইখিনিতেই। ভাৰত বিশ্বৰ তৃতীয় বৃহত্তম তেল আমদানিকাৰক দেশ। ক্ৰুইড অইলৰ এক বৃহৎ অংশ ভাৰতৰ বাহিৰৰ পৰাই দেশলৈ আহে। তেলৰ দাম সেয়ে ক্ৰুইড অইলৰ দাম বৃদ্ধিৰ লগে লগেই বৃদ্ধি পায়।

ক্ৰুইড অইলৰ দাম বৃদ্ধি ভাৰতৰ বাবে মূৰৰ বিষ হোৱাৰ কাৰণ হৈছে তেলৰ দাম বঢ়া মানেই অত্যাবশ্যকীয় সামগ্ৰীৰ দাম বৃদ্ধি পোৱা। এই মূল্যবৃদ্ধিয়ে দেশৰ অৰ্থনীতিক দুৰ্বল কৰি তুলিব পাৰে। ইজৰাইল-হামাছৰ যুদ্ধই ভাৰতৰ তেলৰ বজাৰত স্থায়ী, দীৰ্ঘম্যাদী প্ৰভাৱ পেলাব বুলিও ধাৰণা কৰিছে বিশেষজ্ঞৰ দলে। কাৰণ যুদ্ধৰ কাৰণে পশ্চিম এছিয়াৰ পৰা তেলৰ যোগান কমি যাব। চাহিদৰ সৈতে যোগানৰ ভাৰসাম্য ব্যাহত হ’ব। তেলৰ দাম বৃদ্ধি পালে তাৰ প্ৰভাৱ পৰিব বেংকিং ব্যৱস্থাতো। বিভিন্ন দেশৰ কেন্দ্ৰীয় বেংকসমূহৰ সূদৰ হাৰ বৃদ্ধি হ’ব পাৰে। যিয়ে সামগ্ৰীকভাৱে ভাৰতৰ অৰ্থনীতিৰ প্ৰভাৱ পেলাব পাৰে বুলিও জনাইছে বিশেষজ্ঞৰ দলে।

ভাৰত আৰু ইজৰাইলৰ পাৰস্পৰিক বাণিজ্যিক সম্পৰ্কতো যুদ্ধৰ প্ৰভাৱ পৰিব বিশেষজ্ঞৰ দলে। ইজৰাইলত ভাৰতৰ অন্যতম গুৰুত্বপূৰ্ণ বাণিজ্যিকসংগী। বিশ্বৰ নিৰিখত দশম স্থানত আছে যুদ্ধবিধ্বস্ত দেশখন। পানী, ঔষধ, টেলিকম, তথ্যপ্ৰযুক্তি আদিকে ধৰি কেইবাটাও ক্ষেত্ৰত ভাৰত আৰু ইজৰাইলৰ মাজত লেনদেন আছে। ভাৰতৰ পৰা ইজৰাইলৰ ৰপ্তানিকৃত মূল উপাদানসমূহৰ মাজত আছে ধাতু, শিল, ৰাসায়নিক পদাৰ্থ, কাপোৰ আদি। প্ৰতিবছৰেই ভাৰতে এইসমূহ সামগ্ৰী ইজৰাইলৰ পৰা আমদানী কৰে।

ইজৰাইলৰ পৰা ভাৰতলৈ আমদানি কৰা প্ৰধান পণ্য হৈছে ক্ৰুইড অইল। ইয়াৰোপৰি একাধিক দামী শিল, ৰাসায়নিক আৰু খনিজ পদাৰ্শ, কৃষিজাত উপযোগী বিভিন্ন দ্ৰব্য, যন্ত্ৰপাতি ইজৰাইলৰ পৰা ভাৰতে আমদানী কৰে। পৰিসংখ্যাই কোৱা অনুসৰি ২০২২-২৩ৰ বিত্তীয় বৰ্ষত ভাৰতৰ পৰা ইজৰাইললৈ মুঠ ৭৮৯ কোটি ডলাৰৰ পণ্য ৰপ্তানী কৰা হৈছে। ইজৰাইলৰ পৰা ভাৰতে আমদানী কৰিছে ২১৩ কোটি ডলাৰৰ পণ্য। সকলো মিলি মুঠ বাণিজ্যৰ পৰিমাণ হাজাৰ কোটিৰো অধিক। হামাছৰ সৈতে সংঘৰ্ষৰ কাৰণে ইজৰাইলৰ পৰা আমদানী আৰু ৰপ্তানীত বাধা আহিব। আমদানী-ৰপ্তানীৰ দিশটোলৈ লক্ষ্য ৰাখিয়েই ভাৰতৰ অৰ্থনৈতিক ক্ষতিৰ আশংকা কৰিছে বিশেষজ্ঞৰ দলে। ইজৰাইলত ভাৰতৰ কিছু বিনিয়োগো আছে। ষ্টেট বেংক অৱ ইণ্ডিয়া, টি ছি এছ, ইনফোচিছ, টেক মাহিন্দ্ৰা, ছান ফাৰ্মা, আদানী, ওইপ্ৰ’ৰ দৰে সংস্থাৰ ইজৰাইলত বিনিয়োগ আছে। হামাছৰ আক্ৰমণৰ উত্তৰত যুদ্ধ ঘোষণা কৰিছে নেতানিয়াহুৱে। ভাৰতে এই যুদ্ধত ইজৰাইলৰ কাষত থিয় দিছে। হামাছৰ আক্ৰমণৰ বিৰোধীতা কৰি এক্স হেণ্ডেলত নিজৰ মতামতো দাঙি ধৰিছে প্ৰধানমন্ত্ৰী নৰেন্দ্ৰ মোদীয়ে।

Leave a Reply

Your email address will not be published. Required fields are marked *

Leave a Reply

Your email address will not be published. Required fields are marked *